ကြာသပတေး၊ ဇွန်လ ၂၀ရက်၊ ၂၀၂၄

မကွေးတိုင်းအတွင်း ရက္ခိုင့်တပ်တော်နှင့် စစ်ကောင်စီတပ်တို့တိုက်ပွဲဖြစ်ပွား


  • ရေးသူ: Web Master
  • | ရက်စွဲ: ၂၉ မတ် ၂၀၂၄
  • | ကြည့်ရှုသူ: 1.9k

(စစ်ကောင်စီဘက်က ၁၀ ဦးကျဆုံးပြီး ၁၈ ဦးဒဏ်ရာရဟု ထုတ်ပြန်ချက်တွင် ဖော်ပြ)

ခိုင်လူလှ (ရိုးမမြီ) နိရဉ္စရာ၊ မတ် ၂၈/ ၂၀၂၄

ရက္ခိုင့်တပ်တော် ( AA) နှင့် စစ်ကောင်စီတပ်တို့သည် မကွေးတိုင်း၊ ငဖဲမြို့နယ်အတွင်း တိုက်ပွဲ နှစ်ကြိမ်ဖြစ်ပွားခဲ့ပြီး စစ်ကောင်စီဘက်က ၁၀ ဦးသေဆုံးခဲ့ကာ ၁၈ ဦးဒဏ်ရာရရှိခဲ့သည်ဟု ရက္ခိုင့်တပ်တော်က ယမန်နေ့က သတင်းထုတ်ပြန်သည်။

သတင်းထုတ်ပြန်ချက်အထဲတွင် တိုက်ပွဲများသည် မတ်လ ၂၆  ရက်နေ့တွင် မကွေးတိုင်း၊ ငဖဲမြို့နယ်၊ တုံးကြီးကျေးရွာအနီးတွင်လည်းကောင်း၊ မတ်လ ၂၈ ရက်က မကွေးတိုင်း ငဖဲမြို့နယ်၊ ချောင်းဖျားရွာ အနီးတွင်လည်းကောင်း တိုက်ပွဲများဖြစ်ပွားခဲ့သည်။

ထုတ်ပြန်ချက်ထဲတွင် “ ၂၀၂၄ ခုနှစ်၊ မတ်လ ၂၆  ရက်နေ့၊ နံနက် ၁၀ နာရီ ၄၈  မိနစ်အချိန်တွင် မကွေးတိုင်း၊ ငဖဲမြို့နယ်၊ တုံးကြီးကျေးရွာ၏ အရှေ့မြောက်ဘက် မီတာ (၁၅၀၀) ခန့်အကွာ၌လည်း အကြမ်းဖက်စစ်ကောင်စီတပ်၏ အင်အား ၄၀ ခန့်ပါစစ်ကြောင်းနှင့် ရက္ခိုင့်တပ်တော်တို့ နာရီဝက်ခန့်ကြာ တိုက်ပွဲဖြစ်ပွားခဲ့သည်” ဟု ဖော်ပြသည်။

၎င်းတိုက်ပွဲတွင် အကြမ်းဖက်စစ်ကောင်စီဘက်မှ မျက်မြင် ၄  ဦး ကျဆုံးခဲ့ပြီး (၈) ဦးခန့် ဒဏ်ရာရရှိခဲ့သည်ဟု ဆက်လက်ဖော်ပြထားသည်။

အလားတူ  ၂၀၂၄ ခုနှစ်၊ မတ်လ ၂၈ ရက် ၊ နံနက် ၈ နာရီ ၅၈ မိနစ်အချိန်တွင် မကွေးတိုင်း၊ ငဖဲမြို့နယ်၊ ချောင်းဖျားရွာ၏ တောင်ဘက် မီတာ (၇၀၀) ခန့်အကွာတောင်ကြော၌ ရန်သူ အင်အား ၅၀ ဦးခန့်ပါ စစ်ကြောင်းနှင့် ရက္ခိုင့်တပ်တော်တို့ မိနစ်အနည်းငယ်ကြာ တိုက်ပွဲဖြစ်ပွားခဲ့ပြီး ရန်သူ့ဘက်မှ မျက်မြင် ၆ ဦး ကျဆုံးကာ ဒဏ်ရာရရှိသူ ၁၀ ဦးခန့် ရှိခဲ့သည်ဟု ဖော်ပြထားသည်။ 

၎င်းတိုက်ပွဲအတွင်း ရန်သူ့လက်နက်နှင့်ခဲယမ်းအချို့ကိုလည်း သိမ်းဆည်းရမိခဲ့သည်ဟု ထုတ်ပြန်ချက်တွင် ဖော်ပြထားသည်။

ဆက်စပ် သတင်းများ