ရန်ကုန်တိုင်း၊ မင်္ဂလာဒုံမြို့နယ်၊ သင်္ကန်ကျွန်းကြီးရပ်ကွက်တွင်ဖွင့်လှစ်ထားသောရခိုင်လူငယ်အဆိုတော် ကိုဇေယျာ၏  ဖုန်းဆိုင်အား စစ်ကောင်စီက ဖေဖော်ဝါရီလ ၂ရရက်တွင် ချိတ်ပိတ်လိုက်ကြောင်းကိုဇေယျာ မှ လူမှုကွန်ရက်မှတဆင့် ပြည်သူများအားအသိပေးထားသည်။

“ကျနော် Zay yar mobile ဖုန်းဆိုင်ကို စစ်ကောင်စီကသိမ်းသွားပါပြီ။ လူကတော့ ကြိုတင် ထွက်ပြေးလို့ လွတ်မြောက်ခဲ့ရပါတယ်။ ဘယ်နိုင်ငံရေးမှမလုပ်ခဲဖူးသလို ဘာအဖွဲ့စည်းနဲ့မှ မပက်သက်ခဲ့ပါဘူးဒါပေမယ် ပလိမ်းကြီး လိုက်ဖမ်းတာပါပဲ။ခုလို လိုင်းပေါ် တင်ပြတာလည်း ကျန်တဲ့ တိုင်းရင်းသားတွေ သတိထား၇အောင်လို့ပါ ။ကျနော်ကတော့ ၀ပြည်နယ်ဖက်ကို ရောက်နေပါပြီ” ဟု ဖေဖော်ဝါရီ ၂၈ ရက်နေ့တွင် ကိုဇေယျာ မှ လူမှုကွန်ယက်မှတဆင့် ပြောကြားထားသည်။

အင်တာနက်လူမှုကွန်ရက်တွင် ထင်ရှားသည့်ရခိုင်လူငယ်အဆိုတော် ကိုဇေယျာအားစစ်ကောင်စီတပ်ထောက်ခံသူ လော်ဘီများမှ ရက္ခိုင့်တပ်တော် (AA) ထောက်ခံသူ၊ပြည်သူ့ကာကွယ်တပ်ဖွဲ့ (PDF) ထောက်ခံသူဖြစ်ကြောင်း  တယ်လီဂရမ် လူမှုကွန်ရက်များတွင်  ဖော်ပြခဲ့ကြပြီးနောက်  စစ်ကောင်စီက ဆိုင်ကိုလာရောက်ရှာဖွေချိန်လူကို မတွေ့သောကြောင့်ဆိုင်ကိုချိတ်ပိတ်သွားခဲ့ခြင်းဖြစ်ကြောင်းသိ၇သည်။

ကိုဇေယျာသည် ရခိုင်ပြည်နယ်ပေါက်တောမြို့ဇာတိဖြစ်ပြီး ရခိုင်ပြည်နယ်တွင် လူသိများသောအဆိုတော်လူငယ်တစ်ဦးဖြစ်ကာ လူမှုကွန်ယက်တွင်လည်းထင်ရှားသူတစ်ဦးဖြစ်ကြောင်းသိ၇သည်။

ရန်ကုန်တိုင်း၊မြို့နယ်တချို့တွင် ရခိုင်လူမျိုးများပိုင်ဆိုင်သည့် ဈေးဆိုင်များ၊ စီးပွားရေးလုပ် ငန်းများ၊ စက်ရုံအလုပ်ရုံများစာရင်းကို ကောက်ယူနေပြီး ယခုရက်ပိုင်းအတွင်း လှိုင်သာယာမြို့နယ် အရှေ့ပိုင်းနှင့်အနောက်ပိုင်းတွင်လည်းကောင်း၊ ဒဂုံမြို့သစ်အရှေ့ပိုင်းမြို့နယ်၊ဒဂုံမြို့သစ်တောင်ပိုင်းများ မြို့နယ်များတွင် စာရင်း စတင်ကောက်ယူနေကြောင်း သတင်များထွက်ပေါ်လျက်ရှိသည်။

ဓာတ်ပုံ- ကိုဇေယျာဖေ့စ်ဘုတ်