ရန်ကုန်မှ စစ်တွေမြို့ကို ပြန်လာသည့် ခရီးသည်အများအပြားကို စစ်တွေလေဆိပ်အရောက်တွင် ဖမ်းဆီးခေါ်ဆောင် စစ်ဆေးနေကြောင်း သတင်းရရှိသည်။

စစ်တွေမြို့တွင် ယနေ့ဖေဖော်ဝါရီလ၁၉ရက်နေ့နံနက်၉နာရီတွင် ရန်ကုန်-စစ်တွေ လေကြောင်းလိုင်းမှ စစ်တွေလေဆိပ်သို့ဆင်းသက်လာသည့်လေယာဉ် ၅ စီးခန့်မှ လူငယ်အများအပြား အပါအဝင် ခရီးသည်များကို စစ်တွေလေဆိပ်မှရဲနှင့် စစ်သားများမှ စစ်ဆေးရန် ဖမ်းဆီး ခေါ်ဆောင်သွားသည်ဟု ဖမ်းဆီးခံထားရသည့်လူငယ်တစ်ဦး၏ ဆွေမျိုးတစ်ဦးက နိရဉ္စရာသတင်းဌာနကိုပြောသည်။

" တူလေးတစ်ယောက်ပါသွားပါတယ်။ ပေါက်တောကပါ။မန်း၇တနာလေကြောင်းနဲ့လာတာပါ။ အသက်က ၁၈နှစ်ပါ။ အလည်သွားတာပါ ကျောင်းကိစ္စ စုံစမ်းယင်း။ မနက်ကတည်းက စစ်ဆေး ခံနေရတာပါ။ အစိုးရဝန်ထမ်းတွေကိုလွတ်ပေးလိုက်တယ်လို့သိ၇တယ်။ညနေ ၃နာရီထိ သိရသလောက် ပြန်မလွတ်သေးပါဘူး။ ခုချိန်ထိမဆက်သွယ်လာသေးပါဘူး"ဟုပြောသည်။

၎င်းလေယာဉ်ခရီးသည်များကိုစစ်တွေမြို့၊လောကာနန္ဒာဘုရားရှိဓမ္မာရုံသို့ခေါ်ယူစစ်ဆေးနေသည်ဟု၎င်းကပြောသည်။

" ကျနော်သိ၇သလောက်ဒီနေ့ဆင်းသက်လာတဲ့လေယာဉ် ၅စီးကလူတွေတဲ့ အများကြီး ဖြစ်မယ်ထင်တယ်။ အခုထိ လူပေါင်း ၂၀၀ လောက်တော့ကျန်နေသေးတယ်လို့ ကြားရပါတယ်။ လောကာနန္ဒာ ဘုရားဓမ္မာရုံမှာ စစ်ဆနေတယ်။ ဘာကြောင့်မှန်းမသိပါဘူး"ဟုပြောသည်။

ဖမ်းဆီးခံရသူများကိုသန်းခေါင်စာရင်းမိတ္တူများစစ်ဆေးပြီး၊တစ်ချို့ကို မိမိသွားမည့် ရပ်ရွာ နေရပ်လိပ်စာများကိုမေးမြန်းစစ်ဆေးပြီးလွတ်ပေးသူများရှိသလို ငွေတောင်းမှု များလည်းရှိသည်ဟုသတင်းများလည်းထွက်ပေါ်နေသည်။

စစ်တွေမြို့ခံအစိုးရဝန်ထမ်းတစ်ဦးက" ရန်ကုန်ကလာတဲ့သူတွေထဲမှာ အေအေပါတယ်ထင်လို့ စစ်တာနေမှာ။ တစ်ချို့ကိုကိုယ်သွားမဲ့နေရပ်တွေကိုမေးပြီး အတိကျဖြေနိုင်တဲ့သူကိုလွတ်တေလို့လည်း ကြားမိတယ်။အတိကျတော့ကျနော်တို့လည်းမသိ၇ဘူး" ဟုပြောသည်။

လက်ရှိ အချိန်ထိ ဖမ်းဆီးစစ်ဆေးခံနေ၇သူ ၂၀၀ ခန့်ရှိနေပြီးယနေ့ ညပိုင်းတိ မလွတ်သေးကြောင်းနှင့် မိသားစုများအနေဖြင့် အထူးစိုးရိမ်နေကြသည်ဟု သိ၇သည်။

ယမန်နေ့ဖေဖော်ဝါရီလ၁၈ ရက်၊ ညနေ ၅ နာရီကလည်း မြန်မာ့လေကြောင်းလိုင်းမှ လေယာဉ်တစ်စီးကျောက်ဖြူလေယာဉ်ကွင်းသို့ဆင်းသက်ပြီးနောက် လေယာဉ်ပေါ်ပါလာသည့်ခရီးသည် ၆၇ ဦးတို့အား စစ်တပ်နှင့်ထွေအုပ်တို့က Dyna (ဒိုင်နာ)ကားတစ်စီးအပါအဝင် ကားများဖြင့်မြို့တော်ခန်းမသို့ ခေါ်ယူသွားကြောင်း သိ၇သည်။(NN-11)