_Kyauk_Taw.webp&w=512&q=75)
၇ခိုင်မြောက်ပိုင်းမှ အကြီးမားဆုံးစစ်စခန်း ကျောက်တော်စကခ(၉) ဌာနချုပ်ကို ရက္ခိုင့်တပ်တော် ဝင်ရောက်တိုက်ခိုက်၍ တိုက်ပွဲပြင်းထန်နေ
ရခိုင်ပြည်ထဲမှ စစ်ရေးဗျူဟာအရ အလွန်အရေးကြီးပြီး ကုလားတန်မြစ်ဝန်းလွင်ပြင်တစ်ခုလုံးကိုစိုးမိုးထားသော ကျောက်တော်မြို့ အခြေစိုက် စကခ(၉) စစ်ဗျူဟာကွပ်ကဲမှု ဌာနချုပ်ကို ရက္ခိုင့်တပ်တော်(AA) ဝင်ရောက်တိုက်ခိုက်၍ တိုက်ပွဲပြင်းထန်နေကြောင်းသတင်းရရှိသည်။
တိုက်ပွဲမှာ ယနေ့ နံနက် မိုးထ ၃ နာရီအချိန်ကအလွန်ပြင်းထန်နေသည်ဟု စစ်ရေးဆိုင်ရာ သတင်းရင်းမြစ်တစ်ခုက နိရဉ္စရာသတင်းဌာနကို ပြောသည်။
“ အေအေက ဝင်တိုက်နေတာ သုံးလေးရက်ရှိနေပြီ။ ဒီနေ့မနက် ၃ နာရီကစပြီး တိုက်ပွဲအရမ်းပြင်းထန်ပါတယ်။အေအေဘက်က အသာစီးရနေသလို တပ်မထဲထိ ရောက်သွားပြီလို့လည်း ကြား၇ပါတယ်” ဟု ပြောကြားသည်။
ညီနောင်သုံးဖွဲ့၏ ဇန်နဝါရီ ၂၄ ရက် ည (၁၁ နာရီ၄၀ မိနစ်) က ထုတ်ပြန်သည့် ထုတ်ပြန်ချက်တွင် "မိမိတို့မှလည်းစစ်ကောင်စီ၏ တပ်မဌာနချုပ်နှင့် အထိုင်ချစခန်းများကို တစ်ခုပြီးတစ်ခုသိမ်းပိုက်ရယူရန် ကြိုးစားလျက်ရှိသည်" ဟု ဖော်ပြသည်။
ကျောက်တော်ရှိ စကခ (၉) ကို ဒေသခံများက တပ်မဟုခေါ်ဆိုပြီး ညီနောင်သုံးဖွဲ့၏ ထုတ်ပြန်ချက်တွင် ဖော်ပြသော တပ်မမှာ ကျောက်တော် စကခ(၉)ကို ပြောဆိုခြင်းဖြစ်ကြောင်း စစ်ရေးလေ့လာနေသူ တစ်ဦးက ပြောဆိုသည်။
ရက္ခိုင်ဒေသတွင်း၌ ပေါက်တောမြို့အား ရက္ခိုင့်တပ်တော် (AA) မှ အလုံးစုံထိန်းချုပ်ထားပြီး တစ်ပြိုင်နက် တည်းတွင် မြောက်ဦး၊ မင်းပြား၊ကျောက်တော်နှင့် ရသေ့တောင်မြို့နယ်များရှိ လက်နက်ချအညံ့မခံသော စစ်ကောင်စီတပ်ဖွဲ့ဝင်များနှင့် ရက္ခိုင့်တပ်တော်တို့ကြား တိုက်ပွဲများ ပြင်းထန်နေဆဲဖြစ်ကြောင်း အဆိုပါနေ့ စစ်ရေးသတင်းထုတ်ပြန်ချက်တွင် ဖော်ပြထားသည်။
လှူရန်