(၁၀ နှစ်အရွယ်ကလေး တစ်ဦးနှင့် အမျိုးသမီး ၂ ဦးသေဆုံးခဲ့၇)

မောင်စာဂ/ နိရဥ္စရာ၊ဇွန် ၂ /၂၀၂၄

ရခိုင်ပြည်နယ်၊ ပုဏ္ဏားကျွန်းမြို့နယ်ရှိ ယိုးတရုပ် ကျေးရွာကို အကြမ်းဖက်စစ်ကောင်စီတပ်က ဗုံးကြဲခဲ့သည့်အတွက်ဒဏ်ရာရသူများအနက် နောက်ထပ်တစ်ဦး ထပ်သေဆုံးသွားကြောင်း သိ၇သည်။ 

သေဆုံးသွားသူမှာ ဒေါ်မဲမ(ခေါ် ) ဒေါ်အေးနု(၄၃)နှစ်ဖြစ်ပြီး ယမန်နေ့ဇွန်လ ၁ ရက်၊ ညဥ့်အချိန်တွင် ဆေးကုသမှုခံယူနေစဥ်သေဆုံးသွားခြင်းဖြစ်သည်ဟု ဒေသခံများက ပြောသည်။

"သူက ဆေးကုသပေမယ့် ဒဏ်ရာပြင်းတော့ သေဆုံးသွားပါမယ်။  ညတုန်းက ယိုးတရုပ် ကို အလောင်းပြန်ရောက်နေပါပြီ"ဟု ပြောသည်။

ယခုသေဆုံးသွားသူနှင့်အတူယိုးတရုပ် ရွာမှနောက်ထပ်၁၀ ဦးသည် ယမန်နေ့ ဇွန်လ ၁ ရက်၊နံနက် ၁၀ နာရီ ၁၅ မိနစ်ခန့်တွင် စစ်ကောင်စီ၏ထောက်/ပို့ယာဥ်ဖြစ်သည့် Y12 လေယာဥ်က ရွာအပေါ်မှဝဲပျံကာဗုံးကြဲချခဲ့သည့်အတွက် ထိခိုက်ဒဏ်ရာများရရှိသွားခြင်းဖြစ်သည်။

ယင်းဖြစ်စဥ်ကြောင့် ယိုးတရုပ်ရွာ၊ချောင်း၀ရပ်ကွက်မှ မောင်ကျော်လွင်(ခ)ဒေါင်းဒေါင်း(၁၀) နှစ်နှင့် စစ်တွေမြို့နယ်၊ ပျားလည်ချောင်းရွာမှစစ်ရှောင်နေသူ မခိုင်မိုးအေး(၂၆)နှစ်တို့သည် အခင်းဖြစ်ပွားချိန်ပွဲချင်းပြီးသေဆုံးခဲ့သည်။

လက်ရှိတွင်ယိုးတရုပ်ရွာဗုံးကြဲခံ၇မှုကြောင့်သေဆုံးသူမှာ ၃ ဦးရှိသွားပြီဖြစ်သည်။

ယိုးတရုတ်ရွာဖြစ်စဥ်ကြောင့်ချောင်း၀ရပ်ကွက်မှ နေအိမ်နှစ်လုံးလည်း ထိခိုက်ပျက်စီးသွားသည်ဟု သိ၇သည်။

ယမန်နေ့နံနက်၁၀ နာရီကျော်က ပေါက်တောမြို့နယ်၊ သဲခုံရွာ၊ ကြိမ်ခွေမော်ရွာ၊တောင်ဦးမော်နှင့်ဆင်တက်မော်စသည့်ကျေးရွာများကိုလည်း စစ်ကောင်စီက Y12 ဖြင့် ဗုံးကြဲတိုက်ခိုက်ခဲ့သည့်အတွက်ဒေသခံ ၆ ဦး ထိခိုက်ဒဏ်ရာများ ရရှိခဲ့သေးသည်။