သဥ္ဇာနွယ်၊ နိရဥ္စရာ၊ ဇွန် ၂၈/ ၂၀၂၄

တောဟိန်းတောင်ဗျူဟာကျသွားပြီးနောက် အမ်းမြို့ရှိ အနောက်ပိုင်းတိုင်း စစ်ဌာနချုပ်(နပခ) အနီးထိ တိုက်ပွဲဖြစ်ပွားမှု နီးကပ်လာသဖြင့် မြို့ခံအများအပြား ထွက်ပြေးတိမ်းရှောင် နေကြ၇သည်ဟု သတင်းရရှိသည်။

အမ်းဒေသခံအမျိုးသားတစ်ဦးက “ ကြောင်ဖြူကွင်းကျေးရွာနားမှာဆိုရင် ဒီလ  ၂၆ ရက် လောက်ကတည်းက အာရက္ခတပ်တော်က စစ်ကောင်စီစစ်ကြောင်းကို တိုက်ရင်းနဲ့ တိုက်ပွဲဖြစ်နေကြတာရှိတယ်။ မနေ့ကလည်းဖြစ်တယ်။ ကြောင်ဖြူကွင်းရွာဖက်ကို စစ်ကြောင်းတွေ မကြာမကြာထိုးတယ်။ အနောက်ပိုင်းတိုင်းစစ်ဌာနချုပ်နဲ့  ကြောင်ဖြူကွင်းနဲ့ နီးတယ်လေ”ဟု နိရဥ္စရာ သတင်းဌာန ကိုပြောသည်။

တိုက်ပွဲဖြစ်ပွားနေသည့် ကြောင်ဖြူကွင်းကျေးရွာသည် အမ်းမြို့အနောက်ပိုင်းတိုင်း စစ်ဌာနချုပ်နှင့် တမိုင်ခွဲခန့် အကွာအဝေးတွင် တည်ရှိပြီး စစ်ကောင်စီစစ်ကြောင်းနှင့် အာရက္ခတပ်တော်တို့ အကြား  ဇွန်လ ၂၆ရက်မှ စတင်ပြီးကြောင်ဖြူကွင်းရွာ အနီးတွင် ထိတွေ့ တိုက်ပွဲဖြစ်ပွားခဲ့သည်ဟု ၎င်းက ပြောသည်။

အမ်းမြို့ခံအမျိုးသမီးတစ်ဦးက “ လက်နက်ကြီးပစ်ခတ်သံတွေက အခုရက်ပိုင်း အတွင်းမှာ မြို့အနားထိ ကျယ်ကျယ်လောင်လောင်ကြားနေ၇တော့ မြို့ခံတွေက အရင်ကထက်ပိုပြီး ထွက်ပြေးကြတယ်။ သူ့နည်း သူ့ဟန်နဲ့ မြို့ထဲကနေ ထွက်ကြ၇တာပေါ့။  မြို့ထဲမှာ မလုံခြုံတော့သလို ခံစားနေ၇တယ်”ဟု ပြောသည်။

အမ်းမြို့နယ် မဲလက်မောင်းကျေးရွာအနီးရှိ  မဲတောင် တောင်ကြောတလျှောက်ရှိ စစ်ကောင်စီ ကာကင်းများကို အာရက္ခတပ်တော်မှ ထိုးစစ်ဆင် တိုက်ခိုက်လျက်ရှိရာ အသာစီး၇ထားကြောင်း စစ်ရေး သတင်းအရင်းမြစ်များအ၇ သိ၇သည်။

“ မဲတောင်မှာရှိတဲ့ ကာကင်းစခန်းက စစ်ကောင်စီတချို့ နောက်ဆုတ် ထွက်ပြေးသွားတာတွေရှိတယ်။ တပ်တော်ဖက်ကတော့ အသာ၇နေတယ်လို့ ပြောလို့၇တယ်။ တိုက်ပွဲတွေက တော်တော်ပြင်းထန်နေတဲ့ အနေအထားမှာ ရှိနေပါတယ် ”ဟု ပြောသည်။

အမ်းမြို့နယ် အနီးဝန်းကျင်တွင် တိုက်ပွဲပြင်းထန်လျက်ရှိပြီး အနောက်ပိုင်းတိုင်း စစ်ဌာနချုပ်အနီးအထိ နီးကပ်လာပြီဖြစ်သဖြင့် စစ်ကောင်စီဖက်မှလည်း ကာကင်းများကို အများအပြား တိုးချဲ့ တည်ဆောက်ထားသလို  အင်အားအများအပြားကိုလည်း တိုးချဲ့ ချထားကြောင်း ဒေသခံများက ပြောသည်။