မောင်တော ၆ မိုင်၌ အာရက္ခတပ်တော်နှင့် စစ်ကောင်စီတို့တိုက်ပွဲဖြစ်
နောင်မင်းသူ၊ နိရဉ္စရာ၊ဧပြီ ၁၈/၂၀၂၄
၇ခိုင်ပြည်နယ်၊မောင်တော ၆ မိုင်၌ ဧပြီလ ၁၈ ရက် ယနေ့ နံနက် ၈ နာရီမှစပြီး အာရက္ခတပ်တော်(AA) နှင့် စစ်ကောင်စီတပ်တို့အကြား တိုက်ပွဲဖြစ်နေကြသည်ဟု ၄ မိုင်ဒေသခံများက ပြောကြားသည်။
"မနက် ၈ နာရီကစပြီး လက်နက် ငယ်အပြန်အလှန်ပစ်သံတွေကို ၆ မိုင်ဖက်က ဆက်တိုက် ကြားနေ၇တယ်။ အခုတော့ နခခ(၅)က လက်နက် ကြီးဆက်တိုက်ပစ်နေတယ်"ဟု ပြောသည်။
တိုက်ပွဲဖြစ်ပွားသည့် နေရာသည် ဘူးသီးတောင်-မောင်တောကားလမ်းပေါ်တွင်ဖြစ်ပြီး၎င်းကားလမ်းကိုလည်း အာရက္ခတပ်တော်က ထိန်းချုပ်ပြီးနောက် မောင်တောမြို့နယ် အခြမ်းဘက်မှ၆ မိုင်ကို ဝင်ရောက်တိုက်ခိုက်ပုံ၇သည်ဟု ၎င်းက ပြောကြားသည်။
မောင်တောမြို့ပေါ်သို့ဧပြီလ ၁၇ ရက်နေ့ ည ၈ နာရီကျော်အချိန်၌ စစ်ကောင်စီသင်တန်းပေး မွတ်ဆလင်စစ်သား ၅၀ကျော် ဝင်ရောက်ပြီး မြို့ကို လှည့်လည်ခဲ့ကြသဖြင့် မောင်တောမြို့ခံများ စိုးရိမ်မူများရှိနေကြကြောင်းပြောဆိုသည်။
"မနေ့က ည ၈နာရီကျော်လောက်မှာ မွတ်ဆလင်စစ်သား ၅၀ ကျော်မောင်တောမြို့ ရပ်ကွက်တိုင်း ဝင်ရောက်လည်ပတ်ခဲ့ကြတာ။ ကျွန်တော်တို့အစကစစ်သားတွေထင်တာသေချာကြည့်မှ မွတ်ဆလင် စစ်သားတွေဖြစ်နေတယ်။ ဦးထုတ်က ကျဥ်ကာဦးထုတ်မဟုတ်ဘူး။နောက်ပြီးသေနတ်မှာ ကျဥ်ဘောက် ထည့်မထားဘူး။သူတို့ဝင်လာတော့ ဆိုင်တွေလည်းအကုန်ပိတ်လိုက်ကြ၇တယ်။ စိုးရိမ်မှုတော့ ရှိနေကြ၇တယ်"ဟု မောင်တောဒေသခံတစ်ဦးကပြောဆိုသည်။
မောင်တောမြို့နယ်နှင့် ဘူးသီးတောင်မြို့နယ်များရှိ စစ်ကောင်စီတပ်စခန်းများအားတစ်ခုပြီးတစ်ခု အာက္ခတပ်တော်က ထိုးစစ်ဆင်တိုက်ခိုက်သိမ်းပိုက်လျက်ရှိနေသည်ဟု သိ၇သည်။
လှူရန်