အင်္ဂါ၊ မေလ ၂၈ရက်၊ ၂၀၂၄

ရခိုင်အမျိုးသမီးကွန်ရက်ဥက္ကဋ္ဌ ဒေါ်ညိုအေးနှင့် နိုင်ကျဥ်း ၁၀ ဦးခန့်အပါအဝင် စစ်တွေထောင်မှ အကျဥ်းသား ၃၆ ဦး လွတ်မြောက်


  • ရေးသူ: Web Master
  • | ရက်စွဲ: ၁၇ ဧပြီ ၂၀၂၄
  • | ကြည့်ရှုသူ: 704

စိုးစံအောင် ၊ နိရဥ္စရာ၊ ဧပြီ ၁၇ / ၂၀၂၄

 စစ်ကောင်စီ၏ နှစ်ဆန်းတစ်ရက် လွတ်ငြိမ်းချမ်းသာခွင့်ဖြင့် ခိုင်အမျိုးသမီးကွန်ရက်ဥက္ကဋ္ဌ ဒေါ်ညိုအေးနှင့် နိုင်ကျဥ်း ၁၀ ဦးခန့် ပါဝင် စစ်တွေထောင်မှ အကျဥ်းသား ၃၆ ဦ လွတ်မြောက်လာကြောင်း သတင်းရရှိသည်။  

 

ရခိုင်အမျိုးသမီးကွန်ရက်ဥက္ကဌ ဒေါ်ညိုအေးသည်  ၂၀၂၃ ခုနှစ်က စစ်တွေဆန်ပြသနာနေ့ ဝမ်းနည်း အောက်မေ့ဖွယ် အခမ်းအနားသို့ တက်ရောက်မှုကြောင့် မတရားဖမ်းဆီးကာ ထောင်ဒဏ် ၂ နှစ်ချမှတ်ခံခဲ့ရ​ပြီး ယနေ့တွင် နှစ်သစ်ကူးလွတ်ငြိမ်းချမ်းသာခွင့်ဖြင့် လွတ်မြောက်ခဲ့ကြောင်း မိသားစုဝင်များထံမှသိရသည်။

 

ယနေ့စစ်တွေအကျဥ်းထောင်မှ အကျဥ်းသား ၃၆ ဦးလွတ်ငြိမ်းချမ်းသာဖြင့်လွတ်လာပြီး ယင်းအထဲတွင် ဒေါ်ညိုအေးအပါအဝင် နိုင်ငံရေးအကျဥ်းသား ၁၀ ဦးပါဝင်ကြောင်း မိသားစုဝင်များကပြောသည်။

 

ဒေါ်ညိုအေးမှာလွတ်ငြိမ်းချမ်းသာခွင့်ဖြင့်လွတ်မြောက်လာပြီး ကျန်းမာရေးကောင်းမွန်လျက်ရှိသည်ဟု မိသားစုဝင်တစ်ဦးကပြောသည်။ " စစ်တွေထောင်က အားလုံး ၇ဝ လွတ်မယ်လို့ အစက ကြားထားပေမယ့် သုံးဆယ့်ခြောက်ယောက်ပဲလွတ်တယ်လို့သိရတယ်။ ဒီနေ့နေ့လယ် ၂ နာရီခွဲ ဝန်းကျင်မှာ ပြန်လွတ်လာပါပြီ။လူက ကျန်းမာပါတယ်" ဟု ဒေါ်ညိုအေး၏ မိသားစုဝင်တစ်ဦးက နိရဥ္စရာသို့ ပြောသည်။

 

ပြီးခဲ့သည့် မတ်လ ၁၈ ရက်က ဒေါ်ညိုအေးကို စစ်တွေဆန်ပြဿနာနေ့ အခမ်းအနားကို တက်ရောက်ခဲ့သည်မှာ သေချာသည့်အတွက် ပုဒ်မ ၅၀၅(ခ) ဖြင့် ငြိစွန်းသည်ဟုဆိုကာ ထောင်ဒဏ် နှစ်နှစ်ချမှတ်ခဲ့သည်။

 

သူမသည် ပြီးခဲ့သည့် ၂၀၂၃ ခုနှစ် သြဂုတ်လ ၁၃ ရက်က စစ်တွေရှိ စစ်တွေကျောင်းသားသမဂ္ဂရုံးတွင် စစ်တွေကျောင်းသားသမဂ္ဂက ဦးဆောင်ပြုလုပ်ခဲ့သော ၅၆ နှစ်မြောက် စစ်တွေဆန်ပြဿနာနေ့ အထိမ်းအမှတ် ဝမ်းနည်းအောက်မေ့ဖွယ်နေ့အခမ်းအနားသို့ တက်ရောက်ခဲ့သည့်အတွက်ဟုဆိုကာ ပြီးခဲ့သည့်နှစ် သြဂုတ်လ ၁၅ ရက်တွင် စစ်တွေရှိ ရခိုင်အမျိုးသမီး ကွန်ရက်ရုံးမှတဆင့် ရဲတပ်ဖွဲ့၏ ဖမ်းဆီးခြင်းကို ခံခဲ့ရခြင်းဖြစ်သည်။

 

၂၀၂၄ ခုနှစ် ဧပြီ ၁၇ ရက် မြန်မာ နှစ်ဆန်းတစ်ရက်နေ့ တွင် စစ်ကောင်စီက နိုင်ငံတဝန်း အကျဥ်းထောင်များမှ အကျဥ်းသား ၃၃၀၃ ဦးကို ပြစ်ဒဏ်မှလွတ်ငြိမ်းခွင့်ပေးကြောင်း ထုတ်ပြန်ထားသည်။

 

 

ဆက်စပ် သတင်းများ