စစ်ကောင်စီ ရေတပ်စစ်ရေယာဉ် ၆ စီးတွင် တစ်စီးမီးလောင်
ရက္ခိုင့်တပ်တော် (AA)က သိမ်းပိုက်ထားသည့် မင်းပြားမြို့ကို စစ်ကောင်စီက ရေတပ်၊ လေတပ်ကို အသုံးပြီးပြန်လည် တိုက်ခိုက်လာသဖြင့် ကျားရှည်ပြင်အနီးတွင် တိုက်ပွဲပြင်းထန်စွာဖြစ်ပွားနေသည်ဟုသတင်းရရှိသည်။
ဒေသခံ သတင်းရင်းမြစ်တစ်ဦးက”ကျားရဲပြင်ဘက်မှာတိုက်ပွဲပြင်းထန်နေပါတယ်။ မနေ့ကနေ ဖြစ်နေတာပါ။ အခု မနက် ၁၁ နာရီထိ ပြင်းထန်စွာဖြစ်ပွားနေပါတယ်။စစ်ရေယာဉ် ၆ စီးပါတယ်။ တစ်စီးကတော့ မနေ့ကတည်းက မီးလောင်သွားပါပြီ”ဟု ပြောသည်။
လက်နက်ကြီး လက်နက်ငယ်ပစ်ခတ်သံများကို ဆက်တိုက်ကြားနေ၇ပြီးယနေ့ နံနက်တွင် ပိုမို ပြင်းထန်နေသည်ဟု ပြောကြားသည်။
မင်းပြားမြို့ရှိ ခမ၇ (၃၈၀)၊ ခမ၇ (၃၇၉) နှင့် ခမ၇ (၅၄၁) တပ်ရင်း ၃ ရင်းစလုံးကို ရက္ခိုင့်တပ်တော်က အပြီးသတ် သိမ်းပိုက်ထားပြီးနောက်စစ်ကောင်စီက ရေတပ်၊ လေတပ်များဖြင့် ပြန်လည် တိုက်ခိုက်လာသည်ဟု သိ၇သည်။
ညီနောင်မဟာမိတ် သုံးဖွဲ့၏ မနေ့က ထုတ်ပြန်ချက်တွင်လည်း ဖေဖော်ဝါရီလ(၆) ရက်နေ့တွင် ရက္ခိုင့်တပ်တော်မှ အလုံးစုံထိန်းချုပ်ထားနိုင်ပြီဖြစ်သော မင်းပြားမြို့အား ယမန်နေ့ (ဖေဖော်ဝါရီ ၁၀)ရက်နေ့က တစ်ရက်လုံးတွင်စစ်ကောင်စီသည် ရေကြောင်း၊ လေကြောင်းမှ လက်နက်ကြီးများဖြင့်ပစ်ခတ်တိုက်ခိုက်ခဲ့သည်ဟု ဖော်ပြထားသည်။
လှူရန်