ကံ့ကော်နီနီ ၊ နိရဉ္စရာ ၊ ဇွန် ၁၂ /၂၀၂၄

အာရက္ခတပ်တော်(AA) ကထိုးစစ်ဆင်တော့မည်ဟု ထွက်ပေါ်နေသည့်စစ်ရေးသတင်းကြောင့် “ရုတ်ရုတ် ရုတ်ရုတ်” ဖြစ်နေသည့် တောင်ကုတ်မြို့တွင် Mytelဖုန်းလိုင်းများ ၁၁နာရီကျော်ကြာ ပြတ်တောက်သွားခဲ့ပြီးလျှပ်စစ်မီးမှာလည်း လက်ရှိအချိန်ထိ ပြတ်တောက်နေသဖြင့် အခြအနေစိုးရိမ်စရာဖြစ်နေ၇သည်ဟု  မြို့ခံများနှင့်ဒေသခံများကပြောသည်။

တောင်ကုတ်မြို့ပေါ်တွင်Mytel နှင့်ATOM ဖုန်းလိုင်းနှစ်ခုသာရရှိနေခဲ့ရာမှ ယနေ့ဇွန်လ၁၂ ရက် မနက် ၈ နာရီဝန်းကျင်တွင် Mytel ဖုန်းလိုင်း စတင်ပြတ်တောက်သွားပြီးယခုညနေ ၆ နာရီ ၃၉ မိနစ်တွင်မှ ပြန်လည်ရရှိလာကြောင်းတောင်ကုတ်မြို့ခံတစ်ဦးကပြောသည်။

" မနက်စောစောကြီးကပဲMytel ဖုန်းလိုင်းတွေ အကုန်ပျောက်သွားတယ်။ ဘာကြောင့် ပြတ်သွား တာလဲတော့ မသိရဘူး။မိုးကြီးလို့ပြတ်တောက်သွားတာလား။ဘာကြောင့်လဲဆိုတာ။ အခုညနေမှပဲ ပြန်ပေါ်လာတယ်။ ဖုန်းလိုင်းပြတ်တောက်သွားတော့အဆက်သွယ်တွေပါ ပြတ်တောက် ကုန်တယ်။ စစ်ရေးအခြေအနေကလည်း ရုတ်ရုတ်.. ရုတ်ရုတ် ဖြစ်နေတော့စိုးရိမ်မိတယ်" ဟု နိရဉ္စရာ သတင်းဌာနသို့ ပြောသည်။

တောင်ကုတ်မြို့နယ်မှကျေးရွာများတွင်လည်း Mytel ဖုန်းလိုင်းများ အလားတူ ပြတ်တောက် သွားခဲ့သည်ဟု သိ၇သည်။

ယနေ့မနက်ကပင်ဖုန်းလိုင်းနှင့်အတူ တောင်ကုတ်  တစ်မြို့နယ်လုံး လျှပ်စစ်မီးပါပြတ်တောက်သွားပြီးညနေပိုင်းတွင် ဖုန်းလိုင်းများပြန်လည်ရရှိလာသော်လည်း လျှပ်စစ်မီး ပြတ်တောက်နေဆဲဖြစ် ကြောင်းတောင်ကုတ်မြို့ခံအမျိုးသမီးတစ်ဦးကပြောသည်။

" လျှပ်စစ်မီးပါပြတ်သွားတာ။ အခုဖုန်းလိုင်းပြန်ပေါ်လာပေမယ့်လျှပ်စစ်မီးကတော့ပြတ်နေသေးတယ်"ဟု သူမက ပြောသည်။

ယနေ့တစ်ရက်လုံးမိုးသည်းထန်စွာရွာသွန်းနေပြီးတောင်ကုတ်မြို့ပေါ်မှ မြေနိမ့်ပိုင်းရပ်ကွက်တချို့တွင်ရေကြီးရေလျှံဖြစ်နေကြောင်းလည်း တောင်ကုတ်မြို့ခံများကပြောသည်။

တောင်ကုတ်မြို့သည်စစ်ဆင်ကွပ်ကဲမှုဌာနချုပ် စကခ(၅)အခြေစိုက်ရာမြို့ဖြစ်ပြီး အာရက္ခတပ်တော် (AA) က ထိုးစစ်ဆင် သိမ်းပိုက်မည်ဟု ကြေညာထားသည်။

ယမန်နေ့ဇွန်လ၁၁ ရက် မနက်ပိုင်းက တောင်ကုတ်မြို့၊ပန်းမြောက်တောင်တွင်တပ်စွဲထားသည့် စစ်ကောင်စီ အမြောက်တပ်နှင့်စကခ(၅)လက်အောက်ခံမြို့ပေါ်တပ်ရင်းများက တောင်ကုတ်ရိုးမ ပေါ်ကနေ အာရက္ခတပ်တော် (AA)စစ်သည်များမြို့ကိုထိုးဖောက်ဝင်ရောက်လာမည်ကိုကြောက်လန့်ပြီး လက်နက်ကြီးများပစ်ခတ်တိုက်ခိုက်ခဲ့၍ တံခွန်ကျေးရွာအနီး လက်နက်ကြီးကျည် ကျရောက် ပေါက်ကွဲမှုရှိခဲ့သည်ဟု သိ၇သည်။