သံတွဲထောင်လက်နက်ကြီးကျည်ထိမှန်၊ အကျဉ်းသား တချို့ကို လွှတ်ပေးပြီး တပ်ဆုတ်ရန်ပြင်ဆင်
လူထက်နိုင်( ဒွါရာမြီ)၊နိရဉ္စရာ၊ ဇူလိုင် ၁၂/ ၂၀၂၄
အာရက္ခတပ်တော် ( AA)က ထိုးစစ်ဆင် တိုက်ခိုက်နေသော ရခိုင်ပြည်၊ သံတွဲမြို့ အကျဉ်းထောင်တွင် လက်နက်ကြီးကျည် ထိမှန်ပြီးနောက်အကျဉ်းသား တချို့ကို ပြန်လွှတ်ပေးကာ ထောင်အတွင်း တပ်စွဲထားသည့် စစ်ကောင်စီတပ်လည်း တပ်ဆုတ်ရန်ပြင်ဆင်နေသည်ဟုသတင်းရရှိသည်။
အကျဉ်းဦးစီးနှင့် နီးစပ်သူတစ်ဦး “ထောင်ထဲကို လက်နက်ကြီးတစ်လုံးကျတယ်။ဘယ်ဖက်
စစ်ကောင်စီတပ်အထိုင်ချထားသည့် သံတွဲအကျဉ်းထောင်မှ နိုင်ငံရေးအကျဉ်းသားအချို့ အပါအဝင် အကျဉ်းသားအချို့သည် ဇူလိုင် ၁၂ရက်နေညပိုင်းတွင်း ပြန်လွတ်လာကြောင်း ဒေသခံတစ်ချို့ထံမှ သိ၇သည်။
ဒေသခံ တစ်ဦးက“ ဒီကနေ့ မွန်းလွန်ပိုင်းမှာသံတွဲအကျဉ်းထောင်အတွင်းကို လက်နက်ကြီးကျည် ကျရောက် ပေါက်ကွဲခဲ့ပါတယ်။ထောင်သားတွေ အကြား ၀ရုန်းသုန်းကားဖြစ်ပြီး ဆူညံမှုတွေ ဖြစ်ပေါ်ခဲ့တယ်လို့ သိရပါတယ်။ထောင်ဝန်ထမ်းတွေလည်း စိုးရိမ်စရာဖြစ်လာပါတယ်။ နောက်ပိုင်းမှာတော့ထောင်သားတချို့ လွတ်မြောက်လာတယ်လို့သိ
သံတွဲအကျဉ်းထောင်တွင် စစ်ကောင်စီတပ်သားများ နေရာယူထားပြီးလက်နက်ကြီး အထိုင်ချကာ ဗျူဟာမှူးတစ်ဦး ကွပ်ကဲနေသော်လည်း အခိုင်အမာတည်ဆောက်ထားသည့်စခန်းမဟုတ်သဖြင့် အေအေ တိုက်ခိုက်လာပါက ခုခံကာကွယ်နိုင်မည်မဟုတ်၍ တပ်ဆုတ်ရန် ပြင်ဆင်နေခြင်း ဖြစ်သည်ဟု ဒေသတွင်း စစ်ရေးလေ့လာနေသူ တစ်ဦးကလည်း သုံးသပ်ပြောကြားသည်။
“ ခမ၇ ၅၆၆ တို့လို့ ခလ၇ (၅၅) တို့လို စနစ်တကျ အခိုင်အမာတည်ဆောက်ထားတဲ့တပ်ရင်းတွေတောင် အေအေက သိမ်းပိုက်သွားနိုင်တယ်ဆိုတော့ သံတွဲထောင်လို ဘာမှ အသေအချာမပြင်ထားတဲ့ စခန်းတွေဆိုရင် ချက်ချင်း ကျသွားနိုင်တယ်။ ဒါကြောင့် သူတို့ နောက်ဆုတ်ဖို့ပြင်နေပုံ၇တယ်”ဟု ပြောကြားသည်။
