ဘူးသီးတောင် မြို့အေးစေတီဘုန်တော်ကြီး ကျောင်း၌ ကျန်းမာရေးမကောင်းသူများ အပါအဝင်သက်ကြီးရွယ်အို ၂၀၀ ကျော်ပိတ်မိနေ
နောင်မင်းသူ၊ နိရဉ္စရာ၊ ဧပြီ ၁၉ /၂၀၂၄
တစ်မြို့လုံးနီးပါး မီးရှို့ခံနေ၇သည့် ၇ခိုင်ပြည်၊ ဘူးသီးတောင်မြို့ အေးစေတီဘုန်တော်ကြီးကျောင်း၌ကျန်းမာရေး မကောင်းသူများအပါအဝင်သက်ကြီးရွယ်အို ၂၀၀ ကျော်ပိတ်မိနေကြောင်း ဘူးသီးတောင် မြို့ခံများထံမှ သိ၇သည်။
ဘူးသီးတောင် ဒေသခံတစ်ဦးက "ကျွန်တော်တို့ သိရတာကအေးစေတီဘုန်းတော်ကြီးကျောင်းမှာ ကိုယ်တော်နာဂနဲ့ ကျန်းမာရေး မကောင်းသူတွေ၊ သက်ကြီးရွယ်အိုတွေ ၂၀၀ ကျော်လောက်အထိ ပိတ်မိနေတယ်လို့သိ၇တယ်" ဟု ပြောကြားသည်။
ဘူးသီးတောင်မြို့ ရပ်ကွက်(၄)အား မီးရှို့မူဖြစ်ပွားသည့် ဧပြီ ၁၄ ရက်နေ့တွင် ထိုရပ်ကွက်ရှိ နာမကျန်း ဖြစ်နေသူများနှင့် လူအိုလူနာ၇၀ ကျော်မှာ အေးစေတီဘုန်းတော်ကြီးကျောင်းသို့ခိုလှုံလာခဲ့ကြပြီး ရပ်ကွက်(၅) အပါအဝင် အခြားရပ်ကွက်များမီးရှို့ခံရစဉ် သက်ကြီးရွယ်အို ၂၀၀ ကျော်အထိ ထိုအေးစေတီ ဘုန်းကြီးကျောင်းသို့ ခိုလှုံလာခဲ့ကြကြောင်း ဒေသခံများက ပြောဆိုကြသည်။
"ရပ်ကွက်(၄)မီးလောင်တဲ့နေ့က အေးစေတီဘုန်းကြီးကျောင်းကိုလူအို၊ လူနာဒုက္ခသည် ၇၀ကျော် လာရောက် ခိုလှုံလာတယ်။ ရပ်ကွက်(၅)မီးလောင်တဲ့နေမှာ ဒုက္ခသည်အားလုံး ၁၅၀ ကျော် ခိုလှုံနေကြ၇တယ်။ စုစုပေါင်း ၂၀၀ကျော်လောက်ရှိပါတယ်" ဟု ပြောကြားသည်။
ဘူးသီးတောင်မြို့ပေါ်၌ရပ်ကွက်(ရ)ခုရှိပြီးရပ်ကွက် ၅ ခုရှိ လူနေအိမ်အများစုမီးလောင်သွားခဲ့ကြ၇ပြီး ရပ်ကွက်(ရ)ရှိ လူနေအိမ်များ၌ စစ်တပ်များနေရာယူထားကြသလို ရပ်ကွက်(၂)၌ မီးလောင်မူ မရှိသေးကြောင်း ဒေသခံများက ပြောဆိုကြသည်။
"ဘူးသီးတောင်မြို့မှာရပ်ကွက်(၇) ခုရှိတယ်။ ရပ်ကွက်(၅)ခုက လူနေ အိမ် ၂၀၀ ကျော် မီးလောင်ခဲ့ကြရတယ်။ ရပ်ကွက်(ရ)နဲ့ ရပ်ကွက် (၂)ကတော့ မီးမလောင်ဘဲ့ကျန်နေခဲ့တယ်။ လက်ရှိမှာ အဲဒီရပ်ကွက်တွေမှာစစ်တပ်နေရာယူထားကြတယ်" ဟု ဒေသခံများကပြောသည်။
ဘူးသီးတောင်မြို့တမြို့လုံးတိုက်ပွဲဖြစ်လာနိုင်တဲ့အတွက်၇ခိုင်လူမျိူးများထွက်ပြေးသွားကြတာကြောင်း ထို ၇ခိုင်လူမျိုးနေအိမ်များအား စစ်ကောင်စီတပ်နှင့် ARSAအကြမ်း ဖက်အဖွဲ့ အပါအဝင် သင်တန်း ဆင်းပြီးစလက်နက်ကိုင် မွတ်ဆလင်များက ဘူးသီးတောင်မြို့ပေါ် ရပ်ကွက်များအားမီးရှို့ခဲ့ကြသဖြင့် တစ်မြို့လုံးနီးပါးရှိ လူနေအိမ်များမီးလောင်သွားခဲ့၇သည်ဟု ဒေသခံများက ပြောကြားသည်။
လှူရန်