စစ်ကောင်စီကတရုတ်စီမံကိန်းများရှိရာ ကျောက်ဖြူမြို့ကို စစ်ကောင်စီက စစ်အင်အား ဖြည့်တင်းနေပြီး ယမန်နေ့က တပ်ဖွဲ့ဝင် ၁၀၀ ကျော်ကို လေယာဉ်နှစ်စီးဖြင့် ပို့ဆောင် ဖြည့်တင်းခဲ့ကြောင်းမျက်မြင်မြို့ခံသတင်းရင်းမြစ်များကပြောသည်။

ယမန်နေ့မတ်လ၅ ရက်၊ မွန်းလွဲပိုင်း ၁၂ နာရီခွဲတွင် ထောက်ပို့စစ်လေယာဥ်တစ်စီး၊နေ့လယ် ၁ နာရီခွဲတွင် နောက်ထပ် ထောက်ပို့စစ်လေယာဥ်တစ်စီးတို့ကျောက်ဖြူလေဆိပ်မှ တစ်ဆင့် အင်အား ဖြည့်ရန် ပို့ဆောင်ခဲ့ခြင်းဖြစ်ကြောင်း မြို့ခံစစ်ရေး သတင်းရင်းမြစ်တစ်ဦးကနိရဥ္စရာသတင်းဌာနသို့ပြောသည်။

"မှော်ဘီနဲ့ နေပြည်တော်အထူးစစ်ဆင်ရေးအဖွဲ့ကလို့ သိ၇ပါတယ်။ အင်အားက၁၀၀ကျော်လောက်ကို မနေ့က လေယာဥ်နဲ့ပို့လာတယ်။ကျောက်ဖြူလေဆိပ်ကို ထောက်ပို့စစ်လေယာဥ်နဲ့ပို့တာ။ လေယာဥ်နှစ်စီးဆင်းတယ်။မနေ့က" ဟု ပြောသည်။

အဆိုပါစစ်ကောင်စီတပ်ဖွဲ့ဝင်၁၀၀ ကျော်ကို ကျောက်ဖြူမြို့အခြေစိုက် ခမ၇ ၅၄၂ နှင့်ခလ၇ ၃၄ တပ်ရင်းများသို့ပို့ဆောင်ထားကြောင်းလည်း သူကပြောသည်။

" အဲဒီတပ်ဖွဲ့ဝင်တွေကို၃၄ တပ်ရင်းနဲ့ ၅၄၂ တပ်ရင်းနှစ်ခုခွဲပြီးပို့ထားတယ်လို့သိရတယ်"ဟု ပြောသည်။ ပြီးခဲ့သည့်ဖေဖော်ဝါရီလ ၁၂ ရက်၊ မနက် ၈ နာရီခန့်ကစတင်ကာ ကျောက်ဖြူမြို့နှင့်ရ မိုင်ခန့်အကွာ ကုလဘာကျေးရွာအုပ်စုရှိ ၊ ငှက်ပျောချောင်းရွာအနီးတိုက်ပွဲဖြစ်ပွားခဲ့ပြီး တိုက်ပွဲနှစ်ရက်ကျော်အကြာ ပြင်းထန်ခဲ့သည်။

အဆိုပါတိုက်ပွဲအတွင်းစစ်တပ်က လေကြောင်းဗုံးကြဲ၊ နေဗီနှင့်တပ်ရင်းများမှ လက်နက်ကြီး ပစ်ကူပေးခဲ့သော်လည်း စစ်ကောင်စီတပ်ဖွဲ့ဝင် အများအပြားသေဆုံးပြီး ရာဂဏန်းနီးပါး ဒဏ်ရာရရှိခဲ့ကြောင်းစစ်ရေးသတင်းရင်းမြစ်များနှင့် ဒေသခံများကပြောသည်။(NN-23)

ဓာတ်ပုံ- ပုံဟောင်းသာဖြစ်ပါသည်။ (Ramree.com)