“လှိုင်ဂူကြီးအနီးကို စစ်ကောင်စီက ဂျက်နဲ့လာရောက်ဗုံးကြဲတိုက်ခိုက်”  

 နောင်မင်းသူ၊ နိရဉ္စရာ၊ ဧပြီ ၂၄ /၂၀၂၄

၇ခိုင်ပြည်နယ်၊ဘူးသီးတောင်- မောင်တော ကားလမ်းပေါ်၌ အာရက္ခတပ်တော် (AA)နှင့် အကြမ်းဖက် စစ်ကောင်စီတပ်တို့ အကြား ဧပြီလ၂၄ ရက် ယနေ့ မနက်မှစပြီး တိုက်ပွဲပြင်းထန်စွာ ဖြစ်ပွားနေပြီးစစ်ကောင်စီမှ အတွဲလိုက်ဒုံးများဖြင့် ဆက်တိုက် ပစ်ခတ်နေသလို ဂျက်တိုက်လေယာဥ်ဖြင့် လာရောက် ဗုံးကြဲချလျှက်ရှိနေကြောင်း ဒေသခံများထံမှသိ၇သည်။

"ဘူးတောင်-မောင်တောလမ်းမှာဒီနေ့မနက်က စပြီး စစ်ကောင်စီနဲ့ အေအေ တို့တိုက်ပွဲ ပြင်ထန်နေကြတာ။ မောင်တောမြို့အဝင် နခခ(၅)က လက်နက်ကြီးတွေ ဆက်တိုက်ပစ်နေတယ်။ ကျီးကန်းပြင်ကလည်း အတွဲလိုက်ဒုံးတွေ ပစ်တယ်။ ဘူးသီးတောင်အမြောက်တပ်ကလည်း အတွဲလိုက် ဒုံးတွေနဲ့ဆက်တိုက် ပစ်နေကြတယ်။ ဘူးသီတောင်-မောင်တော ကားလမ်းကတောင်ခေါင်းကြီး (လိုင်ဂူကြီး) ဖက်ကို ဂျက်နဲ့ဗုံးလာကြဲတာ၂ ကြိမ်အထိ ရှိသွားပြီ။ပစ်ခတ်သံ ပေါက်ကွဲသံတွေက မနက်ကတည်းက ဆူညံစွာကြားနေ၇တာ"လို့ပြောကြားသည်။

အာရက္ခတပ်တော်သည် ဘူးသီးတောင်မြို့အား လေးဘက် လေးတန်က ဝိုင်းပတ်ပိတ်ဆို့ထားပြီးဘူးသီးတောင်မြို့ပေါ်တွင် တည်ရှိနေသည့် တပ်ရင်းစခန်းများကို ထိုးစစ်ဆင်တိုက်ခိုက်လျှက်ရှိသည်။လက်ရှိ အချိန်ထိ ခမ၇ (၅၂၂) နှင့်တပ်ရင်းနှင့် (၅၆၄) တပ်ရင်းများကို သိမ်းပိုက်ထားပြီဖြစ်သည်။

၎င်းပြင် AA သည် မောင်တော-ဘူးသီးတောင် ကားလမ်းအား ထိန်းချုပ်ထားပြီး  ၄ မိုင်ရှိ နယ်ခြားစောင့်တပ်ဖွဲခွဲနခခ (၂) နှင့် စစ်ကောင်စီအခြေချနေရာများအား ဒရုန်းများနှင့် ဗုံးချ တိုက်ခိုက်လျှက်ရှိနေကြောင်း ထိုဒေသတွင် နေထိုင်သူများကပြော ဆိုသည်။

"အေအေ ဖက်က ဧပြီ ၂၂ရက်နေ့ ညဥ့်၉နာရီ နဲ့ ၁၀ နာရီကြားမှာ နခခ (၂)ကို ဒရုန်း ၂ စင်းနဲ့ ဗုံး ၂ လုံးချပြီးတိုက်ခိုက်ခဲ့ကြတယ်။ မနေ့ကလည်း စစ်ကောင်စီစခန်းချတဲ့နတ်ဆွေတော်ကျောင်းကို ဒရုန်းနဲ့တိုက် ခိုက်ခဲ့တယ်လို့ကြားသိ၇တယ်" ဟု ပြောဆိုသည်။

ဘူးသီးတောင်-မောင်တော၁၆ မိုင်ကားလမ်းအား ရက္ခိုင်တပ်တော် အေအေ မှ ဧပြီလ ၉ ရက်နေ့မှ စပြီးထိန်းချုပ်ထားလိုက်တာကြောင်း မောင်တောသို့ စစ်ကောင်စီ ရေ ကြောင်းမှ တင်သွင်းလာတဲ့ လက်နက်ရိက္ခာ၊စားနပ်ရိက္ခာ၊စစ်သည်အင်အားများအားဘူးသီးတောင်မြို့ရှိစစ်ကောင်စီတပ်ရင်းတပ်ဖွဲ့များသို့သယ်ယူမရတော့ဟု သိ၇သည်။

အာရက္ခတပ်တော်သည် မောင်တောမြို့နယ် မြောက်ပိုင်းမှ နယ်ခြားစောင့်စခန်းများကို တစ်ခုပြီး တစ်ခု သိမ်းပိုက်ပြီး မောင်တောမြို့အနီးထိ ချဉ်းကပ်လာနေပြီဖြစ်ကာဘူးသီးတောင်နှင့် မောင်တောအကြား (၁၆) မိုင်သာရှိသည့် လမ်းအားလည်း ထိန်းချုပ်ထားပြီး ဘူးသီးတောင်မြို့အား ဝိုင်းပတ် ထိုးစစ်ဆင် တိုက်ခိုက်နေခြင်းဖြစ်သည်။

အကြမ်းဖက် စစ်ကောင်စီကလည်း ထိုမြို့နှစ်မြို့ မကျရေးအတွက်အပြင်းအထန် ကြည်း၊ရေ၊လေ အသုံးပြုကာ ခုခံကာကွယ်တိုက်ခိုက်နေကြောင်း သိရှိ၇သည်။ (ဓါတ်ပုံ-ကိုချက်ဖား)