မောင်တောတွင် နယ်ခြားစောင့်ရဲတပ်ဖွဲ့ဝင်များနှင့် ရဲတပ်သားများ နေ့စဥ်ဆိုသလို ထွက်ပြေးနေ
ရခိုင်ပြည်နယ်အနောက်ဘက်နယ်စပ် မောင်တောမြို့ရှိ နယ်ခြားစောင့်ရဲတပ်ဖွဲ့ဝင်များနှင့် ရဲတပ်သားများသည်သူတို့တပ်စခန်းများကို ရက္ခိုင့်တပ်တော်က လာရောက်တိုက်ခိုက်မည်ကိုစိုးရိမ်သောကြောင့် နေ့စဥ်ဆိုသလို ထွက်ပြေးမှုများရှိနေကြောင်း သိ၇သည်။
ယနေ့ဖေဖော်ဝါရီ ၈ ရက်တွင် မောင်တောမြို့မရဲစခန်းမှ ရဲတပ်သားနှစ်ဦး ထွက်ပြေးသွားသည်ဟုမောင်တောမြို့ခံတစ်ဦးက ပြောသည်။
" ဒီနေ့လည်းရဲစခန်းက ရဲသားနှစ်ယောက်ထွက်ပြေးသွားတယ်
ယမန်နေ့ ဖေဖော်ဝါရီရ ရက်ကဆိုလျှင် မောင်တောမြို့အဝင် မြို့သူကြီးအနီးရှိ နယ်ခြားစောင့်တပ်ဖွဲ့ခွဲ နခခ(၅)မှနယ်ခြားစောင့်တပ်သား ၁၀ ဦးခန့်သည် စခန်းမှ ထွက်ပြေးသွားခဲ့သည်ဟု ခိုင်လုံသည့် သတင်းရင်းမြစ်များက ပြောသည်။
"မနေ့က နခခ(၅)နားမှာ ဂိတ်ပိတ်ထားတယ်။ လုံခြုံရေးလည်း တင်းကျပ်ထားတယ်။ ကျနော်တို့ အဲဒီနားကသွားလို့မရလို့ တခြားနေရာက ပတ်သွားလိုက်၇တယ်" ဟု မောင်တော ဒေသခံတစ်ဦးကပြောသည်။
ထို့အပြင်နခခ(၆) မှ နယ်ခြားစောင့်ရဲများသည်လည်း ထွက်ပြေးနေသည်မှာ ၃ ရက်ဆိုက်တိုက်ရှိနေပြီဟု နောက်ထပ်ဒေသခံတစ်ဦးက ဆိုသည်။
"ဒီလိုပဲ တစ်ရက်မှာ၃ ယောက်၊ ၄ ယောက်လောက်စီ ပြေးကြတယ်။ ၆ ရက်နေ့ကဆိုရင် ပြေးတာ အယောက် ၆၀ လောက်ကြားတယ်။မနေ့ကတော့ အယောက် ၃၀ လောက်ပြေးတယ်ကြားတယ်" ဟုဆိုသည်။
ဘင်္ဂလာ-မောင်တော နယ်စပ်မြို့ဖြစ်သည့်တောင်ပြို(လက်ဝဲ) မြို့နှင့် တောင်ပြို(လက်ယာ) မြို့ ၂ မြို့ကိုရက္ခိုင့်တပ်တော်က သိမ်းပိုက်ထားပြီး နယ်စပ်ကို ရက္ခိုင့်တပ်တော်ကထိန်းချုပ်ထားသည်။
များမကြာမီတွင်လည်း တခြားနယ်ခြားစောင့်စခန်းများ တိုက်ခိုက်ခံရမည်ကို စိုးရိမ်၍ နယ်ခြားစောင့်တပ်သာများအစုလိုက် အပြုံလိုက် ထွက်ပြေးသည်များလည်း ရှိနေသလို တစ်ဦးချင်းထွက်ပြေးသည်များလည်းရှိနေသည်။
ထွက်ပြေးရာတွင်တချို့ဆို လက်နက်မဲ့ ထွက်ပြေးပြီး တချို့ဆို လက်နက်အပြည့်အစုံနှင့် ထွက်ပြေးကာဘင်္ဂလားဒေ့ရှ်နိုင်ငံဘက်ခြမ်းသို့
လှူရန်