ဂျွန်နသန်၊ နိရဉ္စရာ၊ ဇွန်၆/၂၀၂၄ 

မြန်မာနိုင်ငံအရေးကိစ္စနှင့် ပတ်သက်ပြီး ကုလသမဂ္ဂနှင့် အာဆီယံတို့နီးကပ်စွာ ပူးပေါင်း ဆောင်ရွက်သွားရန် ကုလသမဂ္ဂဆိုင်ရာဗီယက်နမ်နိုင်ငံ သံအမတ်ကြီး က တိုက်တွန်း ပြောကြားလိုက်သည်။

မြန်မာနိုင်ငံ ငြိမ်းချမ်းရေးနှင့် တည်ငြိမ်ရေး တို့အတွက် အစွမ်းကုန် ကြိုးပမ်းဆောင်ရွက်သွားမည် ဖြစ်ကြောင်း ကုလသမဂ္ဂအတွင်းရေးမှူးချုပ်၏ မြန်မာနိုင်ငံဆိုင်ရာအထူးကိုယ်စားလှယ်က အခိုင်အမာ ပြောဆိုလိုက်သည်။

ကုလသမဂ္ဂ အတွင်းရေးမှူးချုပ်၏ မြန်မာနိုင်ငံဆိုင်ရာ အထူးကိုယ်စာလှယ်Julie Bishop နှင့် ကုလသမဂ္ဂဆိုင်ရာ ဗီယက်နမ်နိုင်ငံ သံအမတ်ကြီး DangHoang Giang တို့ ဇွ န်လ ၅ ရက်နေ့က နယူးယောက်မြို့ ၌တွေ့ဆုံခဲ့ကြစဥ် ၄င်းတို့ကအထက်ပါ အတိုင်းပြောဆိုခဲ့ကြခြင်းဖြစ်သည်။

မြန်မာ့အကြပ်အတည်းအတွက် ယခုထိပ်တန်း ဦးစားပေးလုပ်ငန်းမှာ ယုံကြည်မှုတည်ဆောက်ရန်၊ အပစ်အခတ် ရပ်စဲရေးနှင့် ဆွေးနွေးပွဲများ မြှင့်တင်ရန်၊ လူသားချင်း စာနာထောက်ထားမှု ဆိုင်ရာ ကယ်ဆယ်ရေး လုပ်ငန်းများလွယ်ကူချောမွေ့စေရန်တို့ ဖြစ်ကြောင်း ကုလသမဂ္ဂဆိုင်ရာ ဗီယက်နမ်နိုင်ငံ သံအမတ်ကြီး Giangက အလေးပေးပြောကြားခဲ့သည်။

ငြိမ်းချမ်းပြီး ရေရှည်တည်တံ့သော ဖြေရှင်းနည်းများကို ရှာဖွေရန် အတွက်အာဆီယံ၏ ဘုံသဘောတူညီချက် ငါးချက် သည် အရေးကြီးသော အခြေခံအချက်ဖြစ်ကြောင်းလည်း၎င်းက ထပ်လောင်း ပြောကြားခဲ့သည်။

အထူးသဖြင့် ကုလသမဂ္ဂနှင့် Julie Bishop ( ကုလသမဂ္ဂအတွင်းရေးမှူးချုပ်၏ မြန်မာနိုင်ငံဆိုင်ရာ အထူးကိုယ်စားလှယ်)တို့သည် လွတ်လပ်ရေး၊ အချုပ်အခြာအာဏာ၊ နယ်မြေစိုးမိုးရေးနှင့် ပြည်တွင်းရေးကိုမစွက်ဖက်ရေး စသည့်အခြေခံမူများနှင့်အတူ မြန်မာပြည်သူများ၏ စိတ်ဆန္ဒနှင့် အညီ အာဆီယံ၊အာဆီယံဥက္ကဋ္ဌ၏ မြန်မာနိုင်ငံဆိုင်ရာအထူးသံတမန်တို့နှင့် ပိုမို နီးကပ်စွာ ထိထိရောက်ရောက်ညှိနှိုင်းဆောင်ရွက်နိုင်မည်ဟု ဗီယက်နမ်က မျှော်လင့်ပါကြောင်းသံအမတ်ကြီးကပြောဆိုခဲ့သည်။

မြန်မာနိုင်ငံ ငြိမ်းချမ်းရေးနှင့် တည်ငြိမ်ရေး ဖော်ဆောင်ရာတွင်အစွမ်းကုန် ကြိုးပမ်း ဆောင်ရွက် သွားမည် ဖြစ်ကြောင်း ကုလသမဂ္ဂသည်မြန်မာနိုင်ငံ ငြိမ်းချမ်းရေးနှင့်တည်ငြိမ်ရေး ဖော်ဆောင်သည့် လုပ်ငန်းစဉ်တွင် အာဆီယံ၏ ဦးဆောင်အခန်းကဏ္ဍကိုထောက်ခံကြောင်း အထူးကိုယ်စားလှယ် Julie Bishop က အလေးပေးပြောကြားခဲ့သည်။

ကုလသမဂ္ဂ နှင့် အာဆီယံ တွင် ဗီယက်နမ်၏ ရပ်တည်ချက်ကိုတန်ဖိုးထားလေးစားပြီး အထူးသဖြင့် မြန်မာ့အရေးနှင့် ပတ်သက်၍ အပြုသဘောဆောင်သောချဉ်းကပ်မှုအပြင် ၊လက်ရှိ မြန်မာနိုင်ငံ အကြပ်အတည်းကိုဘက်စုံရေရှည်ဖြေရှင်းချက်ရရှိရေး ပူးပေါင်းကြိုးပမ်းမှုများတွင်ဗီယက်နမ်ကအပြုသဘောဆောင်သော ပံ့ပိုးကူညီမှုများ ပြုလုပ်သွားမည်ဟု မျှော်လင့်ပါကြောင်း Julie Bishop ကပြောဆိုခဲ့သည်။

(ပုံစာ /ကုလသမဂ္ဂ ဆိုင်ရာ ဗီယက်နမ် သံအမတ်ကြီး DangHoang Giang နှင့် ၊ ကုလသမဂ္ဂအတွင်းရေးမှူးချုပ်၏မြန်မာနိုင်ငံဆိုင်ရာ အထူးကိုယ်စားလှယ် Julie Bishop တို့နှင့်ဇွန်လ ၅ ရက်နေ့က တွေ့ဆုံကြစဥ် (Photo: VNA) Source/VNA