နောင်မင်းသူ၊နိရဉ္စရာ၊ မေ ရ ရက်/၂၀၂၄

ရခိုင်ပြည်နယ်၊ မောင်တောမြို့အနီးရှိ ရွှေဇားကျေးရွာ၊ လဘော်ဇားကျေးရွာအနီး၌အကြမ်းဖက် စစ်ကောင်စီ-အာဆာ (ARSA) ပူးပေါင်းတပ်ဖွဲ့နှင့် အာရက္ခတပ်တော် (AA) တို့  တိုက်ပွဲ ပြင်းထန်းစွာ ဖြစ်ပွားနေကြောင်း ဒေသခံမွတ်ဆလင်များထံမှ တဆင့် သိ၇သည်။

ဒေသခံတစ်ဦးက  "လဘော်ဇားကျေးရွာအနီးမှာစစ်ကောင်စီတပ်- အာဆာ ပူးပေါင်းတပ်တွေနဲ့ အေအေတို့ မေလ ၆ ရက်ကတည်းကတိုက်ပွဲဖြစ်နေကြတာ။ ဒီနေ့ မေလ ရ ရက်နေ့မှာ တိုက်ပွဲ တွေ ပြင်းထန်စွာဖြစ်ခဲ့ကြတယ်။ ကညင်ချောင်း စီးပွားရေးဇုန်က လက်နက်ကြီး ပစ်ကူပေးနေတော ရွာသူ ရွာသားတွေ ထွက်ပြေး ခဲ့ကြ၇တယ်" ဟု ပြောကြားသည်။

မောင်တောမြို့သို့ကညင်ချောင်းစီးပွားရေးဇုန် ရေနက်ဆိပ်ကမ်းသို့ မေလ ၆ ရက်နေ့၌ ကမ်းထိုး စစ်ရေယာဥ်၃ စီးဖြင့် စစ်အင်အားအလုံးအရင်းဖြည့်တင်းလာပြီးနောက် တိုက်ပွဲများ ပြင်းထန်စွာ ဖြစ်လာသည်ဟု ဒေသခံများကပြောဆိုသည်။

"မောင်တောကို မေလ ၆ရက်နေ မှာ ကညင်ချောင်းစီးပွါးရေးဇုန်က ကမ်းထိုးရေယာဥ် ၃ စီးနဲ့ စစ်အင်အားအလုံးအရင်းဖြည့်တင်းနေတာ။ တပ်နောက်ဆုတ်သွားတဲ့လှဖိုးခေါင်နဲ့ ပြင်ဖြူစခန်းတွေ ကိုပါအင်အားဖြည့်လာတော တိုင်ပွဲတွေဆက်တိုက် ဖြစ်နေကြတာ”ဟုပြောဆိုသည်။

ရွှေဇားကျေးရွာအုပ်စု လဘော်ဇားကျေးရွာ၌ စစ်ကောင်စီက အကြဖမ်းဖက်အဖွဲ့အဖြစ် သတ်မှတ်ထားသည့် အာဆာမှ ခြေကုတ်ရရှိရန် ကြိုးစားလာစဉ် အာရက္ခတပ်တော် AA မှထိုးစစ်ဆင်တိုက်ခိုက်လာခြင်းဖြစ်သည်ဟုသိ၇သည်။

အကျအဆုံးများနေသည့် အာဆာ(ARSA) အကြမ်းဖက်အဖွဲမှ စစ်ကောင်စီသို့အင်အားနှင့် လက်နက်ကြီး ပစ်ကူတောင်းခံလာတဲ့ အတွက် စစ်ကောင်စီဖက်မှ တပ်ကူများပို့ဆောင်ပြီး  ကညင်ချောင်း စီးပွားရေးဇုန်ဝင်းထဲကလည်း  လက်နက်ကြီးများဖြင့်  ပစ်ကူပေးလျှက်ရှိနေသည်ဟု သိ၇သည်။

စစ်ကောင်စီမှစစ်အင်အားတိုးချဲပြီးနောက် ကညင်ချောင်းစီးပွားရေးဇုန်၌ လက်နက်ကြီး အထိုင်စခန်း တည်ဆောက်ထားပြီး လက်နက်ကြီးပစ်ကူပေးနေသလိုမောင်တော ဒေသသို့ ရေကြောင်းမှ စစ်အင်အားဖြည့်တင်းနေသည့်ကညင်ချောင်းစီးပွါးရေးဇုန်အား စစ်ကောင်စီမှ ကာကွယ်လျှက်ရှိလျှက် ရှိသည်ဟု သိ၇သည်။