စောရှင်မေ၊ နိရဉ္စရာ၊ဧပြီ ၂၁/၂၀၂၄

၇ခိုင်ပြည်၊ စစ်တွေမြို့နယ်၊ကံ့ကော်ကျွန်းတွင် ယနေ့ နံနက်က မြေမြုပ်မိုင်းနင်းမိ၍ အမျိုးသမီးတစ်ဦးအပါအဝင် ၂ဦးသေဆုံးပြီး ၄ ဦးဒဏ်ရာရရှိထားကြောင်း သိ၇သည်။

၎င်းတို့မှာအရေးပေါ်ကူညီရန်လိုအပ်နေပြီး၊ မြေမြုပ်မိုင်းနင်းမိသည့် ဒဏ်ရာကြောင့် လက်ရှိ သွေးထွက်လွန်၍မခံမရပ်နိုင်အောင်ခံစားနေ၇ကြောင်း၊ အရေးပေါ်ကယ်ဆယ်ရေးအဖွဲ့များနှင့် အဆက်အသွယ်မ၇သေးကြောင်း၊ နိရဉ္စရာမှတဆင့်အကူအညီတောင်းခံကြောင်း ပြောဆိုသည်။

" ကျွန်တော်တို့ မနက် ၅နာရီကျော်လောက်ကနေ မြေမြုပ်မိုင်းနင်းမိတာပါ။ အခုဆိုရင် ၂ယောက်သေပြီးတော့ ၄ ယောက်ဒဏ်ရာ၇ထားပါတယ်။ ကျွန်တော်တို့ မခံစားနိုင်တောဘူး။အကူအညီတစ်ချက်လောက် မြန်မြန်လေးကူညီပေးပါဗျာ " ဟုပြောသည်။

ဒဏ်ရာရရှိသွားသူများတွင်စစ်တွေမြို့နယ် ကျေးတောပိုက်ဆိပ်ကျေးရွာမှ အသက် ၄၇ နှစ်အရွယ်ဦးကျော်မြသိန်းအပါအဝင် ၄ ဦးဖြစ်ပြီး သေဆုံးသူ ၂ ဦးရှိကြောင်းကနဦးသတင်းအရ သိရှိ၇သည်။

အဆိုပါကိစ္စနှင့် ပတ်သက်၍ရွှေရောင်မေတ္တာဖောင်ဒေးရှင် လူမှု့ကူညီရေးအသင်းမှ တာဝန်ရှိသူ အားဆက်သွယ်ရာ၎င်းတို့အနေဖြင့် လူနာများဖြင့်အဆက်အသွယ်၇ပြီးဖြစ်သော်လည်း လတ်တလောတွင်စစ်တွေတပ်ထိန်းဂိတ်မှ မည်သူတစ်ဦးတစ်ယောက်ကိုမှ ဖြတ်သန်းခွင့် မပြုသည့်အတွက်အခက်အခဲကြုံနေ၇ကြောင်းပြောသည်။

အသေးစိတ်အချက်အလက်ကနိရဉ္စရာကဆက်လက်စုံစမ်းနေဆဲဖြစ်သည်။