မြေပုံမြို့နယ် အင်ကြင်းကျေးရွာမှ အမျိုးသားတစ်ဦး စစ်ကောင်စီပစ်လိုက်သည့် လက်နက်ကြီးကျည်ထိမှန်ဒဏ်ရာရ
အောင်ကြွယ်ငြိမ်း၊နိရဉ္စရာ၊ မတ် ၂၉/၂၀၂၄
စစ်ကောင်စီတပ်က ပစ်လိုက်သည့်လက်နက်ကြီးကျည်သည် မြေပုံမြို့နယ် အင်ကြင်းကျေးရွာထဲ ကျရောက်ပေါက်ကွဲ၍အမျိုးသားတစ်ဦး ထိခိုက်ဒဏ်ရာရရှိသွားသည်ဟု သတင်းရရှိသည်။
၎င်းသူမှာ ဦးကျော်သောင်း အသက်(၆၃)နှစ်ဖြစ်ပြီးကျောကုန်းတွင် ကျည်စထိမှန်ဒဏ်ရာ ရရှိသွားခြင်းဖြစ်သည်။
၎င်းလက်နက်ကြီးကို မြေပုံမြို့နယ်၊ စစ်ကောင်စီ၏ ခမ၇ (၅၄၄) တပ်ရင်းအနီးရှိ စညှင်းတောင်ကြီး တပ်စခန်းမှ ပစ်ခတ်ခြင်းဖြစ်သည်ဟုကျေးရွာသားများက ပြောသည်။
၎င်းစညှင်းတောင်ကြီးတပ်စခန်းမှ ယမန်နေ့ မတ်လ ၂၈ရက်၊ နံနက် ၁၀ နာရီကျော်အချိန်က လက်နက်ကြီးကျည်ဖြင့် ပစ်ခတ်ခဲ့စဉ် အင်းကြင်းရွာထဲကျရောက်ပေါက်ကွဲခဲ့သည်ဟု ဆိုသည်။
"ဒဏ်ရာကတော့ သိပ်မစိုးရိမ်ရပါဘူး။အခုတော့ ရွာမှာဘဲ ကုသမှုခံယူနေပါတယ်။ ကမ်းထောင်းကြီးမှာ ရှိတဲ့ ဆေးရုံကိုလည်းစစ်တပ်ကလေကြောင်းနဲ့ပစ်လို့ ပျက်စီးသွားပြီ။ ရွာမှာဘဲ ဖြစ်သလို ကုသနေ၇တယ်" ဟု ဒေသခံတစ်ဦးကပြောသည်။
နောက်ထပ်ဒေသခံတစ်ဦးက"ဘယ်ဘက်ကိုပစ်မှန်းတော့မသိဘူး။ ကျရောက်ပေါက်ကွဲတဲ့ အသံကို မကြား
ယင်းအပြင်ယနေ့မတ်လ ၂၉ရက်၊ နေ့လယ် ၁၂ နာရီအချိန်ခန့်ကလည်း မြေပုံမြို့နယ်၊ စညှင်း ကျေးရွာအနီးတစ်ဝိုက်ကို စစ်ကောင်စီတပ်ကလေကြောင်းမှ ဂျက်ဖိုက်တာဖြင့် ဗုံးကြဲတိုက်ခိုက်ခဲ့သည်။
ပြီးခဲ့သည့် မတ်လ၂၄ရက်နေ့၊ နံနက် ၄နာရီအချိန်ကလည်း မြေပုံမြို့နယ်၊ ကမ်းထောင်းကြီးမြို့ရှိတိုက်နယ်ဆေးရုံကို စစ်ကောင်စီကဂျက်ဖိုက်တာဖြင့် ဗုံးလာကြဲခဲ့သဖြင့်ဆေးရုံတွင် အကူလုပ်နေသည့် ကရင်ပြည်နယ်ဖက်မှ အမျိုးသမီးဝန်ထမ်းဒေါ်ဝါဝါ အသက်(၄၀)ကျော်တွင် ဦးခေါင်း၌ ပြင်းထန်ဒဏ်ရာရရှိခဲ့သည်။
အလားတူ ပြီးခဲ့သည့်မတ်လ ၂၃ ရက်၊ နေ့လယ် ၁၂ နာရီခွဲအချိန်ခန့်ကလည်း မြေပုံမြို့နယ်၊ကမ်းထောင်းကြီးမြို့အနီးရှိသရက်တောင်ကျေးရွာကို စစ်ကောင်စီက ဂျက်ဖိုက်တာ နှစ်စီးဖြင့် ဗုံးလာကြဲခဲ့၍အသက်(၅၀)အရွယ် အမျိုးသားနှစ်ဦး သေဆုံးပြီး တစ်ဦးထိခိုက်ဒဏ်ရာ ရရှိသွားကြော
ပြီးခဲ့သည့် မတ်လ၂၂ရက်နေ့ကလည် စစ်ကောင်စီ၏ ဂျက်ဖိုက်တာဖြင့် ဗုံးကြဲမှုကြောင့် မြေပုံမြို့နယ်၊ညောင်ကန်ကျေးရွာတွင် သေဆုံးသူ ၁၀ဦးထက်မနည်းရှိခဲ့ပြီး ဒဏ်ရာ၇သူ ၁၃ဦးရှိခဲ့ကြောင်း ဒေသခံများကပြောသည်။
လက်ရှိတွင် မြေပုံမြို့ကိုရခိုင့်တပ်တော်(AA)ကသိမ်းပိုက်ထားပြီး မြေပုံမြို့နယ်အစွန်ပိုင်းရှိ ခမ၇ (၅၄၄)တပ်ရင်းနှင့်(၃၄၆) တပ်ရင်းနှစ်ခုကို မသိမ်းပိုက်ဘဲကျန်ရှိနေသေးသည်ဟု သိ၇သည်။
လှူရန်