တနင်္ဂနွေ၊ ဇူလိုင်လ ၁၄ရက်၊ ၂၀၂၄

ဗျိုင်းဖြူရွာ အစုလိုက်အပြုံလိုက် လူသတ် စစ်ရာဇဝတ်မှုကျူးလွန်သည့် စစ်ကောင်စီကို အပြင်းအထန်ရှုတ်ချပြီး ၎င်းတို့ကို ထိရောက်စွာ အရေးယူရန် ရက္ခိုင့်အဖွဲ့အစည်းများနှင့် ညီနောင်မဟာမိတ်အဖွဲ့ (၂၀၃)ဖွဲ့မှ တောင်းဆို


  • ရေးသူ: Web Master
  • | ရက်စွဲ: ၀၇ ဇွန် ၂၀၂၄
  • | ကြည့်ရှုသူ: 1.3k

နိရဉ္စရာ၊ ဇွန် ၇/၂၀၂၄

ရခိုင်ပြည်၊ စစ်တွေမြို့နယ် ဗျိုင်းဖြူရွာမှ အရပ်သားများကို အစုလိုက်အပြုံလိုက်သတ်ပြီး စစ်ရာဇဝတ်မှုကျူးလွန်ခဲ့သည့် စစ်ကောင်စီကို အပြင်းအထန်ရှုတ်ချပြီး ၎င်းတို့ကို ထိရောက်စွာ အရေးယူရန် ရက္ခိုင့်အဖွဲ့အစည်းများနှင့် ညီနောင်မဟာမိတ်အဖွဲ့ (၂၀၃)ဖွဲ့မှ ကုလသမဂ္ဂအဖွဲ့ချုပ်နှင့် နိုင်ငံတကာ အသိုင်းအဝိုင်းကို တောင်းဆိုလိုက်သည်။

အဆိုပါအဖွဲ့ (၂၀၃) ဖွဲ့၏ ထုတ်ပြန်ချက်ကို ၁၃၈၆  ခုနှစ် နယုန်လဆန်း (၁)ရက် သောကြာနေ့၊ ၂၀၂၄ ခုနှစ် ဇွန်လ (၇) ရက်နေ့စွဲဖြင့် ထုတ်ပြန်ရာ ထုတ်ပြန်ချက် အပြည့်အစုံမှာ အောက်ပါအတိုင်း ဖြစ်ပါသည်။

--------

အကြမ်းဖက် စကစ စစ်တပ်၏အစုလိုက်အပြုံလိုက် သတ်ဖြတ်မှုအား နိုင်ငံတကာရှိ ရက္ခိုင့်အဖွဲ့အစည်းများနှင့် ညီနောင်မဟာမိတ်လူမျိုးများမှ ပြင်းထန်စွာကန့်ကွက်ရှုတ်ချခြင်း

၁၃၈၆ ခုနှစ် နယုန်လဆန်း (၁)ရက် သောကြာနေ့ ၂၀၂၄ ခုနှစ် ဇွန်လ (၇) ရက်

မြန်မာ့တပ်မတော်အမည်ခံ အာဏာသိမ်း စကစ အကြမ်းဖက်စစ်တပ်မှ စစ်ကြောင်းတစ်ကြောင်းသည် ရက္ခိုင်ပြည် စစ်တွေမြို့ ဆတ်ရိုးကျ ဗျိုင်းဖြူကျေးရွာအား မေ( ၂၉ )ရက်နေ့တွင် ဝင်ရောက်စီးနင်းပြီး အရပ်သားပြည်သူ (၇ဝ) ကျော်အား ရက်ရက်စက်စက် လူမဆန်စွာ အစုလိုက်အပြုံ လိုက်သတ်ဖြတ်ခြင်း၊ အလောင်းများအားဖျောက်ဖျက်ခြင်းနှင့် အမျိုးသမီးများအား မုဒိမ်းကျင့် သတ်ဖြတ်ခြင်း စသည့် စစ်ရာဇဝတ်မှု ၊ လူသားမဆန်သော ပြစ်မှုကျူးလွန်ခြင်း လူမျိုးတုံး သတ်ဖြတ်မှုများကို ဗြောင်ကျကျ ကျူးလွန်ခဲ့ကြပါသည်။

ထိုကဲ့သို့ လူ့အသိတရားကင်းမဲ့စွာ ရက်စက်ကြမ်းကြုတ်လွန်းသည့် လူသတ်မှုကြီးကို ကျူးလွန်ခဲ့ကြသူ များအား နိုင်ငံတကာရှိ ရက္ခိုင်အဖွဲ့အစည်းများနှင့် ညီနောင်မဟာမိတ်လူမျိုးအဖွဲ့ များမှ ပြင်းထန်စွာ ကန့်ကွက် ရှုတ်ချ လိုက်ပြီး ပြစ်မှုကျူးလွန်သည့်အကြမ်းဖက်သမားများအား ထိထိရောက်ရောက် အရေးယူ အပြစ်ပေးသွား ရန် တောင်းဆိုလိုက်ပါသည်။

ဤအကြမ်းဖက်လူသတ်မှုကြီးတွင် အပြစ်မဲ့အသက်ဆုံးရှုံးခဲ့ရသူများ၏ ကျန်ရစ်သူ မိသားစုဝင်များနှင့်အတူ ထပ်တူထပ်မျှဝမ်းနည်းကြေကွဲရပြီး နိုင်ငံတကာရက္ခိုင်အဖွဲ့အစည်းများမှ အရေးပေါ်လိုအပ်သည့် အကူအညီ များကိုလည်း ပေးအပ်သွားမည် ဖြစ်ပါသည်။

စစ်ရာဇဝတ်မှု ၊ လူသားမဆန်စွာ သတ်ဖြတ်သည့်ပြစ်မှုနှင့် လူမျိုးတုန်းသတ်ဖြတ်မှုများကို ဗြောင်ကျကျ ကျူးလွန်ပြီး နေ့စဉ်ရက်ဆက် ကြည်း၊ရေ၊လေ တို့မှ ရက္ခိုင် မြို့ရွာများအနှံ့ ဗုံးကြဲခြင်း လက်နက်ကြီးများဖြင့် ပစ်ခတ်သတ်ဖြတ်ခြင်း အပြစ်မဲ့ ပြည်သူများအပေါ် စစ်ရာဇဝတ်မှုများ ကျူးလွန်လျှက်ရှိနေပါသည်။

ကုလသမဂ္ဂ ပဋိဉာဉ်စာချုပ်ပါ နိုင်ငံတခု၏ လိုက်နာရမည့် စည်မျဉ်းနှင့် နိုင်ငံတကာဥပဒေများကို စဉ်ဆက်မပြတ် ချိုးဖောက်လာနေခဲ့သော စကစ အကြမ်းဖက်အဖွဲ့က ကျူးလွန်သူများအား ထိရောက်စွာ အရေးယူရန်နှင့် မတရားအာဏာသိမ်း ထိန်းချုပ်ထားသည့် မြန်မာနိုင်ငံရှိ စစ်အာဏာရှင်များကို အာဆီယံနှင့် ကုလသမဂ္ဂအဖွဲ့ဝင်နိုင်ငံ အဖြစ်မှ ထုတ်ပယ်သွားရန် အရှေ့တောင်အာရှနိုင်ငံများအဖွဲ့ (ASEAN) နှင့် ကုလသမဂ္ဂအဖွဲ့ချူပ်(UNITED NATION) တို့အား အလေးအနက်တိုက်တွန်းတောင်းဆိုလိုက် ပါသည်။


 


 




ဆက်စပ် သတင်းများ