နောင်မင်းသူ၊နိရဉ္စရာ၊ ဇွန် ၁ရက်/၂၀၂၄

၇ခိုင်ပြည်အနောက်နယ်စပ် မောင်တောမြို့ပေါ်တွင် မေလ၃၁ ရက်ကစပြီး ည ၉ နာရီ နောက်ပိုင်း အပြင်ထွက်သူများကို သတ်ပစ်မည်ဟု စစ်ကောင်စီကခြိမ်းခြောက်ထားကြောင်း သိ၇သည်။

ထိုသို့ သတ်ပစ်မည်ဖြစ်ကြောင်းကို ဒေသခံများအားအုပ်ချုပ်ရေးမှုးများမှ တစ်ဆင့် အသိ ပေးလာကြောင်း မောင်တောဒေသခံများက သိ၇သည်။

" မေလ ၃၁ ရက် နေ့လယ်ပိုင်းမှာရပ်ကွက်အုပ်ချုပ်ရေးမှူးတွေကလာပြောတယ်။စစ်တပ်က ပြောလိုက်တယ်ည ၉ နာရီအပြင်ထွက်တဲ့သူဘယ်သူကိုမဆို ပစ်သတ်မယ်လို့ ပြောခိုင်းတယ်လို့ ပြောလာတယ်"ဟု ပြောသည်။

လက်ရှိတွင်စစ်တပ်မှ မောင်တောမြို့ မြို့မမြောက်ရပ်ကွက်ဝိမလ မူလွန်စာသင်ကျောင်းမြို့မ အနောက်ရပ်ကွက်ရှိဒါက်ရွာရှိမူလွန်ကျောင်းနှင့် သာဿနဗိမ္မာန်များ၌ စခန်းချထားပြီးဒေသခံများအား အချိန်ပြည့် စောင့်ကြည့်လျှက်ရှိနေကြောင်းဒေသခံများကပြောဆိုသည်။

" မောင်တောမြို့ပေါ်ကနေရာတော်တော်များများမှာ စစ်တပ်က စခန်းချထားကြပြီး။ ဝိမလ စာသင်ကျောင်း ဒါက်ရွာစာ သင်ကျောင်းနဲ့ သာသနဗိမ္မန်နဲ့ မြို့မဈေးတွေမှာ စခန်းချနေထားကြတယ်။ လမ်းသွားလမ်းလာတွေနဲ့ လဖ္ဘက်ရည်ဆိုင်ထိုင်နေတဲ့ ပြည်သူတွေကိုအမြဲ တမ်းစောင့်ကြည့်နေတယ်။ ဖမ်းချင်ယင်လိုက်ဖမ်းတယ်" ဟု ပြောဆိုသည်။

မောင်တောမြို့ပေါ်၌ နယ်ခြားစောင့်စခန်းပြေးများအားနေရာချထားသည့် နေရာများအားနယ်ခြားစောင့်များအား ဖယ်ထုတ်လိုက်ပြီး စစ်အင်အားဖြည့်တင်းရာ၌ အသစ်ရောက်ရှိလာတဲ့ တပ်မ ၂၂ နှင့် တပ်မ ၃၃ တို့မှ နေရာယူစခန်းချနေထိုင်ကြသည်ဟု သိ၇သည်။