လာမည့် ၂၄နာရီအတွင်း ဘင်္ဂလားပင်လယ်အော်တွင် လေဖိအားနည်းရပ်ဝန်းတစ်ခုဖြစ်ပေါ်ပြီး မုန်တိုင်းငယ်တစ်ခု ဖြစ်ပေါ်လာနိုင်ဟု ဆို
နှင်းနွယ်နီ၊နိရဥ္စရာ၊မတ်၂၁/၂၀၂၄
လာမည့် ၂၄ နာရီအတွင်းဘင်္ဂလားပင်လယ်အော်တွင် လေဖိအားနည်းရပ်ဝန်း(Low Pressure Area) တစ်ခု ဖြစ်ပေါ်ပြီးအဆိုပါလေဖိအားနည်းရပ်ဝန်းသည် ဆက်လက်ရွေ့လျားကာ မေလ ၂၄ ရက်တွင်မုန်တိုင်းငယ်တစ်ခုဖြစ်သို့ ရောက်ရှိလာနိုင်သည်ဟု မိုး/ဇလဌာနက ယနေ့ မွန်းလွဲ ၂နာရီ အချိန်တွင် ထုတ်ပြ
အလားတူ မိုးလေ၀သပညာရှင် ဦးဝင်းနိုင်ကလည်း မေလ ၂၁ ရက် မြန်မာစံတော်ချိန် နံနက် ၆ နာရီခွဲတွင်ဘင်္ဂလားပင်လယ်အော် အနောက်တောင်ပိုင်း၌ လေဖိအား နည်းရပ်ဝန်းတစ်ခုစတင် ဖြစ်ပေါ်လျှက်ရှိကြောင်းသူ၏ လူမှုကွန်ရက်တွင် ထုတ်ပြန်ထားသည်။
“အဆိုပါ လေဖိအားနည်းရပ်ဝန်းသည် ဘင်္ဂလားပင်လယ်အော် အနောက်တောင်ပိုင်း ပင်လယ်ပြင်တွင် မေလ၂၂ ရက် ညအထိ ဆက်လက်ရွေ့လျားနေမည်ဖြစ်ပြီး၊ မေလ ၂၃ ရက် ညပိုင်းတွင် ဘင်္ဂလား ပင်လယ်အော်အရှေ့အလယ်ပိုင်းသို့ ရွေ့လျားရောက်ရှိကာ၊ မေလ ၂၄ ရက်ညနေပိုင်းတွင် ပုသိမ်မြို့ အနောက်ဘက် ရေမိုင် ၂၃၅ မိုင်ခန့်သို့လည်းကောင်း၊မေလ ၂၅ ရက် ည ၈ နာရီခန့်တွင် စစ်တွေမြို့ အနောက်ဘက် ရေမိုင်၁၃၂ မိုင်ခန့်သို့လည်းကောင်း ရောက်ရှိနိုင်ပြီး မြောက်ဘက်သို့ဆက်လက်ရွေ့လျားနိုင်ပါသည်” ဟုဖော်ပြထားသည်။
လေဖိအားနည်းရပ်ဝန်းသည်ဆိုင်ကလုန်းမုန်တိုင်းအဆင့်အထိ ရောက်ရှိလာနိုင်ပြီး မေလ ၂၆ ရက်ညနေပိုင်းမှစတင်ကာ ဘင်္ဂလားဒေ့ရှ်နိုင်ငံကမ်းရိုး
မြန်မာနိုင်ငံသို့မုန်တိုင်း ဝင်ရောက်နိုင်ဖွယ်မရှိသော်လည်း မုန်တိုင်းအရှိန်ကြောင့်ကမ်းရိုးတန်းဒေသများနှင့်ကုန်းတွင်းပိုင်း ဒေသအများစုတွင်လေပြင်းတိုက်ခတ်ခြင်းနှင့် မိုးသည်းထန်ခြင်းများကို မေလ ၂၃ ရက်မှစတင်ကာ မုန်တိုင်းကုန်းတွင်းသို့ ဝင်ရောက်ချိန် မေလ ၂၆ ရက် ညပိုင်းအထိခံစား၇နိုင်သည်ဟု ဖော်ပြထားသည်။
နောက်လာမည့် ၃ ရက်မှ၅ ရက်အတွင်း တနင်္သာရီတိုင်း၊ ကရင်ပြည်နယ်၊ မွန်ပြည်နယ်၊ပဲခူးတိုင်း၊ ရန်ကုန်တိုင်း၊ ဧရာ၀တီတိုင်း၊ ၇ခိုင်ပြည်နယ်၊ မကွေးတိုင်း၊မန္တလေးတိုင်း၊ စစ်ကိုင်းတိုင်း၊ နေပြည်တော် စည့် ဒေသများတွင် မိုးသည်းထန်နိုင်သည်ဟုဆိုထားသည်။
ဓာတ်ပုံ - WinNaing(Facebook)
လှူရန်