မင်းပြားမြို့နယ်၊တိုင်းဗဟို(၉)သင်တန်းကျောင်းကို တိုက်ခိုက်သိမ်းပိုက်စဉ် လက်နက်မချဘဲထွက်ပြေးသွားခဲ့ကြသည့် စစ်ကောင်စီတပ်ဖွဲ့များအထဲက၁၂ ဦးကို ရက္ခိုင့်တပ်တော်(AA)ကလက်၇ဖမ်းဆီးမိသည်ဟုသတင်းရရှိသည်။

ဖမ်းဆီး၇မိသည့် စစ်ကောင်စီတပ်ဖွဲ့ဝင် ၁၂ ဦးအထဲတွင်  ရှိုင်းဝေယံဦး(တပ်ကြပ်ကြီး/တ-၄၉၂၀၁၇)၊ ဇော်အောင်(တပ်ကြပ်ကြီး/တ-၁၆၉၁၇၁)၊ မောင်ပုချေ(တပ်ကြပ်ကြီး/တ-၁၉၂၆၀၃)၊ မြတ်သူ (ရဲတပ်သား/လ-၂၄၅၉၉၂)၊ရဲနိုင်ဝင်း(တပ်သား/တ-၄၇၆၃၉၈)၊ ကောင်းမြတ်ထက် (ရဲတပ်သား/လ-၂၄၉၇၆၅)၊စောဆာဖလူမူး(တပ်သား/တ-၅၄၁၈၆၅) တို့ ပါဝင်သည်ဟု အေအေနှင့် နီးစပ်သည့် သတင်းရင်းမြစ်တစ်ခုက ပြောသည်။

၎င်းစစ်သားများကို မြေပုံမြို့နယ်အထဲတွင်  ဖမ်းဆီး၇မိခဲ့သည်ဟု  ကျေးရွာသားတစ်ဦးက ယခုကဲ့သို့ပြောပြသည်။

"မနက်ပိုင်းမှာ  +++ရွာကအရပ်သား ပြည်သူတွေတောင်ကို ထင်းရှာ၊ ဟင်းခူးသွားကြတော့ (တိုင်းဗဟို၉) ကပြေးလာတဲ့ စစ် သားနှစ်ယောက်နဲ့တွေ့လို့ ရွာကို ပြန်လာပြီး သတင်းပို့ကြတယ်။ ဒါကြောင့် ကိုယ့်ဘက်ကတပ်သား ၂၀ လောက် လိုက်သွားတော့ ဟို နှစ်ယောက်ကခုခံလို့ တိုက်ပွဲဖြစ်ကြတယ်။အဲ့ဒီ နှစ်ယောက်ထဲက တစ်ယောက်ကို အသေဖမ်းမိပြီး နောက်တစ်ယောက်ကိုအရှင်ဖမ်းလာတာတွေ့တယ်" ဟု ပြောသည်။

တပ်ကြပ်ကြီး၃ ဦးအပါအဝင် စစ်ကောင်စီတပ်သား စုစုပေါင်း ၁၂ ဦးကို ရက္ခိုင့်တပ်တော်ကမတ်လ (၆) ရက်အထိ ဖမ်းဆီး၇မိထားကြောင်း ရက္ခိုင့်တပ်တော်နှင့်နီးစပ်သည့် သတင်းရင်းမြစ်က ပြောသည်။

" +++ရွာနားက ၂ယောက်ဖမ်းမိတဲ့အထဲက တစ်ယောက် အရှင်၊ တစ်ယောက်အသေ ဖမ်းမိတယ်။ ++ တန်းနားမှာ ၁ ယောက်နဲ့ +++ က၁ ယောက် ဖမ်းမိတယ်။  ယောချောင်းအထဲကရ ယောက်နဲ့ နောက်တစ်ရွာက တစ်ယောက်ဖမ်း၇ထားတယ်"ဟု ပြောသည်။

