အကြမ်းဖက်စစ်ကောင်စီတပ်က မြောက်ဦးမြို့ထဲကို  လက်နက်ကြီးဖြင့်ပစ်ခတ်၍  အရပ်သား ၄ ဦးသေဆုံးပြီး ရ ဦးဒဏ်ရာရရှိကာ အိမ် ၂၀ ကျော်မီးလောင်ပျက်စီးသွားကြောင်း သတင်းရရှိသည်။

မြောက်ဦးမြို့တွင်ကျန်ရှိနေသည့်စစ်ကောင်စီ၏ ခမ၇ ၅၄၀၊ ခမ၇ ၃ရ၇ နှင့် အမှတ်(၃၁)ရဲတပ်ရင်းတို့က ယမန်နေ့ဇန်နဝါရီလ ၂၇ ရက်၊ ည ရ နာရီဝန်းကျင်တွင် မြောက်ဦးမြို့ပေါ်သို့ လက်နက်ကြီးများဖြင့်ပစ်ခတ်ခဲ့ရာမှ နေအိမ်များမီးလောင်ပျက်စီးကာ အရပ်သားများ သေဆုံးဒဏ်ရာရခဲ့ခြင်း ဖြစ်ကြောင်းသိ၇သည်။

လက်နက်ကြီးကျည်များသည် မြောက်ဦးမြို့ အလယ်ဈေးရပ်ကွက်၊ ကုန်သည်လမ်းဆုံမှ နေအိမ်များကို ထိမှန်ပြီးအရပ်သားများသေဆုံးဒဏ်ရာရပြီး နေအိမ်များမီးလောင်ပျက်စီးသွားခြင်းဖြစ်ကြောင်း မြောက်ဦးမြို့ခံများ၏ ပြောပြချက်အရသိ၇သည်။

မြောက်ဦးမြို့နှင့် အဆက်အသွယ်၇သည့် ဒေသခံ တစ်ဦးက " မြောက်ဦးမှာစစ်တပ်လက်နက်ကြီးနဲ့ ပစ်လို့ လူ ၄ယောက်သေပြီး ရ ယောက်ဒဏ်ရာရတယ်လို့ သိရပါတယ်။ အခုမနက်ပိုင်းက မြောက်ဦးဝန်းကျင်က ဒေသခံတယောက်နဲ့ဖုန်းအဆက်သွယ်၇တာမှာ ပြောခဲ့တာပါ။အိမ်လည်း ၂၀ လောက်မီးလောင်ပျက်စီးသွားတယ်လို့ပြောပါတယ်" ဟု ပြောသည်။

ယနေ့မနက်ပိုင်းကလူမှုကွန်ရက်စာမျက်နှာတွင်ပျံ့နှံ့လာသည့် ရုပ်သံဗီဒီဖိုင်တခုထဲတွင်မြောက်ဦးမြို့ ဗန္ဓုလတံတားအဆင်း ညာဘက်အခြမ်းမှ နေအိမ်ဆိုင်တန်းများထဲကဆိုင်တစ်ဆိုင်မှာ မီးဟုန်းဟုန်း တောက်လောင်နေပြီး အရပ်သားတချို့က ပစ္စည်းပစ္စယများကိုမီးလွတ်ရာရွှေ့ပြောင်းနေသည်ကို တွေ့ရသည်။ အလားတူ မီးလောင်ပျက်စီးသွားသည့် နေအိမ်တန်းများ၊လက်နက်ကြီးကျည်စထိမှန်ပြီး သေဆုံးနေသည့်အရပ်သားများကိုလည်း ဓာတ်ပုံများထဲတွင်တွေ့မြင်၇သည်။

" အရပ်သားသေဆုံးတဲ့ဓာတ်ပုံတွေတက်လာတာ။ကြည့်တောင်မကြည့်ရဲလောက်စရာပါ။ တချို့ခေါင်းတွေ၊ မျက်နှာတွေအကုန်လုံးပြိုသွားတဲ့ပုံတွေ၊ တချို့ဝမ်းဗိုက်တွေအကုန်ပွင့်ကျသွားတာ" ဟု အဆိုပါ မြောက်ဦးမြို့ခံအမျိုးသားကပြောသည်။

 မြောက်ဦးအပါအဝင်ရခိုင်တိုက်ပွဲဖြစ်ပွားရာမြို့များတွင် စစ်ကောင်စီကဖုန်းလိုင်း၊အင်တာနက်လိုင်းများကို ဖြတ်တောက်ထားဆဲဖြစ်သည်။

မြောက်ဦးမြို့မရဲစခန်း၊သူတော်မကုန်း စစ်စခန်း၊သင်းကျစ်တောင်စခန်းကုန်း၊ လင်းမြွေတောင် စစ်စခန်းနှင့်မြောင်းဘွေရဲစခန်းတို့ကို ရက္ခိုင့်တပ်တော်(AA)ကထိန်းချုပ်သိမ်းပိုက်ထားပြီး လက်ရှိမြောက်ဦးမြို့တွင်ခမ၇ ၅၄၀၊ ခမ၇ ၃ရ၇ ၊ ၃၇၈နှင့် အမှတ်(၃၁)ရဲတပ်ရင်းတို့ ကျန်ရှိနေခြင်းဖြစ်ကြောင်းသိ၇သည်။ ( NN-23)