အာရက္ခတပ်တော် သိမ်းပိုက်သွားသည့် ခလ၇ (၅၅) တပ်ရင်းသည် ရခိုင်ပြည်၌အရှည်ကြာဆုံး တည်ရှိနေသည့် တပ်ရင်း တစ်ခုဖြစ်ပြီး နှစ်ပေါင်းများစွာ အခိုင်အခန့်တည်ဆောက်ထားသည့်တပ်ရင်းဖြစ်သည်။ မြန်မာနိုင်ငံ လွတ်လပ်ရေးရပြီးနောက်ရခိုင်ပြည်တွင် တပ်ရင်း ၃ ရင်း အခြေစိုက်ရာ ခလ၇ (၅၅) သံတွဲကို စစ်တွေ ခလ၇ (၂၀)နှင့် ကျောက်ဖြူ ခလ၇ (၃၄)တို့ အတူ အခြေစိုက်ထားခဲ့ခြင်းဖြစ်သည်။
ထိုသို့ အခိုင်အမာ တည်ဆောက်ထားသည့် သံတွဲ ငပလီမြို့တွင်အခြေစိုက်ထားသည့် ခလ၇ (၅၅) ကျပြီးနောက် သံတွဲမြို့ကို အချိန်မရွေး အာရက္ခတပ်တော်က ဝင်ရောက်တိုက်ခိုက်နိုင်ပြီးတိုက်ခိုက်ပါကလည်း သံတွဲထောင်မှာ အခိုင်အခန့် တည်ဆောက်ထားသော ခြေကုတ်စခန်း မဟုတ်၍ အချိန်တိုအတွင်းကျသွားနိုင်သည်ဟု ၎င်းစစ်ရေးလေ့လာသုံးသပ်သူက ပြောကြားသည်။
ထိုသို့ အခြေအနေဖြစ်ပေါ်နေသဖြင့် သံတွဲထောင်ဝန်ထမ်းများနှင့်အကျဉ်းသားများ၏ လုံခြုံရေးမှာ စိုးရိမ်စရာ အခြေအနေဖြစ်နေသည်ဟုလည်း ၎င်းက ပြောဆိုသည်။
“ သံတွဲအကျဉ်းထောင်မှာအကျဉ်းသားတွေတချို့ကျန် ရှိနေပါသေးတယ်။ အစားအသောက်နဲ့ဆေးဝါးတွေကို ပို့လို့မရသလို ထောင်ဝင်စာ ပို့ခွင့်မရတာလည်း လနဲ့ ချီကြာမြင့်နေပါပြီ။လက်ရှိ စစ်ကောင်စီတပ်သားတွေနဲ့မိသားစုဝင်တွေလည်းထောင်အတွင်း ခိုလှုံနေကြတော့တိုက်ပွဲဖြစ်လာရင် ထောင်သားတွေအတွက် အထူးစိုးရိမ်စရာ ဖြစ်နေပါတယ်”ဟုထောင်ကျနေသည့် မိသားစုဝင် တစ်ဦးက ပြောသည်။
စစ်ကောင်စီသည် ဇွန်လအတွင်း သံတွဲအကျဉ်းထောင်အတွင်း လက်နက်ကြီးနှင့်အတူခံတပ်သဖွယ် ပြုလုပ်ကာ ထောင်ကို အကာအကွယ်ယူအထိုင်ချပြီးဇူလိုင် ရ ရက်မှစတင်ကာ ထောင်အတွင်းမှ လက်နက်ကြီး ပစ်ခတ် မှုများပြုလုပ်ခဲ့သည်။
သံတွဲရှိ စစ်ကောင်စီတပ်များသည် အာရက္ခတပ်တော်(အေအေ)၏ အပြင်းအထန်ထိုးစစ်ဆင်ခြင်းကို ခံနေရပြီး၊ ဇွန်လအတွင်း မဇင်လေဆိပ်ကို လည်းကောင်း၊ ခမ၇ ၅၆၆ တပ်ရင်းနှင့် ခလ၇ ၅၅ ကိုလည်းကောင်း ဆုံးရှုံးထားကာ တပ်သားများ ကစဉ့်ကလျားထွက်ပြေးနေကြ၇သည်။
သံတွဲမြို့နှင့်အနီးတဝိုက်ကို
လှူရန်