နိရဉ္စရာ၊ မေလ ၂၈/၂၀၂၄

၂၀၂၄မေလ ၂၂ ရက်နေ့တွင်ထုတ်ပြန်ခဲ့သည့် အဖွဲ့အစည်း ၁၉၅ ဖွဲ့က ထုတ်ပြန်ချက်အား ဂျပန်အခြေစိုက် မြန်မာတိုင်းရင်းသား (၁၀)ဖွဲ့က ကန့်ကွက်ရှုတ်ချကြောင်း ထုတ်ပြန်သည်။

ကန့်ကွက်ရသည့် အကြောင်းအရင်းမှာ ရခိုင်ပြည်လက်ရှိအခြေအနေများနှင့်ပတ်သက်၍ မြေပြင် ပကတိအခြေအနေများကို သေချာတိကျစွာ လေ့လာစုံစမ်းသိရှိခြင်းမရှိပဲ အခြေအမြစ်မရှိသည့် ပုဂ္ဂိုလ်စွဲ၊ ဝါဒစွဲပါသည့် အချက်အလက်များအပေါ် အခြေခံ၍ သုံးသပ် ထုတ်ပြန်ထားသဖြင့်  မှားယွင်းသည့် ၇လာဒ်များဖြစ်ပေါ်လာစေနိုင်သည့်အတွက်ကြောင့်ဖြစ်သည်ဟု ဖော်ပြထားသည်။

ယင်းအပြင် ၎င်းထုတ်ပြန်ချက်သည် “ စစ်ကောင်စီ၏ အာဘော်နှင့် တူညီသောမဟုတ်မမှန် သတင်းများကို ရည်ရွယ်ချက်ရှိရှိ ထုတ်ပြန်ထားခြင်း” ဖြစ်သည်ဟု လည်းဖော်ပြထားသည်။

“ ရခိုင်ဒေသတွင် စစ်ရှုံးနေသောစစ်ကောင်စီသည် RSO၊ ARSAI ARA မွတ်ဆလင် လက်နက်ကိုင်အဖွဲ့များနှင့် စစ်ရေးအရ ပူးပေါင်းဆောင်ရွက်နေပြီး လူမျိုးရေး၊ ဘာသာရေး အဓိကရုဏ်းဖြစ်ပွားစေရန် နည်းလမ်းမျိုးစုံဖြင့် လုပ်ဆောင်နေကြောင်းတွေ့ရှိရကြောင်း၊  နိုင်ငံတကာရောက် အရပ်ဖက်အဖွဲ့ အစည်းအမည်ခံကိုယ်ကျိုးရှာအဖွဲ့များနှင့် တော်လှန်ရေး အင်အားစုအချို့ပါဝင်သော၁၉၅ ဖွဲ့သည် စစ်ကောင်စီ၏အာဘော်နှင့်တူညီသောမဟုတ်မမှန် သတင်းများကို ရည်ရွယ်ချက်ရှိရှိ ၂၀၂၄ခုမေလ ၂၂ ရက် နေ့တွင် ရခိုင်ပြည်ကိစ္စနှင့်ပတ်သက်ပြီး ထုတ်ပြန်ချက်တစ်စောင်ကို စိတ်မကောင်းစွာ တွေ့ရှိ၇ကြောင်း”  ဖော်ပြထားသည်။

AUN ဥက္ကဋ္ဌကိုဘုန်းမြင့်က  “ အာရက္ခတပ်တော်(AA) နဲ့ပတ်သက်ပြီး  အခြေအမြစ်မရှိ၊ မှားယွင်းစွာ ထုတ်ပြန်ချက် ထုတ်ထားတဲ့  အဖွဲ့အစည်း၁၉၅ ဖွဲ့ရဲ့ ထုတ်ပြန်ချက်ကို ကန့်ကွက်ပါတယ်။  ဒီထုတ်ပြန်ချက်ကလက်ရှိ စစ်ကောင်စီ အလိုကျဖြစ်ပြီး  ရခိုင့်တော်လှန်ရေး၊မြန်မာ ပြည်တော်လှန်ရေးကို နောက်ပြန်ဆုတ်သွားအောင်  ရည်ရွယ်ချက်နဲ့ စစ်ကောင်စီချခင်းတဲ့ လမ်းအတိုင်းလုပ်တာဖြစ်တဲ့ အတွက် အပြင်းအထန် ကန့်ကွက် ရှုတ်ချပါတယ်” ဟု ပြောကြားသည်။ 

သို့အတွက် အချို့ အသင်းအဖွဲ့များအနေဖြင့် သဘောထားဆန္ဒမပါဘဲထည့်သွင်းခံရသည့် အဖွဲ့အစည်းများ ရှိပါက နှုတ်ထွက်ရန်နှင့် အကြမ်းဘက်စစ်ကောင်စီအား အမြစ်ပြတ်ရန်အားလုံး ပူးပေါင်းဆောင်ရွက်ကြရန် တိုက်တွန်းလိုကြောင်း ပြောကြားသည်။

ကိုဘုန်းမြင့်က “ ကျွန်တော်တို့ညီညွတ်သော တိုင်းရင်းသားများအဖွဲ့အစည်း(AUN-Japan)အနေဖြင့် အာရက္ခတပ်တော်(ULA/AA)နှင့်အတူရပ်တည် ပါတယ်”ဟု ဆက်လက် ပြောဆိုသည်။

ပူးတွဲထုတ်ပြန်သည့်အဖွဲ့အစည်းများ (၁) Association of UnitedNationalities Japan (AUN-Japan) (၂)  Kachin Affairs Organization Japan(KAO-Japan) (၃) Karenni National Society Japan (KNS-Japan) (၄)  Oversea Karen Organization Japan (OKO-Japan) (၅)  ChinCommunity of Japan (CCJ-Japan) (၆)  Punnyakary Mon National Society Japan(PMNS-Japan) (၇) Arakan National Democratic Party Japan(ANDP-Japan) (၈) Shan Community In Japan(SCJ-Japan) (၉) PaLaung National Society Japan(PNS-Japan) (၁၀)  Pa-O Affairs Society Japan (PAS-Japan)တို့ဖြစ်ကြသည်။

၂၀၂၄ ခုနှစ် မေလ ၂၂ရက်နေ့က အဖွဲ့အစည်း ၁၉၅ ဖွဲ့က ၇ခိုင်ပြည်နယ် မြောက်ပိုင်း အခြေအနေများနှင့်ပက်သက်ပြီး တော်လှန်ရေး အင်အားစုများနှင့် အရပ်ဘက် အဖွဲ့အစည်း ၁၉၄ ဖွဲ့၏  သဘောထား ပူးတွဲ ထုတ်ပြန်ချက်ဟုဆိုကာ  “ ရခိုင်ဒေသနှင့်တနိုင်ငံလုံးမှ အဖွဲ့အစည်းများ၊ လူပုဂ္ဂိုလ်များအနေဖြင့် အဖိနှိပ်ခံ ရိုဟင်ဂျာလူမျိုးစု၏အသက်အိုးအိမ်စည်းစိမ်များ၊ ပုံရိပ်များအား နိုင်ငံရေး စစ်ရေးလိုအပ်ချက် အတွက် အသုံးချနေခြင်းအားချက်ချင်း ရပ်တန့်ရန်တောင်းဆိုခြင်း” ခေါင်းစဉ်ဖြင့် ကြေညာချက် ထုတ်ပြန်ခဲ့သည်။