စစ်ကောင်စီ၏ ရခိုင် အနောက်ပိုင်းတိုင်းမှူးမှာ ဗိုလ်မှူးချုပ်ကျော်စွာဦးဖြစ်ကြောင်းဖော်ပြ

နိရဉ္စရာ၊ မတ် ၂၆/ ၂၀၂၄

ရခိုင်အခြေစိုက် အနောက်ပိုင်းတိုင်း တိုင်းမှူးအသစ်မှာ ဗိုလ်မှူးချုပ်ကျော်စွာဦးဖြစ်ပြီး ၎င်းသည် မတ် ၂၄ ရက်နေ့က  စစ်တွေတွင် ပြုလုပ်သည့် ဘာသာရေးဆိုင်ရာ အခမ်းအနားသို့ တက်ရောက်ခဲ့ကြောင်း စစ်ကောင်စီပိုင် သတင်းစာများတွင် ဖော်ပြသည်။

ယခင်အနောက်ပိုင်းတိုင်း တိုင်းမှူး ဗိုလ်ချုပ် ထင်လတ်ဦးနေရာတွင် ရခိုင်လူမျိုး ဗိုလ်မှူးချုပ်ကျော်ကျော်ဟန်နှင့် အစားထိုးခန့်အပ်လိုက်ကြောင်း သတင်းများ ထွက်ပေါ်ခဲ့သည်။  

စစ်ကောင်စီ အနောက်ပိုင်းတိုင်း တိုင်းမှူး ဗိုလ်မှူးချုပ်ကျော်စွာဦးသည် မတ် ၂၄  မွန်းလွဲ ၁ နာရီက စစ်တွေမြို့ လောကာနန္ဒာ စေတီတော် ပရိ၀ုဏ် အတွင်းရှိ သာသနာ့ ဗိမာန်တော်၌ ကျင်းပခဲ့သည့်  ၂၀၂၄ ခုနှစ် သာသနာတော်ဆိုင်ရာ ဘွဲ့တံဆိပ်တော် ဆပ်ကပ်ပူဇော်ပွဲကို အခမ်းအနားကို ရခိုင်ပြည်နယ် စစ်ကောင်စီ ဝန်ကြီးချုပ် ဦးထိန်းလင်းနှင့် အတူ တက်ရောက်ခဲ့သည်။

၎င်းအခမ်းအနားကို ရခိုင်ပြည်နယ်စစ်ကောင်စီက ကြီးမှူးကျင်းပခဲ့ပြီး ၂၀၂၄ ခုနှစ် သာသနာတော်ဆိုင်ရာ ဘွဲ့တံဆိပ်တော်များကို ဆက်ကပ်လှူဒါန်းခဲ့ကြောင်း သိရသည်။