နောင်မင်းသူ၊နိရဉ္စရာ၊ ဧပြီ ၃၀ /၂၀၂၄

 ရခိုင်ပြည်၊ဘူးသီးတောင်မြို့ အခြေစိုက် ခြေ မြန်တပ်ရင်း ခမ၇ (၅၆၅)နှင့်(၅၅၁) တပ်ရင်းများသည် အာရက္ခတပ်တော်၏ ထိုးစစ်အောက်တွင် အကျအဆုံးများစွာဖြင့်စကခ(၁၅) တပ်မဌာနချုပ်သို့ တပ်နောက်ဆုတ်သွားကြောင်းဘူသီးတောင် ဒေသခံများထံမှ သိ၇သည်။

 "ကျွန်တော်တို့သိရတာကတော မနေ့က တော်တော်လေး တိုက်ပွဲပြင်းထန်ခဲ့ကြတယ်။ ခမ၇ (၅၆၅)နဲ့ (၅၅၁) တပ်ရင်း ၂ ခု အကျအဆုံးများနဲ့ စကခ(၁၅)တပ်မသို့ တပ်နောက်ဆုတ်သွားခဲ့ကြတယ်လို့ သိ၇တယ်"ဟု ပြောကြားသည်။

ဘူးသီးတောင်မြို့နယ်ရှိစစ်ကောင်စီ၏ တပ်ရင်းတပ်ဖွဲများအား အာရက္ခတပ်တော် AA မှဧပြီလ၂၇ ရက်နေ့၌ အပြင်းအထန်ထိုးစစ်ဆင်တိုက်ခိုက်လျှက်ရှိနေပြီးစစ်ကောင်စီမှ အတွဲလိုက်ဒုံးများဂျက်တိုက်လေယာဥ်များဖြင့်ပြန်လည်ခုခံလျှက်ရှိနေကြသည်ဟု သိ၇သည်။

"မနေ့က ခမ၇ (၅၆၅)နဲ့ (၅၅၁)တပ်ရင်း ၂ ခုမှာ  အကျအဆုံးများတော ညနေ ၃ နာရီ ကျော်မှာ Y-12 ဗုံးကြဲလေယာဥ်နဲ့တစ်ကြိမ်၊  ည ၉ နာရီလောက်မှာ ဂျက်တိုက်လေယာဥ်နဲ့ပါဗုံးလာကြဲခဲ့ကြတယ်။ ဗုံးသံအမြောက်သံတွေကတော့နေရာစုံက ကြားနေ၇ပါတယ်"ဟု ပြောကြား သည်။

လက်ရှိAA တိုက်ခိုက်နေသောတပ် ရင်းများမှာ ဘူးသီးတောင်အခြေစိုက်စကခ(၁၅) လက်အောက်ခံဖြစ်ကြသည့် ခြေမြန်တပ်ရင်း (ခမ၇) ၃၄၅၊ ၃၅၂၊ ၃၅၃၊၅၃၅၊ ၅၅၁ ၊ ၅၅၂၊ ၅၆၄၊ ၅၆၅ တပ်ရင်းများအပါအဝင်ခြေလျင်တပ်ရင်း (ခလ၇) ၂၃၃၊ ၂၃၄၊ ၂၆၃ နှင့် အမြောက်တပ်ရင်း(အမတ) ၃၇၈ တို့ဖြစ်ပြီး ထို အထဲမှ တပ်ရင်း ၅၅၂နှင့် ၅၆၄ တို့အားအာရက္ခတပ်တော်မှအ ပြီးသတ် သိမ်းပိုက်ထားပြီးဖြစ်သည်။

ဘူးသီးတောင်တွင် တပ်ရင်းများသော်လည်း တပ်ရင်းတစ်ရင်း တိုက်ခိုက်ရေးအင်အား၁၀၀ ကျော်ခန်သာရှိကြောင်း သိ၇သည်။

 ဧပြီလ၂၉ ရက်နေ့၌  တိုက်ပွဲမှာ အပြင်းအထန်ဆုံး အဆင့်သို့ ရောက်ရှိလာပြီး ခြေမြန်တပ်ရင်း ခမ၇ (၅၆၅)နှင့်(၅၅၁) တပ်ရင်းများမှာ  အကျအဆုံးများနေပြီး စစ်ကူလည်း မလာနိုင်တော့၍ စကခ(၁၅)တပ်မသို့ တပ်နောက်ဆုတ်သွားခဲ့ရခြင်းဖြစ်ကြောင်း သိရှိ၇သည်။