၇ခိုင်တွင် တိုက်ပွဲကာလ ကိုယ်ထူကိုယ်ထ သဘာ၀မြေသြဇာ ထုတ်လုပ်ရောင်းချ
နှင်းနွယ်နီ၊ နိရဥ္စရာ၊ ဇူလိုင် ၂၃/၂၀၂၄
၇ခိုင်ပြည်တွင် ပြည်တွင်းမှရရှိသော သဘာ၀ပစ္စည်းများဖြင့် သဘာ၀မြေသြဇာကို ကိုယ်ထူကိုယ်ထ ထုတ်လုပ်ရောင်းချနေပြီ ဖြစ်ကြော
၇ခိုင်တွင် ဓာတ်မြေသြဇာရှားပါးလာမှုကြောင့် တောင်သူလယ်သမားများအခက်အခဲဖြစ်
“ထုတ်လုပ်၇တာကတော့ မိုးရာသီဆိုရင် လယ်သမားတွေ ဓာတ်မြေသြဇာ အခက်အခဲဖြစ်လာ နိုင်တယ်လို့ တွေးမိတယ်။ ဆန်စပါးတွေ မထွက်နိုင်ဆိုရင် ဒေသတွင်းမှာ ပိုပြီး လူထုတွေ ကျပ်တည်းလာမယ်။ အခက်အခဲ ဖြစ်လာနိုင်မယ်လို့ မှန်းပြီးတော့ ဒီဟာကို ဆောင်းရာသီကတည်းက လိုအပ်တဲ့ ကုန်ကြမ်းတွေကို ထုတ်လုပ်ထားတာပေါ့။ ဒေသအတွင်းမှာလည်း တောင်သူလယ်သမားတွေ သုံးနိုင်အောင်ဆိုပြီးတော့ ဈေးအပေါဆုံးနဲ့ အမြတ်မပါတဲ့ အတိုင်းအတာတစ်ခုအထိကို တစ်အိတ်ကို ၂၇၀၀၀ နဲ့ ရောင်းပေးထားတယ်” ဟုပြောသည်။
အဆိုပါ SAP သဘာ၀မြေသြဇာကို စစ်ဘေးရှောင်ရင်း အာရက္ခတပ်တော်ထိန်းချုပ်နယ်မြေ
“ အိတ်ရေတော့ လောလောဆယ် ၂၀၀၀ လောက် အဆင်သင့်ရှိနေတယ်။ မိုတွင်းမလို့ ထုတ်လုပ်မှုပိုင်းတော့ ရပ်သွားပြီ။ အားလုံး ထုတ်ပိုးပြီး ရောင်းဖို့အတွက် ဂိုဒေါင်ထဲ အဆင်သင့်နေပါပြီ” ဟု ပြောသည်။
SAP သဘာ၀မြေသြဇာ၌ ဖွဲပြာ၊ စပါးခွံ၊ ပဲဖတ်၊ မုန်ညင်းဖတ်၊ ဆန်မှုန့်၊ ကျောက်မှုန့်၊ မြေဆွေး၊ နွားချေး၊ EM၊ ငါးအမိုင်နိုနှင့် တင်လဲရည်တို့ပါဝင်ပြီး ဒေသအတွင်း လှိုင်လှိုင်ပေါသည့် ပစ္စည်းများဖြင့် စနစ်တကျ ထုတ်လုပ်ထားခြင်း ဖြစ်ကြောင်း သိ၇သည်။
သဘာ၀မြေသြဇာသည် ဓာတ်မြေသြဇာကဲ့သို့ ဓာတ်မပါဘဲ အကျိုးပြု ဘက်တီးရီးယားများကို မွေးကာ ပြုလုပ်ထားသည့် သဘာ၀မြေသြဇာ ဖြစ်သည့်အတွက် ပျက်စီးနေသည့် မြေများကို အဓိက ပြုပြင်ပေးကြောင်း ထုတ်လုပ်သူက ဆိုသည်။
“တိုက်တွန်းချင်တာက လက်ရှိအချိန်မှာ ကိုယ့်ဒေသမှာ အခက်အခဲမျိုးစုံနဲ့ ရင်ဆိုင်နေကြ၇တယ်ပေါ့။ ကုန်ဈေးနှုန်းတွေကလည်း မြင့်နေတယ်ဆိုတော့ ဓာတ်မြေသြဇာကို သုံးမယ့်အစား ကျနော်တို့ ထုတ်ထားတဲ့ဟာကို သုံးပါ။ ဓာတ်မြေသြဇာ ၅ သိန်းဖြစ်နေတဲ့အချိန်မှာ ၁ တောင်းလောက်ပဲဝယ်။ ကျနော့်အိတ် ၃ အိတ်နဲ့ ရောပြီးကျွေး။ ဒါလည်း ဖြစ်တယ်။ အဲလိုဆိုရင် သက်လည်း သက်သာတယ်။ မြေကိုလည်း ပြင်ပြီးသားဖြစ်သွားတယ်” ဟုဆိုသည်။
လက်ရှိအချိန်တွင် ၇ခိုင်နှင့် ပြည်မကို ဆက်သွယ်ထားသည့် လမ်းများကို စစ်ကောင်စီက ပိတ်ပင်ထား၍ အဆိုပါ သဘာ၀မြေသြဇာတွင် NPK အချိုးအစား မည်မျှပါဝင်သည်ကို စမ်းသပ်ရန် ရန်ကုန်ကို မပို့နိုင်သော်လည်း စနစ်တကျ ထုတ်လုပ်ထားခြင်းကို အာမခံနိုင်ကြောင်း SAP သဘာ၀မြေသြဇာ ပိုင်ရှင်က ပြောသည်။
၎င်းသဘာ၀မြေသြဇာကို လာမည့်နှစ်တွင် ယခုထက်ပိုပြီး ကောင်းမွန်သည့် ကုန်ကြမ်းများဖြင့် အသေအချာ ပြုလုပ်သွားမည်ဟု ရည်မှန်းထားပြီး စိုက်ပျိုးရေးနှင့်သက်ဆိုင်သည့် သင်တန်းများကိုလည်း ချိတ်ဆက် သင်ယူသွားဦးမည်ဖြစ်ကြောင်း သူက ဆက်ပြောခဲ့သည်။
SAP သဘာ၀မြေသြဇာ ၄၀ ကီလိုဂရမ် တစ်အိတ်ကို ငွေကျပ် ၂၇၀၀၀ နှင့် ၂၀ ကီလိုဂရမ် တစ်အိတ်ကို ငွေကျပ် ၁၅၀၀၀ ဖြင့် ဖြန့်ဖြူးရောင်းချပေးနေပြီး မှာယူလိုလျှင် ၀၉ ၄၁၀၀၀၂၁၂၊ ၀၉ ၆၇၈၀၉၁၃၄၇၊ ၀၉ ၅၆၈၀၆၈၇၊ ၀၉ ၆၅၁၉၉၆၆၉၈ တို့ကို ဆက်သွယ် မှာယူနိုင်ကြောင်း သိ၇သည်။
လှူရန်