(အမျိုးသမီး ၃ဦး အဓမ္မပြုကျင့်ကာသတ်ဖြတ်ခံ၇ဟုဆို)

ရက္ခိုင်အမျိုသားအဖွဲ့ချုပ်နှင့် ရခိုင်ပြည်နယ် စစ်ကောင်စီအားအတည်ပြုချက်ရယူရန် မေးမြန်းနေဆဲဖြစ်

အေးမြတ်ခိုင်၊နိရဉ္စရာ၊ ဇွန်လ ၁/၂၀၂၄

စစ်တွေမြို့နယ်၊ဗျိုင်းဖြူရွာတွင် အမျိုးသမီးများအပါအဝင်လူပေါင်း (၄၀) ကျော် ရက်ရက်စက်စက် အသတ်ခံရကြောင်းကိုယ်တိုင်ကြုံခဲ့၇သူတစ်ဦးက နာမည်နှင့် တကွ ထုတ်ဖော်ပြောဆိုသည်။

ယင်းအပြင်ဖမ်းဆီးခံ၇သည့်အထဲမှ အမျိုးသမီး ၃ ဦးကိုမူ အဓမ္မပြုကျင့်ပြီး စစ်ကောင်စီကသတ်ဖြတ်ခဲ့သည်ဟု ဒေသခံများက ပြောသည်။

စစ်ကောင်စီ၏အကြမ်းဖက် သတ်ဖြတ်ခြင်းကို ခံခဲ့ရသူများမှာ ဦးကျော်ဆန်းဦး (ဗျိုင်းဖြူရွာ၊ အောင်ချမ်းသာရပ်ကွက်)၊ ဦးကျော်သိန်း(ဗျိုင်းဖြူရွာ ၊အောင်ချမ်းသာရပ်ကွက်)၊ ဦးကုလားအောင်(ဗျိုင်းဖြူရွာ၊အောင်ချမ်းသာရပ်ကွက်)၊ ဦးဖိုးသန်းစိန်(ဗျိုင်းဖြူရွာ၊ ဆက်ရိုးကျအရှေ့)၊ ဦးချဘုကောင် (ဗျိုင်းဖြူရွာ ၊ဆက်ရိုးကျအရှေ့)ဦးဘောက်သာ၏ သား( ဗျိုင်းဖြူရွာ၊ ဆက်ရိုးကျအရှေ့)၊ ကိုကိုမောင် (အသက် ၃၀ကျော်)၊ ခင်မောင်အေး  (အသက် ၃၆ )၊ကိုမောင်သန်း (အသက် ၂၉ )၊ ဦးကျော်နိုင် (အသက်   ၄၂ )၊ကိုမောင်ချီး  (အသက်၂၂ )၊ ရဲကျော်  (အသက်၂၁ )၊  ကိုအောင်နိုင်ဌေး (အသက်  ၃၁)၊ ဦးဇော်မင်းထွန်း (အသက်  ၄၀ ကျော်)၊ ဦးမောင်လှဦး (အသက်  ၄၀ကျော်)၊ ဦးသားချေ (အသက်  ၃၀ ကျော်)၊ ဦးမြင့်ချေ (အသက်  ၃၆)၊ကိုဦးမောင်ဆန်း (အသက်  ၂၆)၊ မောင်လှယေ  (အသက် ၃၂)၊ မောင်ထွီး (အသက် ၂၂) ၊ကိုမောင်လုံးချေ  (အသက်  ၄၀ )၊ ဦးဦးကျော်နိုင် (အသက် ၄၀ ကျော်)၊ဦးမောင်သိန်းထွန်း(အသက်   ၅၀ ကျော်)၊ ဦးမောင်စံသား (အသက် ၆၀)၊ ဦးကျန်သာထွန်း (အသက်    ၇၀)၊ဘုမောင် (အသက် ၁၈)၊ ဦးသန်းဌေးမောင်  (အသက် ၄၀ ကျော်)၊ ဦးဖားချေ (အသက် ၅၀ကျော်)၊ကိုကိုအောင်  (အသက်  ၃၆ )၊ ကိုအောင်သူချေ (အသက် ၂၉ )၊မောင်ဖြိုးဖြိုးနိုင် (ဘ)ဦးမောင်သိန်းထွန်း  (အသက် ၁၅)၊ ဦးဇော်ထွန်းနိုင် (အသက် ၃၅ ) နှင့်တခြားအမည် အတည်မပြုနိုင်သေးသူများအပါအဝင်စုစုပေါင်း ၄၀ ကျော်ဖြစ်ကြောင်း ကိုယ်တိုင်ကြုံတွေ့ခဲ့၇သည့်အမည်မဖော်လိုသူတစ်ဦးကပြောသည်။

၎င်းတို့ကိုမေလ ၃၀ရက် ည ၁၂ နာရီခန့်မှ ၃၁ ရက်နံနက် ၄နာရီအတွင်း သေနတ်များဖြင့်ရက်စက်စွာ သတ်ဖြတ်ခဲ့ခြင်း ဖြစ်ကြောင်းမျက်မြင်ကိုယ်တွေ့ ကြုံတွေ့ခဲ့၇သူတစ်ဦးက ပြောသည်။

"ဖမ်းထားတဲ့အမျိုးသမေီးတွအထဲက မသင်္ကာလို့ဆိုပြီး၃ ယောက်ကို ဖမ်းသွားပြီး ယောကျာ်းတွေကို ဖမ်းထားတဲ့ဘက်ကို ခေါ်သွားပါတယ်။၃၀ရက်နေ့ ည ၁၂ နာရီ အချိနေ်လာက်က စတင်ပြီးတော့ ယောကျာ်း ၄၀ ကျော်လောက်ကို ၃၁ရက်နေ့ အာရုဏ်တက် ၄ နာရီအချိန်ထိ ပစ်သတ်ပါတယ်။ အဲ့ဒီအထဲက ပစ်သတ်လို့မသေနိုင်တဲ့တစ်ယောက်ကိုတော့ အရှင်လတ်လတ် မြေမြှုပ် သတ်လိုက်ကြပါတယ်"ဟု ပြောသည်။

အရပ်သားများအား သေနတ်ဖြင့်မပစ်သတ်မီ လူမဆန်စွာ နှိပ်စက်မှုများ၊ အမျိုးသမီးများကို အဓမ္မပြုကျင့်မှုများပြုလုပ်ခဲ့သည်ဟု အမည်မဖော်လိုသည့် အမျိုးသမီး တစ်ဦးကလည်း ပြောဆိုထားပါသည်။

အဆိုပါ သတင်းနှင့် ပတ်သက်ပြီး အတည်ပြုချက်ရယူနိုင်ရန် ရက္ခိုင့်တပ်တော်ပြောရေးဆိုခွင့်ရှိသူ ဦးခိုင်သုခ၊ ပြည်နယ် အစိုးရ ပြောခွင့်ရသူ  ဦးလှသိန်းတို့အားဆက်သွယ် မေးမြန်းနေဆဲဖြစ်သဖြင့် နိရဉ္စရာသတင်းဌာနအနေဖြင့် သီးခြား အတည်ပြုချက်တော့ရယူနိုင်ခြင်း မရှိသေးပါ။

အသေးစိတ်သတင်းများကို ဆက်လက်စုံစမ်းနေဆဲဖြစ်ပြီး ဤသတင်းကိုဆက်လက်ထုတ်ပြန်ပေးပါမည်။