စစ်ကောင်စီက တိန်ညိုရွာကိုလေကြောင်းက ဗုံးကြဲပြီး ဇင်ချောင်းကို နေဗီကနေ ပစ်ခတ်
စစ်ကောင်စီသည်မြောက်ဦးမြို့နယ် တိန်ညိုရွာကို ယနေ့ နံနက်က လေကြောင်းမှ ဗုံးကြဲတိုက်ခိုက်ပြီးကျောက်ဖြူမြို့နယ် ဇင်ချောင်းကျေးရွာကို စစ်ရေယာဉ် နေဗီက အမြောက်ကြီးများဖြင့် ပစ်ခတ်ခဲ့သည်ဟုသတင်းရရှိသည်။
၎င်းကျေးရွာများသည် အိမ်ခြေထောင်နှင့်ချီရှိပြီး တိုက်ပွဲဖြစ်ပွားခြင်းလည်းမရှိသော ကျေးရွာများ ဖြစ်ကြသည်။
မြောက်ဦးမြို့နယ်မှ တိန်ညိုကျေးရွာကို ယနေ့ မတ် ၁၁ ရက်နေ့ နံနက် ၁၀ နာရီက စစ်ကောင်စီ၏ ဂျက်ဖိုက်တာတစ်စီးဖြင့် ပျံဝဲဝဲဗုံးလာကြဲခဲ့ပြီး ကျောက်ဖြူမြို့နယ်၊ ဇင်ချောင်းကျေးရွာကို ယမန်နေ့ ည ၁၂ နာရီကျော်ခန့်က နေဗီမှ လက်နက်ကြီးဖြင့်ပစ်ခတ်ခဲ့သည်ဟု ၎င်းကျေးရွာများတွင် နေထိုင်သူများက နိရဥ္စရာသတင်းဌာနကို ပြောဆိုသည်။
တိန်ညိုရွာသားတစ်ဦးက “ ဂျက်လေယာဉ်နဲ့ ဗုံးလာကြဲသွားတယ်။ မနက် ၁၀နာရီ စွန်းစွန်းလေးက။ ရုတ်တရက်ကြီးဆိုတော့ ရွာသားတွေထိတ်လန့်သွားကြတယ်။ ရွာအနီးက အုန်းတော( ဓနိတော) မှာ ကျလို့ ကံကောင်းတယ်။
ယခုကဲ့သို့ ရုတ်တရက် လာရောက်ဗုံးကြဲတိုက်ခိုက်သဖြင့် ပြည်သူများအကြားစိုးရိမ်မှု တိုးပွားနေကြသည်ဟု ပြောဆိုသည်။
၎င်းအပြင် ကျောက်ဖြူမြို့နယ်၊ ဇင်ချောင်းကျေးရွာကိုလည်း ယမန်နေ့ ည ၁၂ နာရီကျော်ခန့်က စစ်ကောင်စီ၏နေဗီမှ လက်နက်ကြီးကျည် ရ လုံးခန့် ပစ်ခတ်ခဲ့သည်ဟု ဇင်ချောင်းကျေးရွာသားတစ်ဦးက နိရဥ္စရာသတင်းဌာနကို ပြောသည်။
“ဇင်ချောင်း တောင်ရင်းစု တိုက်နယ်ဆေးရုံအနီးက ညွန့်မောင်ဦးဆိုတဲ့လူအိမ်မှာ ကျတယ်။ အပင်မှာကျတယ်။ ပြီးမှ အိမ်ကိုစဥ်တာ။ ရ လုံးပစ်တာမှာတစ်လုံးက ရွာထဲကျပြီး ကျန်အလုံးတွေ ဘယ်ကို ကျလဲတော့ မသိဘူး။ လူတွေကတော့ ဘာမှမဖြစ်သွားပါ” ဟုပြောသည်။
ယင်းအပြင် ကျောက်ဖြူမြို့နယ် ဓည၀တီ ရေတပ်ဌာနချုပ်ဖက်မှ ယနေ့ မတ်လ ၁၁ ရက် နံနက် ၁၁နာရီအထိ လက်နက်ပစ်ခတ်သံများကိုကြားနေ
“ အခု မနက် ၁၁နာရီကလည်း လက်နက်တွေပစ်နေတယ်။ ဇင်ချောင်းဖက်ကို ပစ်တဲ့အသံ။ တိုက်ပွဲဖြစ်လို့ပစ်တာလား ဆိုတာလဲ မသိရဘူး။ ဖုန်းအဆက်သွယ်ပြတ်နေတယ်။ ရေတပ်ဌာနဖက်က လက်နက်ကြီးပစ်သံတွေကိုကြားနေရတယ်။ ဘယ်ကို
စစ်ကောင်စီသည်ရခိုင်တွင် မြို့အများအပြားကို လက်လွတ်ဆုံးရှုံးထားရသလိုကျန်သည့် မြို့နယ် အချို့တွင်လည်း တိုက်ပွဲများဖြစ်ပွားနေသည့်အတွက် ရက္ခိုင့်တပ်တော်အားထောက်ခံထားသည့် ဒေသခံရခိုင်ပြည်သူများကို ခြိမ်းခြောက် တိုက်ခိုက်မှုများနေ့စဉ်ရက်ဆက်ဆိုသလို ပြုလုပ်နေကြောင်း သိ
ပုံစာ-ကျောက်ဖြူဇင် ချောင်းမှ လက်နက်ကြီးကျည်စ ကျသည့်အိမ်
လှူရန်