သဉ္ဇာနွယ်၊ နိရဉ္စရာ၊ဇူလိုင် ၇/၂၀၂၄

အာရက္ခတပ်တော် ( AA)က ထိုးစစ်ဆင် တိုက်ခိုက်နေသည့် အနောက်ပိုင်းတိုင်းစစ်ဌာချုပ် ကာကင်းများရှိရာ အမ်းမြို့နယ်မဲတောင်တောင်ကြောတစ်လျှောက်ကို စစ်ကောင်စီမှ ယမန်နေ့က ဗုံးကြဲ တိုက်ခိုက်နေကြောင်းသတင်းရရှိသည်။

အမ်းမြို့နယ်၊ မဲတောင်တောင်ကြောတစ်လျှောက်နှင့် အနီးအနားကျေးရွာများကို ယမန်နေ့ ဇူလိုင်လ ၆ရက်နေ့နံနက်က စစ်ကောင်စီမှ လေကြောင်းဖြင့် ဗုံးကြဲတိုက်ခိုက်ခဲ့သည်ဟု အမ်းစစ်ပွဲများကို အနီးကပ်စောင့်ကြည့်နေသူလူမှုရေး လှုပ်ရှားနေသူ တစ်ဦးက ပြောပါတယ်။

" မဲတောင် တောင်ကြော တစ်လျှောက်ကို မနေ့ မနက်က စစ်ကောင်စီ ဗုံးကြဲတိုက်ခိုက်ခဲ့တယ်။အနီးအနား ကျေးရွာက ဒေသခံတွေကတော့ မရှိတော့ဘူး။ တိမ်းရှောင်တဲ့သူက ရှောင်နေကြပြီ။ တိုက်ပွဲကတော့ ပြင်းနေတယ်။ စစ်ကောင်စီဖက်ကလည်းခုခံနေတယ်။"

ယမန်နေ့ ဇူလိုင် ၆ရက်နေ့သတင်းအရ မဲတောင် ပေါ်ရှိ စစ်ကောင်စီစခန်းများအား အာရက္ခတပ် ထိုးစစ်ဆင်နေပြီး တိုက်ပွဲများမှာရက်ဆက်ဖြစ်ပွားနေသည်ဟု ဆိုသည်။ 

" ကာကင်းစခန်း(၅)ခုလုံးကို တပ်တော်က တိုက်ခိုက်နေတာကြာနေပြီ။  အသာစီး၇ထားတယ်။ မဲတောင်မှာတော့ စစ်ကောင်စီအင်အား ၃၀၀ထက်မနည်းရှိတယ်လို့ သိ၇ပါတယ်" ဟု ၎င်းကပြောသည်။

မဲတောင်ပေါ်ရှိ ကာကင်းစခန်းများသည်အနောက်ပိုင်းတိုင်းစစ်ဌာနချုပ်၏ လက်အောက်ခံ တပ်ဖွဲ့များနေရာယူထားသည့် စခန်းများဖြစ်ပြီး လက်ရှိတွင် နှစ်ဦးနှစ်ဖက်အပြန်အလှန်တိုက်ပွဲဖြစ်ပွားရာတွင် အာရက္ခတပ်တော်မှ အသာစီးရနေ၍ မဲတောင်တောင်ကြောတစ်လျှောက်ကို ယခုကဲ့သို့လေကြောင်းဖြင့် အဆက်မပြတ်ဗုံးကြဲတိုက်ခိုက်နေခြင်းဖြစ်သည်ဟု စစ်ရေးသတင်းအရင်း အမြစ်များက ပြောသည်။

အနောက်ပိုင်းတိုင်းစစ်ဌာနချုပ်(နပခ)တွင်စစ်ကောင်စီ၏ တပ်သားများသည် AA၏ထိုးစစ်ကိုခုခံနိုင်ရန်အတွက် ယခင်ထက်ပိုမိုခံစစ်ပြုလုပ်ထားကာပြည်သူများအား သွားလားခွင့်ပိတ်ထား(နပခ) အနီးတွင်သွားလာခွင့်ပိတ်ထားသည်ဟု မြို့ခံများကပြောသည်။

" နပခအနားကလမ်းတွေကို ပြည်သူတွေကိုသွားလာခွင့်မပြုတော့ဘူး။ သူတို့က သွားလာတဲ့ သူမှန်သမျှကို အေအေလို့ ထင်တဲ့ သံသယနဲ့ကြောက်လန့်ပြီး ပိတ်ထားတာ" ဟူပြောသည်။

ယင်းအပြင်ဆောက်လုပ်ရေးအင်ဂျင် နီယာတပ် (GE)၊ လက်နက်ကြီး တပ်ဆင် စစ်မြေပြင် အင်ဂျင်နီယာတပ်(BE) ၊ ဆေးတပ်၊ လေကြောင်းကာကွယ်ရေးတပ်ကလည်းလက်နက်ကြီးနဲ့ ပစ်ခတ်မှုများ ရှိနေသည်ဟု သိ၇သည်။

တိုက်ပွဲများ ဖြစ်ပွားနေမှုများကြောင့် အမ်းမြို့ထဲတွင်ရှိနေသည့်မြို့သူမြို့သားများ စားဝတ်နေရေး ကျပ်တည်းကာ၊ဆေးဝါးပြတ်လပ်နေပြီး  လမ်းသွားလမ်းလာပိတ်ပင်ခြင်းခံနေရသဖြင့်အခက်အခဲနှင့် ရင်ဆိုင်နေရကြောင်း သိ၇သည်။