- Web Master
- ၂၈ ဇွန် ၂၀၂၄
နိရဉ္စရာ၊ ဇွန် ၃၀/၂၀၂၄
ရခိုင်ပြည် တောင်ဘက်အစွန်းဆုံး ဂွမြို့ကို ဇူလှိုင်လအတွင်း အာရက္ခတပ်တော် ( AA)က ဝင်ရောက် သိမ်းပိုက်မည်ဟု ကောလာဟလ သတင်းများထွက်ပေါ်နေသဖြင့် ဂွမြို့ကနေ စွန့်ခွာ ထွက်သွားသူများပြားလာနေ၍ ဌာနဆိုင်ရာ ဝန်ထမ်းများကို ဂွမြို့ကနေ ထွက်ခွာခွင့်မပြုတော့ကြောင်း သိရှိရသည်။
“ ဂွမြို့ခံလူတွေက
ဧရာ၀တီတိုင်းဘက်ကို ရွှေ့နေကြတယ်။ မြို့ကနေ ထွက်ခွာသူများလာတော့ အခု မြို့ကနေ ဝန်ထမ်းတွေကို
ထွက်ခွာခွင့် မပေးတော့ဘူးလို့ သိရပါတယ်”
ဟု ဝန်ထမ်းတစ်ဦးက ပြောသည်။
ဂွမြို့ ဒေသခံများသည် ဂွ-ငသိုင်းချောင်းမှ တောင်ကြားလမ်းမှ
တဆင့် ဧရာ၀တီတိုင်းသို့ ပြောင်းရွှေ့နေကြသလို ဂွ-မကျည်းငူ ကမ်းခြေပတ်လမ်းမှလည်း သွားလာမှုရှိနေသည်ဟု၎င်းက
ပြောဆိုသည်။
“ အခု သတင်းတစ်ခု ပျံ့နေတာက ဇူလှိုင်လမှာ အေအေက ဂွမြို့ကို ဝင်သိမ်းတော့မယ်လို့ သတင်းပျံ့နေပါတယ်။ ဒါနဲ့ တချို့လူတွေက တိုက်ပွဲဖြစ်လာမှာကို စိုးရိမ်ပြီး ဧရာ၀တီတိုင်းဘက်ကို ရွေ့နေကြတယ်လို့ သိရပါတယ်။ ပိုက်ဆံချမ်းသာတဲ့သူတွေဆိုရင် ရန်ကုန်၊ ပုသိမ်သွားကြတာပေါ့”ဟု ပြောဆိုသည်။
ဂွမြို့တွင် စစ်ကောင်စီ၏ ခမရ ၅၆၂ နှင့် ၅၆၃ တပ်ရင်း ၂ ရင်းသာရှိပြီး အေအေဝင်တိုက်ပါက တိုက်ပွဲအပြင်းအထန် ဖြစ်လာနိုင်သဖြင့် အရပ်သားများသာမက စစ်ကောင်စီတပ်တွင်း မိသားစုများအနေဖြင့် စိုးရိမ်နေကြသည်ဟု သိရသည်။ ( သတင်းနှင့် ဓာတ်ပုံ-CJ)