ဗုဒ္ဓဟူး၊ ဇူလိုင်လ ၁၇ရက်၊ ၂၀၂၄

ချင်းပြည်နယ်၊ မတူပီမြို့သိမ်းတိုက်ပွဲ AA မှ ကူတိုက်ပေးနေ


  • ရေးသူ: Web Master
  • | ရက်စွဲ: ၁၄ ဇွန် ၂၀၂၄
  • | ကြည့်ရှုသူ: 1.5k

အေးမြတ်ခိုင်၊ နိရဉ္စရာ၊ ဇွန်လ ၁၄/၂၀၂၄

ချင်းပြည်နယ်၊ မတူပီမြို့သိမ်းတိုက်ပွဲတွင် ချင်းညီနောင်တပ်ဖွဲ့ကို အာရက္ခတပ်တော်( AA)မှ ကူညီပြီး တိုက်ပေးနေကြောင်း အေအေသတင်းရင်းမြစ်ကနိရဉ္စရာသို့ ပြောသည်။

 " ကျနော်တို့ မတူပီမြို့သိမ်းနိုင်ဖို့ ကူညီနေတာ ရှိတယ်။ ဗျူဟာတွေ ဘာတွေသိမ်းပြီးရင် သူတို့ အုပ်ချုပ်ရေးကဏ္ဍ‌တွေ လုပ်ဆောင်နိုင်သွားမှာပါ"ဟုအေအေသတင်းရင်းမြစ်က ပြောသည်။

 

မတူပီမြို့ကို ချင်းညီနောင်စစ်ဆင်ရေး(Operation CB) အဖြစ် ဇွန်လ ၉ ရက်တွင် ယောတပ်မတော်  Yaw Army အပါအဝင်တခြားမဟာမိတ်တပ်ဖွဲ့များနှင့်အတူ စတင်ထိုးစစ်ဆင်တိုက်ခိုက်လျက်ရှိပြီး တိုက်ပွဲပြင်းထန်နေကြောင်း ချင်းညီနောင်အဖွဲ့က ယမန်နေ့ ဇွန်လ ၁၃ ရက်တွင် ထုတ်ပြန်သည်။

 

 မတူပီမြို့သည် အေအေ သိမ်းပိုက်ထားသည့် ပလက်ဝမြို့နှင့် ဆက်စပ်နေသည့်မြို့တမြို့လည်း ဖြစ်သည်။

 

လက်ရှိတွင် မတူပီမြို့ ရဲစခန်းနှင့် ထွေအုပ်ရုံးကို ချင်းညီနောင်နှင့် မဟာမိတ်ပူးပေါင်းတပ်ဖွဲ့က အပြီးသတ်သိမ်းပိုက်ရရှိထားပြီး ခလရ-၃၀၄ တပ်ရင်းစခန်းကိုလည်း ဆက်လက်ထိုး စစ်ဆင် တိုက်ခိုက်နေသည်ဟု သိရသည်။

 

မတူပီမြို့သိမ်းတိုက်ပွဲပြင်းထန်နေ၍ စစ်ကောင်စီဘက်က လေကြောင်းအသုံးပြုကာ ဆက်တိုက် ဗုံးကြဲကာခုခံမှုများရှိနေသည်ဟု ‌ဒေသတွင်း သတင်းများအရ သိရသည်။

ဓာတ်ပုံ- CDF Matupi 

 

ဆက်စပ် သတင်းများ