ဂျွန်နသန်၊ နိရဉ္စရာ၊ ဇွန် ၁၇/၂၀၂၄

မြန်မာစစ်အစိုး၇နှင့် ပုလဲလုပ်ငန်းကို ပူးပေါင်းလုပ်ကိုင်နေသည့်TASAKI ကုမ္ပဏီ အနေဖြင့် ၄င်း၏မြန်မာနိုင်ငံတွင် လုပ်ကိုင်နေသည့် လုပ်ငန်းအားလုံးကိုအဆုံးသတ်ရန် လူ့အခွင့်အရေးအဖွဲ့ JFM က တောင်းဆိုလိုက်သည်။

ဂျပန်TASAKI ကုမ္ပဏီ သည် အမေရိကန်၊ယူကေနှင့် ကနေဒါနိုင်ငံတို့မှ ဒဏ်ခတ်ပိတ်ဆို့ထားသော မြန်မာစစ်အစိုးရပိုင်ပုလဲလုပ်ငန်း (MPE) နှင့် ဆက်လက်ပူးပေါင်းလုပ်ကိုင်လျက်ရှိသည်ဟုJFM ကဆိုသည်။

TASAKI နှင့်ယင်းကုမ္ပဏီတွင်ရင်းနှီးမြှုပ်နှံထားသူများသည် စစ်အာဏာရှင်တို့နှင့် လုပ်ငန်း အားလုံးကိုတာဝန်သိစွာ အဆုံးသတ်ပြီး လူ့အခွင့်အရေးကိုလေးစားလိုက်နာကြရန် JFM က တောင်းဆိုလိုက်သည်။

ထို့အပြင်TASAKI သည် ၂၀၂၁ ခုနှစ် ဖေဖော်ဝါရီလ ၁ ရက်နေ့မှစတင်၍ မြန်မာ့ပုလဲ ထုတ်လုပ်ရေးနှင့်ရောင်းဝယ်ရေး လုပ်ငန်း (Myanma Pearl Enterprise- MPE) နှင့် အခြားသော စစ်အစိုးရထိန်းချုပ်ထားသော အဖွဲ့အစည်းများနှင့် ၎င်း၏ အရောင်းအဝယ်များကို လူသိရှင်ကြား ထုတ်ဖော်သင့်ကြောင်းလူ့အခွင့်အရေးအဖွဲ့ တစ်ခုဖြစ်သည့် Justice ForMyanmar (JFM) က ဇွန်လ ၁ရရက် တွင်ထုတ်ပြန်ခဲ့သည့်သတင်းထုတ်ပြန်ချက်တွင်အထက်ပါအတိုင်း တောင်းဆိုလိုက်ခြင်း ဖြစ်သည်။

MPE ၏ ထုတ်ပြန်ချက်အရ ပုလဲထုတ်လုပ်မှုခွဲဝေပေးရေး သဘောတူညီချက် အ၇ ပုလဲထွက်ကုန်၏၂၀%မှ ၂၅% ထိကို MPE က ရရှိနေမှုအပါအဝင် စစ်အာဏာရှင်များသည် ပုလဲလုပ်ငန်းမှရရှိသော ဝင်ငွေများမှအကျိုးအမြတ်များစွာကိုရရှိနေသည်။

ပုလဲလုပ်ငန်းနှင့်ပတ်သက်သည့်အကောက်ခွန်များ၊ အခြားအခွန်အခများနှင့် ထပ်ဆင့်အချော ထုတ်လုပ် ပေးနိုင်သည့်နည်းပညာလွှဲပြောင်းမှုတို့မှလည်း စစ်အစိုးရသည် အကျိုးအမြတ်များစွာ ရရှိခဲ့ကြောင်း JusticeFor Myanmar (JFM) ၏ သတင်းထုတ်ပြန်ချက်တွင်ဖော်ပြချက်အရသိ၇သည်။