မင်းပြားမြို့ အခြေစိုက်တပ်ရင်းများမှ သိမ်းဆည်းရမိသည့် လက်နက်ခဲယမ်းများ၊ စစ်ကားများ၊ ဖျက်ဆီးသွားသည့် ဒုံးကျည်ပစ်ကားများကို ရက္ခိုင့်တပ်တော် ပြသ

နိရဉ္စရာ၊ ဖေဖော်ဝါရီ ၁၆/၂၀၂၃

မင်းပြားမြို့အခြေစိုက် အကြမ်းဖက်စစ်ကောင်စီတပ်၏ စကခ (၉) လက်အောက်ခံ နည်းဗျူဟာ (၂) ခမရ (၃၇၉)၊ ခမရ (၃၈၀) နှင့် ခမရ (၅၄၁) တို့အား ရက္ခိုင့်တပ်တော်မှ အပြီးသတ်သိမ်းပိုက်ပြီးနောက် သိမ်းဆည်းရရှိခဲ့သော လက်နက်ခဲယမ်းမီးကျောက်များနှင့် စစ်အသုံးအဆောင်ပစ္စည်းများကို ထုတ်ပြန် ပြသသည်။

ရက္ခိုင့်တပ်တော်( AA)သည် မင်းပြားမြို့တွင် ခမရ (၃၈၀)၊ (၃၇၉) နှင့် (၅၄၁) တပ်ရင်း ၃ ရင်းရှိရာ ခမရ (၃၈၀) ကို လွန်ခဲ့သည့် ဇန်ဝါရီ ၂၈ ရက်နေ့ အပြီးသတ် သိမ်းပိုက်ခဲ့ပြီးနောက် ဖေဖော်ဝါရီ ၆ ရက်နေ့တွင် ကျန်ရှိနေသေးသည့် (၃၇၉) နှင့် (၅၄၁) တို့ကို  ထပ်မံသိမ်းပိုက်ခဲ့သည်။