(လက်နက်ကြီးကျ၍ ကုလဘာရွာကနေအိမ်များ ထိမှန်ပျက်စီး)
ယနေ့ နံနက်ပိုင်းက စတင်ပြီး ကျောက်ဖြူမြို့နယ်တွင်ရက္ခိုင့်တပ်တော် (AA) နှင့် စစ်ကောင်စီတို့ ဖြစ်ပွားနေသည့် တိုက်ပွဲမှာ ယခု ညအချိန်ထိ ပြင်းထန်စွာ ဆက်လက်ဖြစ်ပွားနေကြောင်းဒေသခံများက ပြောသည်။
" အခုလည်းတိုက်ပွဲပြန်စပြီး ပြန်ချနေကြတုန်းပဲ။ အနီးအနားကရွာတွေမှာလည်း လူတွေမရှိတော့ဘူး။ အကုန်ရှောင်ပြေးသွားကြပြီ"ဟု ည ၈ နာရီအချိန်ဆက်သွယ်မေးမြန်းရာကျောက်ဖြူမြို့နယ်မှ စစ်ရေး စောင့်ကြည့်နေသူ လူငယ်တစ်ဦးကပြောသည်။
ယနေ့ဖေဖော်ဝါရီလ၁၂ ရက်၊ မနက် ၈ နာရီခန့်ကစတင်ကာ ကျောက်ဖြူမြို့နှင့်ရ မိုင်ခန့်အကွာ ကုလဘာကျေးရွာအုပ်စုရှိ၊ ငှက်ပျောချောင်းရွာအနီး တိုက်ပွဲဖြစ်ပွားခဲ့ခြင်းဖြစ်ပြီး၈ နာရီမှ နေ့လယ် တစ်နာရီထိ တကြိမ်၊ညနေ ၄ နာရီမှ ၄ နာရီခွဲထိ တကြိမ် တိုက်ပွဲမှာ ပြင်းထန်စွာ ဖြစ်ပွားခဲ့ကြောင်း သိ၇သည်။
နံနက်ပိုင်းနှင့် နေ့လယ်ပိုင်းတိုက်ပွဲအတွင်း စစ်ကောင်စီတပ်ဖွဲ့ဝင်၄ ဦးခန့် ဒဏ်ရာရရှိခဲ့ပြီး ဆေးရုံသို့ ယူဆောင်လာသည်ဟုကြားသိထားရကြောင်း ကျောက်ဖြူမြို့နယ်ဒေသခံအမျိုးသမီးတစ်ဦးကနိရဥ္စရာသို့ ပြောသည်။
" စကစဖက်ကလေးယောက်ထိခိုက် ဒဏ်ရာ၇သွားတယ်လို့ကြားထားပါတယ်" ဟု သူမကပြောသည်။
တိုက်ပွဲအတွင်းစစ်ကောင်စီ၏ ခမ၇ ၅၄၃ ၊ ကျောက်တလုံးတောင်တန်းမှ အမြောက်တပ်၊ အမှတ်(၃၂) ဒိုးတန်း တောင်ရဲတပ်ရင်းနှင့်နေဗီစစ်သင်္ဘောများမှ လက်နက်ကြီးများဖြင့် တရစပ်ပစ်ခတ်ခဲ့ပြီးလက်နက်ကြီး ကျည်များမှာ ကုလဘာကျေးရွာမှနေအိမ်များကိုထိမှန်ပျက်စီးသွားကြောင်း ဒေသခံများကပြောသည်။
" ကုလဘာရွာကိုလက်နက်ကြီးကျပါတယ်။ ရွာအဆုံးနားကအပိုင်းကိုကျတာပါ။ အိမ်တလုံးဆိုရင်အလုံးလိုက် ကျွတ်ပါသွားတယ်လို့ သိရတယ်။ လူတွေကတော့တိုက်ပွဲစဖြစ်ကတည်းက ရှောင်ပြေးကြလို့ ဒဏ်ရာရတာမရှိဘူးလို့သိ၇ပါတယ်"ဟု ဒေသခံအမျိုးသမီးတစ်ဦးကပြောသည်။
တိုက်ပွဲဖြစ်ရာငှက်ပျောချောင်းကျေးရွာအနီးဝန်းကျင်၌ မလကျွန်း၊ ပြင်ရှည်၊ရွာသစ်နှင့် လိပ်ခမော်၊ ကန်းဒီး၊ မင်းတက်တောင်ကျေးရွာများမှဒေသခံများမှာ ယနေ့မနက်ပိုင်းကပင် ဘေးလွတ်နိုင်ရာသို့ ထွက်ပြေးတိမ်းရှောင်ခဲ့ကြရကြောင်း သိ၇သည်။
တိုက်ပွဲဖြစ်ရာနေရာသို့ခမ၇ ၅၄၂၊ ခမ၇ ၅၄၃၊ ခလ၇ ၃၄ တပ်ရင်းများမှ စစ်ကူများဆက်တိုက် ပို့ဆောင်နေသောကြောင့် တိုက်ပွဲမှာ ညဥ့်အချိန်ပိုပြင်းထန်မည့်အခြေအနေရှိကြောင်းဒေသခံများက ပြောသည်။(NN-23)
လှူရန်