၇ခိုင်ပြည်၊တောင်ကုတ်မြို့နှင့် သိပ်မဝေးသည့် တောင်ကုတ်-သံတွဲ ကားလမ်းမပေါ်တွင်စစ်ကောင်စီတပ်နှင့် ရက္ခိုင့်တပ်တော်တို့ ယနေ့ နံနက်ပိုင်းကစတင်ကာ တိုက်ပွဲပြင်းထန်စွာ ဖြစ်ပွားနေကြောင်းဒေသခံများကပြောသည်။

တောင်ကုတ်မြို့တောင်ဘက် ၉မိုင်ခန့်အကွာတွင်ရှိသည့် ပင်မဓာတ်အားခွဲရုံရှိရာ ဘာယေကျေးရွာနှင့်မုတ်ကျေးရွာအကြား ၉ မိုင်တောင်အတက်တွင် တိုက်ပွဲဖြစ်ပွားနေခြင်းဖြစ်ကြောင်းသိ၇သည်။

ယနေ့မနက်၅ နာရီခွဲကျော်အချိန်က အဆိုပါနေရာတွင် တောင်ကုတ်မှထွက်လာသည့် စစ်ကောင်စီ ကားတန်းကို ရက္ခိုင့်တပ်တော်ဘက်ကမိုင်းဆွဲတိုက်ခိုက်ရာမှ တိုက်ပွဲ ဖြစ်ပွားနေခြင်းဖြစ်ကြောင်းကြားသိ၇ဟု ဒေသခံတစ်ဦးကပြောသည်။

" မုတ်နဲ့ ဘာယေနဲ့ကြားမှာ ၉မိုင်တောင်အတက်လို့ရှိတယ်။အဲဒီမှာ တောင်ကုတ်ဘက်က လာတဲ့ စစ်ကားတွေကို AA တပ်တော်ဘက်ကမိုင်းဆွဲတယ်။ မိုင်းဆွဲပြီးတော့တိုက်ပွဲဖြစ်နေကြတာ" ဟု ဒေသခံတစ်ဦးကပြောသည်။

နံနက်၈ နာရီဝန်းကျင်အထိ အနီးအနားကျေးရွာများ နှင့် အဆိုပါကားလမ်းမ တစ်လျှောက်ရှိ ကျေးရွာများက လက်နက်ကြီးပစ်ခတ်သံများကျယ်ကျယ်လောင်လောင်ကြားနေ၇ကြောင်းလည်းဒေသခံများကပြောသည်။

ကမ်းဒေးကျေးရွာဒေသခံတစ်ဦးက"လက်နက်ကြီးပစ်သံလိုပေါက်ကွဲသံကြီးတွေ ဆက်တိုက် ကြားနေရတာ။ မုတ်နဲ့ဘာယေကြားမှာတိုက်ပွဲဖြစ်နေတယ်ဆိုတာတော့သိထား၇တယ်" ဟု ပြောသည်။

သက္ကပြင်ကျေးရွာမှဒေသခံတစ်ဦးကလည်း" ဘာယေဖက်မှာဖြစ်တာတော့မှန်တယ်။ လက်နက်သံတွေ တော်တော်အကျယ်ကြီးကြားနေရတယ်။ အခုရနာရီခွဲအထိကြားနေ၇တုန်းပဲ" ဟု ပြောသည်။

ပြီးခဲ့သည့်ဒီဇင်ဘာလအတွင်းကလည်း တောင်ကုတ်မြို့သို့ပြန်ဝင်လာသည့် အင်အား (၅၀) ခန့်ပါရှိသောအိမ်စီးကား အမျိုးအစားတစ်စီးနှင့် စစ်ကား (၂) စီးကိုမုတ်ရွာအလွန်တွင်ရက္ခိုင့်တပ်တော်ကမိုင်းဆွဲတိုက်ခိုက်ခဲ့ပြီးစစ်တပ်ဘက်ကထိခိုက်သေဆုံးမှုရှိခဲ့သည်။(NN-11/NN-23)