သဉ္ဇာနွယ်၊နိရဉ္စရာ၊ဧပြီ ၁၉/၂၀၂၄

၇ခိုင်ပြည်၊ ဘူးသီးတောင်မြို့တွင်တိုက်ပွဲဖြစ်လာမည်ကို စိုးရိမ်၍ စစ်ဘေးရှောင်နေကြစဉ် တမြို့လုံးနီးပါးရှိ  ၇ခိုင်နေအိမ်များကို စစ်ကောင်စီတပ်နှင့် ARSA အကြမ်းဖက်အဖွဲ့ဝင်များ၊သင်တန်းဆင်းပြီးစ လက်နက်ကိုင်မွတ်ဆလင်များမှ ဖြိုဖျက်ခြင်း၊ မီးရှို့ခြင်းများ ပြုလုပ်နေ၍ အထူးစိတ်မကောင်းကြောင်း နေအိမ်ပိုင်ရှင်များက နိရဉ္စရာသို့ပြောကြားသည်။

ဘူးသီးတောင်မြို့ကို ဧပြီလ၁၄ ရက်မှစ၍ စစ်ကောင်စီတပ်၊ ARSAနှင့် စစ်သင်တန်းဆင်းပြီးစ  မွတ်ဆလင်များအပါအဝင် စစ်ကောင်စီကိုလိုလားသည့် မွတ်ဆလင် တစ်စုက လူနေအိမ်များကို မီးရှို့ခြင်းများကို နေ့စဉ်ရက်ဆက် ပြုလုပ်လျက်ရှိသည်ဟု  ဘူးသီးတောင်မြို့ခံစီးပွားရေး လုပ်ငန်းရှင်တစ်ဦးကနိရဉ္စရာ သတင်းဌာနကိုပြောသည်။

" ကျနော်တို့တမိသားစုလုံးရဲ့နေအိမ်တွေမီးရှို့ဖျက်ဆီးခံ၇တယ်။ ဆိုင်ခန်းတွေ မီးမရှို့ခင်တုန်းက အရင်ဖောင်ထွင်းခံ၇တယ်။ ပြီးတော့ အခုမီးရှို့ခံရတာတွေကရခိုင်ပိုင်ဆိုင်မှုရှိတဲ့ နေရာတွေ၊ အိမ် တွေအများစုပါ။ သူတို့ မွတ်ဆလင်ပိုင်ဆိုင်မှုများတဲ့ဈေးတို့ဘာတို့ဆိုရင် ဘာမှမလုပ်ဘူး။  ကျနော်တို့ ပြောစရာစကားလုံးမရှိအောင် ခံပြင်းမိတယ်။ စိတ်လည်းတကယ်မကောင်းဘူး " ဟုပြောသည်။

ယခုကဲ့သို့ စစ်ဘေးရှောင်နေကြစဉ်နေအိမ်များမီးရှို့ဖျက်ဆီးခြင်းများကို ကြုံတွေ့၇သည့် အတွက် များစွာစိတ်မကောင်းဖြစ်မိပြီးတရားမျှတမှုကို ပြန်လိုချင်ကြောင်း ဘူးသီးတောင်မြို့ခံ စစ်ရှောင် အမျိုးသမီးတစ်ဦးက နိရဉ္စရာသတင်းဌာန ကိုပြောသည်။

" စစ်ဘေးရှောင်လို့အိုးအိမ်စွန့်ခွာပြီးလာကြရတယ်။ဒီလိုဖြစ်နေတဲ့အချိန်မှာ မတရားမီးရှို့ ဖျက်ဆီးတာတွေ ကြုံနေ၇တယ်။ ကျမ မထင်ထားဘူး။  ဒီလိုလုပ်ရပ်ကြလိမ့်မယ်လို့။ စစ်တပ်ကိုလူတိုင်းက မုန်းနေတဲ့ အချိန်မှာ စစ်တပ်ပေါင်းပြီး ဒီလို ပြန်လုပ်မယ်လို့မထင်ဘူးလေ။ ဘယ်လိုပဲဖြစ်ဖြစ်ဒီကိစ္စကိုတရားမျှတမှုရှိအောင် သက်ဆိုင်ရာတွေက လုပ်ပေးလိမ့်မယ်လို့ မျှော်လင့်တယ် " ဟုပြောသည်။

ဧပြီလ ၁၄ရက်နေ့ကဘူးသီးတောင်မြို့တွင် ပြည်သူ့လွှတ်တော်ကိုယ်စားလှယ်ဟောင်း ဦးအောင်သောင်းရွှေ၏နေအိမ်နှင့် ရုံးအပါအဝင် ၇ခိုင်လူမျိုးများ၏ နေအိမ် (၅၀) ခန့်ကို စစ်ကောင်စီမှစစ်သင်တန်းပေးထားသည့် မွတ်ဆလင် အစွန်းရောက်တချို့မှမီးရှို့ခဲ့ကြောင်းမြို့ခံများကပြောသည်။

ဘူးသီးတောင်မြို့ပေါ်တွင် ယခုလ ၁၅ ရက်နေ့က  နယ်စည်းမခြားဆရာဝန်များအသင်း(MSF)၏ ရုံးခန်းနှင့်ဆေးသိုလှောင်ရုံများအပါအဝင်  အိမ်ခြေ ၂၀၀ ကျော် မီးရှို့ခံထား၇ကြောင်း MSF က ထုတ်ပြန်ကြေညာသည်။

စစ်ကောင်စီအုပ်ချုပ်ရေးရှိနေသေးသည့် ၇ခိုင်ဘူးသီးတောင်မြို့ပေါ်တွင်သတ်ဖြတ်ခံထားသည့် အသက် ၃၀ အရွယ် လူငယ်နှစ်ဦး၏ အလောင်းများကို ဧပြီ ၁၁ရက် နံနက်ပိုင်းက တွေ့ရှိခဲ့ကြပြီး ဘာသာရေး၊ လူမျိုးရေး ပဋိပက္ခဖြစ်အောင် စစ်ကောင်စီနှင့် အစွန်းရောက်မွတ်ဆလင်များက ဖန်တီးနေသည်ဟု ဒေသခံများက ပြောကြားသည်။

ယင်းအပြင် ဘူးသီးတောင်ဒေသတွင်အစ္စလာမ်မစ် အကြမ်းဖက်အုပ်စုများက ဟိန္ဒူဘာသာဝင် ၁၆၀၀ ကျော် နှင့်ဗုဒ္ဓဘာသာဝင် ၁၂၀ ကျော်တို့ကို ဓါးစာခံများအဖြစ် ဖမ်းဆီးထိန်းသိမ်းထားသည်ဟုအိန္ဒိယ အိတ်စ်ပရက်သတင်းဌာနက ဖော်ပြထားသည်။

လက်ရှိတွင် မွတ်ဆလင်အများစုပိုင်ဆိုင်သည့်ဘူးသီးတောင်မြို့မဈေးနှင့် မွတ်ဆလင်ရပ်ကွက်က နေအိမ်များသာ ကျန်ရှိတော့ပြီး ရခိုင်အိမ်ရာနှင့် ချီပြီး မီးရှို့ခံထား၇သည်ဟုမြို့ခံများကပြောသည်။

Photo- Shwe Pyae Nyo