သဉ္ဇာနွယ်

နိရဉ္စရာ၊ မေ၁၅/ ၂၀၂၄

ရခိုင်ပြည်၊သံတွဲမြို့နယ်၊ရွှေလှေတိုက်နယ်တွင် တိုက်ပွဲများ ပြင်းထန်လာသည့်အတွက်အနီးဝန်းကျင်ရှိကျေးရွာများတွင် နေထိုင်သော ရခိုင် နှင့် ကမန်လူမျိုးများ ဘေးလွတ်ရာထွက်ပြေးခွင့်မရဘဲ တိုက်ပွဲကြားတွင် ပိတ်မိနေသည်ဟု ဒေသခံ ကမန်လူမျိုးတစ်ဦးကနေရဉ္စရာကို ပြောသည်။

"အခုဖြစ်နေတာက လင်းသီ၊သပြုချိုင်၊ပေါက်တော တဝိုက်ဖြစ်နေတာ ။ တိုက်ပွဲစဖြစ်ကတည်းကနီးစပ်ရာရွာတွေကို ထွက်ပြေးသူတချို့ရှိတယ်။ ထွက်မပြေးဘဲ ကျန်နေခဲ့သူတချို့လည်းရှိနေသေးတယ်။အခုအသက်သေတဲ့သူတွေလည်း ရှိနေပြီ။ အခုဖြစ်နေတာက မြို့ပေါ်ကို သွားလို့မ၇လို့ပိတ်မိနေကြတာ။တော်တော်အခက်အခဲဖြစ်နေတယ်" ဟုဆိုသည်။

စစ်ကောင်စီကသံတွဲမြို့အဝင်/အထွက် ဘားတောင်းတောင် စစ်ဆေးရေးဂိတ်ကို ပိတ်ထားလိုက်သည့်အတွက်လက်ရှိတိုက်ပွဲဖြစ်နေသည့်  လင်းသီ၊သပြုချိုင်၊ပေါက်တောမှကမန်လူမျိုးများသည်ကျောင်းတိုက်၊ဇာဒီပြင်၊နတ်ပြင်၊ခြံပြင်နှင့် နားစာပြင်ကျေးရွာများဘက်သို့ ထွက်ပြေး တိမ်းရှောင်နေကြရပြီး မြို့ပေါ်သို့တိမ်းရှောင်ခွင့်မ၇ဘဲ ပိတ်မိကာ စားဝတ်နေရေး အခက်အခဲ ဖြစ်နေကြ၇သည်ဟု သံတွဲဒေသခံတစ်ဦးက နိရဉ္စရာ သတင်းဌာနကို ပြောသည်။

"စစ်ဘေးရှောင်တာ ရခိုင်နဲ့ကမန်လူမျိုး ပေါင်းရင် ထောင်ဂဏန်းလောက် ကပ်နေပါပြီ။မြို့ကို စစ်ဘေးရှောင်ကြတဲ့သူတွေက သူ့ဟာနဲ့သူ လက်ရှိအချိန်အထိ အဆင်ပြေနေကြတယ်။နယ်ဖက်က ရှောင်တဲ့လူတွေဆိုရင် ဘားတောင်းတောင် စစ်ဆေးရေးဂိတ် ပိတ်ထားလို့ အခုဆိုရင် ပိတ်မိနေပြီ။  ရွာ ၁၀ရွာထက်မနည်း ရှိတယ်။ကုန်ပစ္စည်းတွေလည်းမဝင်တော့ဘူး။ရှိတဲ့ဟာလေးတွေနဲ့ခြိုးခြံပြီးစားနေရတယ်။ကြာလာရင်စားနပ်ရိက္ခာပြတ်လာနိုင်တယ်  " ဟုပြောသည်။

သံတွဲတွင်ရွှေလှေ၊မကျည်းချောင်းနှင့် မြို့ပေါ်စစ်ရှောင်သည့် လူဦးရေမှာ ၇ခိုင်နှင့်ကမန်စုစုပေါင်း ၁၀၀၀နီးပါးခန့် ရှိနေကြောင်း သိ၇သည်။

ကမန်လူမျိုးများသည်လင်းသီ၊သပြုချိုင်၊ပေါက်တော၊ကျောင်းတိုက်၊ဇာဒီပြင်၊နတ်ပြင်၊ခြံပြင်၊နားစာပြင်ကျေးရွာများနှင့်မြို့ပေါ်ရပ်ကွက်တချို့တွင် နေထိုင်ကြကြောင်း ဒေသခံများက ပြောသည်။