ရက္ခိုင့်တပ်တော် သိမ်းပိုက်ထားသည့် မင်းပြား နှင့် မြေပုံမြို့ကို စစ်ကောင်စီ ဗုံးကြဲ
( ဆရာတော်တစ်ပါးနှင့် အရပ်သားတစ်ဦး ထိခိုက်ဒဏ်ရာ၇၊ အိမ် ၇ လုံးထိခိုက်)
အေးမြတ်ခိုင်/နိရဉ္စရာ၊ မတ်လ၃၀/၂၀၂၄
ရက္ခိုင့်တပ်တော်(AA) သိမ်းပိုက်ထားသည့် မင်းပြားနှင့် မြေပုံမြို့နယ်များရှိ လူနေကျေးရွာများကိုစစ်ကောင်စီတပ်က လေကြောင်းမှ ဗုံးကြဲတိုက်ခိုက်၍ ထိခိုက်ဒဏ်ရာရရှိမှုများရှိခဲ့သည်။
မင်းပြားမြို့နယ်၊ သေကနေ်ကျးရွာကို ယမန်နေ့ မတ်လ ၂၉ ရက်၊ ည ၁၁ နာရီမှ စပြီး ၁၀ မိနစ်ကြာ ဂျက်ဖိုက်တာဖြင့် စစ်ကောင်စီတပ်က ၃ ကြိမ် ဗုံးကြဲခဲ့ခြင်း ဖြစ်ကြောင်း သေကန်ဒေသခံများက ပြောသည်။
ယင်းသို့ ဗုံးကြဲသည့်အတွက် ကျည်စထိမှန်က သေကန်ရွာ ဆရာတော် နှင့် ဒေသခံတစ်ဦး ဒဏ်ရာရရှိပြီး ဘုန်းတော်ကြီးကျောင်းနှင့် နေအိမ် ၇ လုံး ပျက်စီးသွားကြောင်း သေကန်ရွာမှ အမျိုးသမီးကြီးတစ်ဦးက ပြောသည်။
"အလကားနေ စိတ်ရှိချိန် လာကြဲနေသလို ဖြစ်နေပြီ။ မနေ့ကတော့ ၃ ကြိမ် ဂျက်နဲ့လာပစ်ခဲ့ပါတယ်။ ၇ လုံး ကြဲချတာ။ ရွာဘုန်းကြီးကျောင်းနဲ့ အိမ်တွေမှာ ကျပြီး ပျက်စီးတယ်။ မီးလောင်တယ်။ ဆရာတော်မှာ မှန်စထိပြီး ဒဏ်ရာ၇ပါတယ်။ စိုးရိမ်၇တဲ့ ဒဏ်ရာတော့မဟုတ်ပါဘူး။ နောက်ထပ် ဦးလေးကြီး တစ်ယောက်မှာလည်း ခြေထောက်မှာ နည်းနည်း ဒဏ်ရာ၇ပါတယ်။ အိမ်ကတော့ ၇ လုံး ပျက်စီးသွားတယ်"ဟု ပြောသည်။
သေကန်ကျေးရွာကို ယခုတစ်ကြိမ် ဗုံးကြိမ်မှုသည် ၄ ကြိမ်မြောက်ဖြစ်ပြီး လေကြောင်းပစ်ခတ်မှုများကြောင့် စာသင်ကျောင်း၊ ဘုန်းတော်ကြီးကျောင်း နှင့် နေအိမ်ပေါင်းအနည်းဆုံး ၃၀ ကျော်ပျက်စီးခဲ့ရကြောင်း ကျေးရွာသားများက ပြောသည်။
ယင်းအပြင် ယနေ့ မတ်လ ၃၀ ရက် နံနက်အစောကြီးအချိန်တွင် မြေပုံမြို့နယ်၊ စညှင်းကုန်းကျေးရွာကိုလည်း ဂျက်ဖိုက်တစ်စီး၊ ၇ဟတ်ယာဉ်တစ်စီးဖြင့် လာရောက် ဗုံးကြဲခဲ့သည်။အပျက်အစီး အထိအခိုက်ကို မသိရှိ၇သေးပါ။
လှူရန်