မောင်တော မော၇၀တီနခခ(၄)နှင့် ဗျူဟာစခန်းကို AA ထိုးစစ်ဆင်တိုက်ခိုက်
(၎င်းစခန်းကိုလည်း AAက သိမ်းပိုက်လိုက်ပြီဟု သတင်းထွက်ပေါ်)
နောင်မင်းသူ၊နိရဉ္စရာ၊ ဇွန် ၈ ရက်/၂၀၂၄
၇ခိုင်ပြည်နယ်၊ မောင်တောမြို့နယ် တောင်ပိုင်းမော၇၀တီကျေးရွာအခြေစိုက် နယ်ခြားစောင့် ရဲတပ်ဖွဲ့ခွဲ နခခ(၄)နဲ့ ဗျူဟာကုန်းကို ဇွန်လ ၈ ရက်ယနေ့ နံနက်ပိုင်းမှစပြီးအာရက္ခတပ်တော်မှထိုးစစ်ဆင် တိုက်ခိုက်လျှက်ရှိရာ လက်ရှိမှာ ၎င်းစခန်းအား သိမ်းပိုက်လိုက်ပြီဟု သတင်းများထွက်ပေါ်နေကြောင်း မော၇၀တီဒေသခံများထံမှသိ၇သည်။
" မော၇၀တီစခန်းကြီး နဲ့စစ်ဆေးရေးဗျူဟာစခန်း တွေကို အေအေဖက် က ဒီနေ့မနက်မှာ ဒရုန်းတွေနဲ့ စတိုက်နေတယ်။စစ်တပ်ဖက်က လေကြောင်းနဲ့ မော၇၀တီ အနီးတဝိုက်ကိုလာပြီး ဗုံးချနေတယ်။ မောင်တောနခခ(၅)ကလည်းတာဝေးပစ်ဒုံးတွေနဲ့ ပစ်ကူပေးနေတယ်။ အခုတော့မော၇၀တီစခန်းကို အေအေက သိမ်းလိုက်ပြီလို့ သတင်းတွေ ထွက်လာပါတယ်"ဟု ဒေသခံတစ်ဦးက ပြောကြားသည်။
မော၇၀တီ ဗျူဟာသည် မော၇၀တီကျေးရွာထွက်၀အနီး၌တည်ရှိနေပြီးနခခ(၄)စခန်းကြီးမှာ မော၇၀တီ နှင့် ဥဒေါင်းကျေးရွာကြား၌ တည်ရှိကာ မေယုတောင်တန်းအားနောက်ခံထားပြီးတည်ဆောက် နေရာချထားတဲ့စခန်းကြီးတစ်ခုဖြစ်သည်။
"မော၇၀တီနဲ့အလယ်သံကျော်မှာက ဒေသခံတွေစစ်ဘေးရှောင်သွားကြတာ တစ်လနီးပါးရှိပြီ။အိမ်စောင့်တွေတော့ ကျန်ခဲ့ကြတယ်။ အခုသိမ်းလိုက်တဲ့မော၇၀တီနဲ့ အလယ်သံကျော်မှာတော့ စစ်အင်အား အတော်လေး အင်အားများတယ်လို့ သိ၇တယ်"ဟု မော၇၀တီဒေသခံ တစ်ဦးကပြောဆိုသည်။
မော၇၀တီအခြေစိုက် နခခ(၄) နှင့် ဗျူဟာကုန်းအား အာရက္ခတပ်တော်မှ တိုက်ခိုက်နေခြင်းကို အတည်ပြုနိုင်သော်လည်းသိမ်းပိုက်လိုက်ပြီဆိုသည့် အပေါ် သီးခြားအတည်ပြုနိုင်ခြင်းတော့ မရှိသေးပါ။
မောင်တောမြို့နယ်တောင်ပိုင်းရှိစစ်ကောင်စီခြေအခြေစိုက်နယ်ခြား စောင့်စခန်းများဖြစ်ကြတဲ့ကျောက်ပန္ဒူစခန်း၊တာဝါတိုင်စခန်း၊အင်းဒင်နခခ (၆)စခန်း၊ခွဆုံပြင်စခန်း၊မြင်းလွှတ်နခခ(၉)စခန်း များအား ဇွန်လ(၂)ရက်နေ့ မှ ဇွန်လ (ရ) ရက်နေ့ အတွင်းအာရက္ခတပ်တော်မှအပြီးသတ်သိမ်းပိုက်ရရှိခဲ့ပြီးနောက် မော၇၀တီစခန်းအားစတင်ထိုးစစ်ဆင်တိုက်ခိုက်ခဲ့ခြင်း ဖြစ်သည်။
မော၇၀တီနယ်ခြားစောင့်ရဲတပ်ဖွဲ့ခွဲ နခခ(၄)နှင့် ဗျူဟာအားအာရက္ခတပ်တော်မှ ထိုးစစ်ဆင် တိုက်ခိုက်လာပြီးနောက် စစ်ကောက်စီက လေကြောင်းမှ တိုက်ခိုက်ခဲ့သလို မောင်တောမြို့သူကြီး နခခ(၅)မှလည်း တာဝေးပစ်ဒုံးများနှင့်ပစ်ခတ်တိုက်ခိုက်ခဲ့ကြောင်း ဒေသခံများထံမှသိ၇သည်။
ဓါတ်ပုံ- မော၇၀တီနယ်ခြားစောင့်ရဲတပ်ဖွဲ့ခွဲနခခ(၄)အားတွေ့၇စဉ်
လှူရန်