ယမန်နေ့ နံနက်က စတင်ပြီးရက္ခိုင့်တပ်တော်က ကိုးတန်ကောက် စခန်းကို ဝင်ရောက် တိုက်ခိုက်ခဲ့ပြီး စစ်ကောင်စီကလေယာဉ်ဖြင့်လာရောက်တိုက်ခိုက်သလို ရေတပ်နေဗီကလည်း လက်နက်ကြီးများဖြင့် အဆက်မပြတ် ပစ်ခတ်နေသည့်ကြားကတပ်တော်က သိမ်းပိုက်နိုင်ခဲ့သည်ဟု သိ၇သည်။

ဒေသခံ တစ်ဦးက "မနေ့ မနက် ရ နာရီခွဲကနေ ကိုးတန်ကောက်တပ်ကို ကိုယ့်တပ်တော်က တိုက်နေတာ။ လူတွေကတော့ လက်နက်ကြီးပစ်ကတည်းက ထွက်ပြေးပုန်းအောင်းနေကြ၇တယ်။ ဒီနေ့တော့နေဗီကနေ လက်နက်ကြီးနဲ့ ပစ်တယ်။ ဒါပေမယ့်  စခန်းသိမ်းပိုက်လိုက်ပြီလို့သိရပါတယ်။ လက်နက်ငယ် ပစ်သံတွေတော့ မကြား၇တော့ဘူး”  ဟု ပြောသည်။

၎င်းပြင် ယမ် နေ့ နံနက်၁၁ နာရီခန့်ကလည်း  စစ်ကောင်စီက လေယာဉ်ဖြင့်ဗုံးကြဲ တိုက်ခိုက်မှုများလည်း ရှိခဲ့သည်ဟု သိ၇သည်။ 

ကိုးတန်ကောက်နယ်ခြားစောင့်စခန်းသည်အငူမော်- မောင်တောကားလမ်းဘေးတွင်တည်ရှိပြီး  ၂၀၂၃ ခုနှစ် နိုဝင်ဘာ ၁၃ ရက်နေ့က ရက္ခိုင့်တပ်တော်က စတင်တိုက်ခိုက်ခဲ့သည့်ဒုံးပိုက်နှင့် ချိန်ခါလီ အနီးတွင် တည်ရှိသည်။