နွေနေ/ နိရဉ္စရာ၊ မတ်၂၅/၂၀၂၄

မြန်မာစစ်ကောင်စီဥက္ကဌဗိုလ်ချုပ်မှူးကြီး မင်းအောင်လှိုင်က ငြိမ်းချမ်းမှုနှင့် တည်ငြိမ်မှုရှိလျှင်တစ်နိုင်ငံလုံးအတိုင်းအတာဖြင့် မဟုတ်လျှင်လည်း ရသလောက်နယ်မြေများတွင်ရွေးကောက်ပွဲ ကျင်းပရန် စီစဉ်နေသည်ဟု ရုရှား TASSသတင်းဌာနနှင့်တွေ့ဆုံမေးမြန်းခန်းတွင် ပြောကြားသွားခဲ့သည်ဟုရိုက်တာက သတင်းဖော်ပြသည်။

" နိုင်ငံအခြေအနေဟာငြိမ်းချမ်းပြီး တည်ငြိမ်နေမယ်ဆိုရင် ဥပဒေအရ တစ်နိုင်ငံလုံးအတိုင်းအတာနဲ့ရွေးကောက်ပွဲ မကျင်းပနိုင်ရင်တောင် ရသလောက်နယ်မြေမှာတတ်နိုင်သလောက် ရွေးကောက်ပွဲ ကျင်းပဖို့ကျွန်တော်တို့ အစီအစဉ်ရှိပါတယ်" ဟု ဗိုလ်ချုပ်မှူးကြီး မင်းအောင်လှိုင်က ပြောကြားကြောင်း ရုရှား တာ့စ်သတင်းဌာန၏ တွေ့ဆုံမေးမြန်းခန်းကို ကိုးကား၍ရိုက်တာသတင်းဌာနက ရေးသားဖော်ပြခဲ့သည်။

မြန်မာစစ်ဗိုလ်ချုပ်များသည်၁၉၆၂ ခုနှစ် စစ်အာဏာသိမ်းပြီးနောက်ပိုင်းချိန်မှစ၍ဒီမိုကရေစီ လိုလားသော လူငယ်များဦးဆောင်သည့်လက်နက်ကိုင်တော်လှန်ရေးအဖွဲ့၏ စိန်ခေါ်မှုနှင့် အကြီးမားဆုံးရင်ဆိုင်နေ၇သည်။

စစ်ကောင်စီ၏အာဏာသိမ်းမှုကို ငြိမ်းချမ်းစွာဆန္ဒပြခဲ့ကြသောလူငယ်များကို ရက်စက်စွာ နှိမ်နင်းခဲ့ပြီးနောက်ပိုင်းလူငယ်များသည် စစ်တပ်ကို လက်နက်ကိုင်လှုပ်ရှားဖြင့်ပြန်လည်တော်လှန်ရန် ရွေးချယ်ခဲ့ကြသည်။

မြန်မာစစ်ကောင်စီသည်နိုင်ငံ၏ မြောက်ပိုင်းနှင့် အရှေ့ပိုင်းတွင် တိုင်းရင်းသား လက်နက်ကိုင် အဖွဲ့များနှင့်နှစ်ပေါင်းများစွာ တိုက်ပွဲဖြစ်နေခဲ့ပြီးအဆိုပါဒေသတွင် စနစ်တကျ အစုအပြုံလိုက်သတ်ဖြတ်မှုများကိုကျူးလွန်နေခဲ့သည်။

စစ်ကောင်စီသည်နိုင်ငံတည်ငြိမ်ရေး နှင့် ၎င်းကို ဆန့်ကျင်နေသည့် တော်လှန်ရေးအဖွဲများကိုချေမှုန်းရန်အကြောင်းပြချက်ဖြင့် အရေးပေါ်ပြဌာန်းချက်ဥပဒေကိုခြောက်လတစ်ကြိမ် ထပ်ခါထပ်ခါ သက်တမ်းတိုး၍ အာဏာကိုဆက်လက်၇ယူထားခဲ့သည်။

လက်ရှိအချိန်တွင်စစ်ကောင်စီသည် နိုင်ငံတစ်ဝန်းလုံးတွင် တိုင်းရင်းသားလက်နက်ကိုင်များ၊တော်လှန်ရေးအဖွဲ့များနှင့် ရင်ဆိုင်တိုက်ခိုက်နေရပြီးနယ်မြေအချို့ လက်လွှတ်ဆုံးရှုံးနေရကာ အဆိုပါဒေသများကိုလက်နက်ကြီးများ၊ လေကြောင်းစစ်ကူများဖြင့် ဗုံးကြဲတိုက်ခိုက်မှုများ ပြုလုပ်နေ၇သည်။

ကုလသမဂ္ဂ၏ထုတ်ပြန်ချက်အရ စစ်အာဏာသိမ်းပြီးချိန်မှစ၍ မတည်ငြိမ်မှုကြောင့် နိုင်ငံတစ်ဝန်းတွင် နေရပ်စွန့်ခွါထွက်ပြေးနေ၇သူ ၂ ဒသမ ၃ သန်းရှိသွားပြီဟု သိရှိ၇သည်။

ဝေဖန်သုံးသပ်သူများနှင့်အနောက်နိုင်ငံများက စစ်ကောင်စီက ကျင်းပမည့် ရွေးကောက်ပွဲသည်အတုအယောင်ရွေးကောက်ပွဲတစ်ခုသာဖြစ်သည်ဟု ဆိုသည်။ ref:Reuters