စစ်မှုထမ်းရန် ငြင်းဆိုပါက နိုင်ငံတကာအထောက်အပံ့များကို ဖြတ်တောက်မည်ဟု ခြိမ်းခြောက်ပြီး စစ်တွေမွတ်ဆလင်ကျေးရွာများတွင် စစ်သားစုဆောင်းနေ
အိမ်စိုးဖြူ/ နိရဉ္စရာ၊ ဧပြီ ၈/ ၂၀၂၄
ရခိုင်ပြည်စစ်တွေမြို့နယ်ရှိမွတ်ဆလင်ကျေးရွာများတွင် စစ်မှုထမ်းရန် ဆင့်ခေါ်မှုများရှိနေပြီး ငြင်းဆန်ပါက နိုင်ငံတကာက ပေးထားသည့်အထောက်အပံ့များကို ဖြတ်တောက်မည့်အပြင် ငွေ ၅၀၀၀၀ ပေးရမည်ဟု ခြိမ်းခြောက်လျှက်ရှိကြောင်းသိ၇သည်။
စစ်တွေမြို့နယ်ရှိဘုမေအုပ်စု၊ ကျောင်းတကာအုပ်စု၊ ကသစ်တောအုပ်စုအတွင်း မွတ်ဆလင်ကျေးရွာ၁၀ရွာကျော်ရှိပြီး ယင်း မွတ်ဆလင်ကျေးရွာများမှ ဦးရွှေမောင်၊ဦးစောလှ၊ ဦးရွှေလှနှင့် ဦးလှမြင့်ဆိုသူ ရွာလူကြီးတချို့ကတဆင့် လူသစ်များခေါ်နေခြင်းဖြစ်ကြောင်း မွတ်ဆလင်အရေးလှုပ်ရှားနေသူ တစ်ဦးကနိရဉ္စရာသို့ပြောကြားသည်။
" မလိုက်ရင်NGO တွေကလာပေးတဲ့ဟာတွေ မပေးတော့ဘူးလို့ပြောတယ်။ စစ်မှုထမ်းဖို့လွန်ခဲ့တဲ့ ၁ လပိုင်းတုန်းက ၁၅၀၀ တစ်ခေါက်၊ ၁၀၀၀ တစ်ခေါက်။ ၇၀၀တစ် ခေါက် ခေါ်သွားပါပြီ။ အခု ကျွန်တော်တို့ ပွဲတော်ပြီးရင်ခေါ်ဖို့ နောက်ထပ်၅၀၀ စာရင်းယူသွားပါပြီ။ မလိုက်ရင်ငွေ ၅ သောင်းပေး၇မယ်ပြောတယ်" ဟု သူကပြောသည်။
ယခုချိန်ထိအဆိုပါကျေးရွာများမှ စစ်မှုထမ်းရန် ခေါ်ဆောင်ခံ၇သူ မွတ်ဆလင်လူငယ်ပေါင်း ၄၀၀၀ ခန့်ရှိသွားပြီဟု ပြောဆိုသော်လည်း ၎င်းအရေအတွက်ကို နိရဉ္စရာသတင်းဌာနအနေဖြင့် သီးခြားအတည်ပြုနိုင်ခြင်းတော့ မရှိသေးပါ။
၎င်းအပြင်စစ်မှုထမ်းသူများနှင့် မိသားစုဝင်များကို နိုင်ငံသားစိစစ်ရေးကဒ်လုပ်ပေး
စစ်တွေမြို့နယ်သက္ကယ်ပြင် မွတ်ဆလင်ကျေးရွာသားတစ်ဦးက" ကျွန်တော်တို့ရွာကဒုက္ခသည်စခန်းက အရင်တစ်ခေါက်က ၄ရယောက် ခေါ်သွားတာပါ။ ၇ ယောက်သေသွားတယ်လို့ပြောပြီးသေတဲ့လူထဲက တစ်ယောက်အိမ်ကိုတော့ ငွေနှစ်သိန်းနဲ့ ဆန်တစ်အိတ်လာပေးပါတယ်။အခုကျွန်တော်တို့တော့ ထွက်ပြေးနေပါတယ်" ဟုပြောသည်။
မွတ်ဆလင်ပညာတက်လူငယ်တချို့နှင့် စစ်မှုမထမ်းလိုသူတချို့မှာ နေရပ်စွန့်ခွာထွက်ပြေးနေကြကြော
၇ခိုင်ပြည်နယ်တွင်လွန်ခဲ့သည့် ၂၀၁၂ ခုနှစ် လူမျိုးရေး ပဋိပက္ခဖြစ်ပြီးနောက်ပိုင်း မွတ်ဆလင်ဒုက္ခသည် တစ်သိန်းကျော်ရှိသည်ဟုသိ၇သည်။
လက်ရှိအချိန်တိုက်ပွဲများ ပြင်းထန်လာသည့် ၂၀၂၄ ခုနှစ် နောက်ဆုံးစာရင်းအရရခိုင်ပြည် တစ်ခုလုံး၌စစ်ဘေးရှောင် ၃ သိန်းကျော်အထိ ရှိနေကြောင်း AA ၏ စာရင်းအရသိ၇သည်။
၄င်းတို့ထဲတွင် မွတ်ဆလင်ဒုက္ခသည်များလည်းပါဝင်
(ဓာတ်ပုံ- ပုံဟောင်း)
လှူရန်