 ရက္ခိုင့်တပ်တော်သည် မင်းပြားမြို့နယ် ကမ်းနီရွာ အနီးရှိစစ်ကောင်စီ၏ “အမှတ်(၉) တိုင်းဗဟို လေ့ကျင့်ရေးသင်တန်းကျောင်း” (သို့မဟုတ်)"တပ်မတော်တန်းမြင့်လေ့ကျင့်ရေးသင်တန်းကျောင်း" အား ၂၀၂၄ ခုနှစ်၊ ဖေဖော်ဝါရီလ(၂၆) ရက်၊ ညနေ (ရ)နာရီ အချိန်ခန့်တွင် အလုံးစုံသိမ်းပိုက် ရရှိခဲ့သည်။

၎င်းသင်တန်းကျောင်းမှ လက်နက်မချဘဲ ထွက်ပြေးလာသည့်တပ်သား ၆၀ ကျော်သည်မြေပုံမြို့နယ်အတွင်းမှ အရပ်သား ၂၀ ကျော်ကို မတ်လ ၄ ရက်က လူသားဒိုင်းကာ ဓားစာခံအဖြစ် ဖမ်းဆီး ခေါ်ဆောင်သွားသည်ဟု သိ၇သည်။

အဆိုပါ ပြည်သူများကိုဓားစာခံများအဖြစ်ဦးဆောင်ခေါ်ယူသွားသည့်  စစ်ကောင်စီတပ်ဖွဲ့ဝင်များကို ရက္ခိုင့်တပ်တော်က လိုက်လံရှင်းလင်းတိုက်ခိုက်ရာ မတ်လ (၈) ရက်၊ နံနက် (၆) နာရီ (၃၀)မိနစ်ခန့်တွင် တိုင်းဗဟို (၉) အုပ်ချုပ်ရေးဌာနမှူး ကြည်း/၃၁၀၄၆ ဒုတိယဗိုလ်မှူးကြီးရဲထွဋ်ဝင်းနှင့် စစ်ကောင်စီတပ်ဖွဲ့အများအပြားကို အသေဖမ်းဆီး၇မိခဲ့သည်ဟုတပ်တော်၏ ထုတ်ပြန်ချက်တွင် ဖော်ပြထားသည်။

၎င်းတိုင်းဗဟို(၉) မှထွက်ပြေးနေကြသော စစ်ကောင်စီ တပ်ဖွဲ့ဝင်များသည်လမ်းတစ်လျှောက်ရှိ ကျေးရွာများမှ အပြစ်မဲ့ပြည်သူ (၂၀)ကျော်ကို ဓားစာခံအဖြစ် ဖမ်းဆီးခေါ်ဆောင်သွားခဲ့ကြောင်း အဆိုပါဓားစာခံများကိုရက္ခိုင့်တပ်တော်မှ ကယ်တင်နိုင်ခဲ့သည်ဟု သိ၇သည်။

 ရက္ခိုင့်တပ်တော်(AA) ကစစ်ရှုံးကာထွက်ပြေးလွတ်မြောက်နေသည့် စစ်ကောင်စီတပ်သားများအားတောတောင်များတွင် ကျန်ရှိနေနိုင်သည့်အတွက်သတိထားသွားလာကြရန် အရပ်သားပြည်သူများအား တိုက်တွန်းထားသည်ဟု ၄င်းက ပြောသည်။

 ရက္ခိုင့်တပ်တော်သတင်းနှင့်ပြန်ကြားရေး၏ ထုတ်ပြန်ချက်အ၇ အဆိုပါ မင်းပြားမြို့နယ်၊ တိုင်းဗဟို ၉ သင်တန်းကျောင်းကို ပြီးခဲ့သည့် ဖေဖော်ဝါရီ ၁ရရက်နေ့ စတင်တိုက်ခိုက်ခဲ့ပြီး ၁၀ ရက်ခန့် အပြင်းအထန်ထိုးစစ်ဆင်တိုက်ခဲ့ပြီးနောက် ဖေဖော်ဝါရီ ၂၆  ရက်နေ့တွင် စစ်ကောင်စီ၏လေကြောင်းက မရပ်မနားခုခံတိုက်ခိုက်မှုနှင့် လက်နက်ကြီးပစ်ကူများကြားက သိမ်းပိုက်ရရှိခဲ့သည်။(NN-7)