မောင်စာဂ နိရဥ္စရာ၊မေ ၂၃/၂၀၂၄

ရခိုင်ပြည်နယ်၊စစ်တွေမြို့နယ်ရှိ သက္ကယ်ပြင်မွတ်ဆလင်ကျေးရွာဈေးသည် ယနေ့ နေ့လယ်ကမီးလောင်မှုဖြစ်၍ ဈေးဆိုင်ခန်း ၇၀ ကျော်ပျက်စီးဆုံးရှုံးသွားကြောင်း သိ၇သည်။

ယနေ့မေလ ၂၃ ရက်၊ နေ့လယ် ၂ နာရီ ၄၅ မိနစ်ကအဆိုပါဈေးရှိ ဆိုင်ခန်းတစ်ခန်းတွင် ဆိုလာပြား အပူလွန်ကဲရာမှ အခြားဆိုင်ခန်းများကိုမီးကူးစက်လောင်ကျွမ်းသွားခြင်း ဖြစ်သည်ဟုသက္ကယ်ပြင်ကျေးရွာတာဝန်ခံတစ်ဦးက နိရဉ္စ့ရာကို ပြောသည်။

"ဆိုလာပြားတွေကဆိုင်ခေါင်မိုးပေါ်မှတင်ထားကြတာလေ။ ဆိုလာပြားအပူလွန်ရာကနေဖြစ်တာ။ အဲဒီနားမှာအထည်ဆိုင်လည်းရှိတယ်။ လက်ဘက်ရည်ဆိုင်လည်းတစ်ဆိုင်ရှိတယ်။ဘယ်ဆိုင်ကနေဖြစ်တာလဲတော့ အတိအကျမသိ၇သေးဘူး"ဟု ပြောသည်။

အဆိုပါဈေးတွင်ဆိုင်ခန်းပေါင်း ၁၂၀ ကျော်ရှိရာမှ ၇၀ ကျော် မီးလောင်ပျက်စီးဆုံးရှုံးသွားခြင်း ဖြစ်သည်။

မီးလောင်ပျက်စီးဆုံးရှုံးသွားသည့်ဆိုင်ခန်းများတွင်အထည်ဆိုင်၊ ဆေးဆိုင်၊ လက်ဘက်ရည်ဆိုင်နှင့် စားကုန်ဆိုင်တို့ပါဝင်သည်ဟုလည်း ဆိုသည်။

ဈေးဆိုင်ခန်းများမီးလောင်မှုသည်ယနေ့ညနေ ၄ နာရီခန့်တွင် မီးငြိမ်းသွားကြောင်း သိ၇သည်။