(သေဆုံး၇ခြင်းအကြောင်းအရင်းမသိ၇သေး)

နိရဉ္စရာ၊ မေ ၂၃/၂၀၂၄

ရခိုင်လူမှုရေးအသင်း (Arakanese Social Association (Japan)မှ အဖွဲ့ဝင်တစ်ဦးကို ဂျပန်နိုင်ငံ၊ တိုကျိုမြို့ရှိ သူ၏အိပ်ခန်းထဲတွင် တစ်ဦးတည်းသေဆုံး၍တွေ့ရှိခဲ့ပြီးသေဆုံးရသောအကြောင်းအရင်းကို မသိရသေးဟု ဂျပန်ရောက် ရခိုင်လူမှုအသိုင်းအဝိုင်းမှ တဆင့်သိရှိ၇သည်။

သေဆုံးသူမှာ ကိုမင်းဒင်( မင်းတင်) အသက် (၅၉) နှစ် ဖြစ်ကြောင်း ဖြစ်ကြောင်းသိ၇သည်။

သူသေဆုံး၇ခြင်းနှင့် ပတ်သက်ပြီး “ ကိုမင်းဒင်သည် သံတွဲ ဇာတိ ဖြစ်သော်လည်း စစ်တွေတွင် ကြီးပြင်းခဲ့သူ၊ရခိုင်လူမှုရေးအသင်း(ဂျပန်) (ASAJ)တွင်ကျနော်တို့နှင့် တက်တက်ကြွကြွပါဝင်ပြီး လူမှုရေးလုပ်ငန်းများကို ပါဝင်လုပ်ဆောင်ခဲ့သူ၊  မည်သည့်အတွက်ကြောင့်ဆုံးသွားသည်ကို မသိ၇သေးပါ။သင်္ဂြိုလ်မည့်ရက်ကိုတော့ သက်ဆိုင်ရာနှင့် မိသားစုတို့ ညှိနှိုင်းပြီး စီစဉ်ကြမည်ဟု သိ၇ပါသည်။  ကောင်းရာသုဂတိလားပါလီ ကိုမင်းဒင်”ဟု ဂျပန်မှ ရခိုင်အမျိုးသားရေး ဆောင်ရွက်နေသူ တစ်ဦးဖြစ်သည့် ကိုလှအေးမောင်ကသူ၏ ပို့စ်တွင် ရေးသားထားသည်။

အဆိုပါ ကိုမင်းဒင် သေဆုံးရခြင်းနှင့် ပတ်သက်ပြီး ဂျပန်ရောက်ရခိုင်အမျိုးသားတစ်ဦးဖြစ်သူ ကိုဘုန်းမြင့်သို့ နိရဉ္စရာသတင်းဌာနက ဆက်သွယ်မေးမြန်းရာ သေဆုံးခြင်းအတည်ပြုသော်လည်းသေဆုံးရသည့် အကြောင်းအရင်းကို မသိ၇သေးဟု ဆိုသည်။

လက်ရှိတွင် ဂျပန်ရဲတပ်ဖွဲ့မှ DNA စစ်ဆေးပြီး သူ့အားမည်သူမည်ဝါဖြစ်ကြောင်းကို အတည်ပြုမည်ဖြစ်ပြီး အချိန်အားဖြင့် စစ်ဆေးမှုမှာ ၂ လခန့်ကြာမြင့်နိုင်မည်ဟုသိ၇သည်။