ပလက်၀မြို့ကို စစ်ကောင်စီက ဗုံးကြဲတိုက်ခိုက်မှုကြောင့် ကလေးငယ် တစ်ဦးသေဆုံးပြီး တစ်ဦးဒဏ်ရာရ

ပလက်၀မြို့အား စစ်ကောင်စီက ဂျက်ဖိုက်တာ တစ်စီးဖြင့် တိုက်ခိုက်သဖြင့် ကလေးငယ် တစ်ဦးသေဆုံးကာ တစ်ဦး ထိခိုက် ဒဏ်ရာရရှိသွားကြောင်း သတင်း ရရှိသည်။

ဖေဖော်ဝါရီ ၁၁ ရက် ညနေ ၄ နာရီ ၄၅ မိနစ်အချိန်တွင် ဂျက်ဖိုက်တာဖြင့် (၂) ကြိမ်တိတိ ဗုံးကြဲတိုက်ခိုက်ခဲ့ပြီး လေယာဉ်ပေါ်မှ စက်သေနတ်နှင့်ပါ ပစ်ခတ်ခဲ့သည်ဟု ရက္ခိုင့်တပ်တော်က သတင်းထုတ်ပြန်သည်။

ရက္ခိုင့်တပ်တော် (AA) သိမ်းပိုက်ထားသော ပလက်၀မြို့အား စစ်ကောင်စီက မကြာခဏ ဗုံးကြဲတိုက်ခိုက်မှုများရှိနေပြီး ဇန်နဝါရီ ၂၉ ရက်နေ့ကလည်း ပလက်ဝမြို့နယ်၊ ဟုမ်းကျေးရွာကို စစ်ကောင်စီက လေကြောင်းဖြင့် ၃ ကြိမ် ဗုံကြဲတိုက်ခိုက်ရာ ပြည်သူ (၇) ဦး သေဆုံးသွားခဲ့သည်ဟု သိရသည်။