- Web Master
- ၂၄ ဇူလိုင် ၂၀၂၄
(ရခိုင်တွင်
မိုင်းအန္တရာယ်အလွန်ကြီးမားလာ)
ဆလိုင်းမိုးအောင်၊ နိရဉ္စရာ၊ ဇူလိုင် ၂၅/ ၂၀၂၄
ရခိုင်ပြည်၊ မင်းပြားမြို့နယ်တွင် စစ်ကောင်စီတပ်ကထောင်ထားခဲ့သည့် စစ်ကျန်မိုင်းကိုနင်းမိ၍ မျှစ်ချိုးသွားသည့် အမျိုးသားတစ်ဦး ညာဘက်ခြေပြတ်ထွက်သွားသည်ဟု သတင်းရရှိသည်။
စစ်ကျန်မိုင်းကိုနင်းမိ၍ ညာဘက်ခြေပြတ်သွားသူမှာ မင်းပြားမြို့နယ်၊ ပန်းမြောင်းကျေးရွာ၊ ငှက်တော်ရရပ်ကွက်မှ အသက်(၃၀)အရွယ် ကိုထွန်းနိုင်စိုးဖြစ်သည်။
ကိုထွန်းနိုင်စိုးမှာ ယမန်နေ့ ဇူလိုင်လ ၂၄ ရက်၊ နေ့လယ် ၁ နာရီကျော်ခန့်က ပန်းမြောင်းကျေးရွာနှင့် ၂ မိုင်ခန့်ကွာဝေးသည့် တောင်ဖြူတောင် တောင်တန်းတွင် မျှစ်ချိုးသွားစဉ် မိုင်းနင်းမိခြင်းဖြစ်သည်ဟု ပန်းမြောင်းကျေးရွာမှ ဒေသခံတစ်ဦးက ပြောသည်။
"ညာဘက်ခြေ ခြေမျက်စိနားကနေ ပြတ်သွားတယ်။ သူတို့မိသားစုက နွမ်းပါးတယ်။ စားဝတ်နေရေးအတွက် မျှစ်သွားချိုးရင်း စစ်တပ်ကထောင်ထားခဲ့တဲ့ စစ်ကျန်မိုင်းကို နင်းမိခဲ့တာပါ" ဟု ပြောသည်။
လက်ရှိတွင်
ကိုထွန်းနိုင်စိုးမှာ ဒဏ်ရာပြင်းထန်သည့်အတွက် မြောက်ဦးမြို့နယ်အတွင်းရှိ
ဆေးရုံတစ်ခုတွင် အရေးပေါ်ဆေးကုသမှုခံယူနေရသည်ဟု
ကိုထွန်းနိုင်စိုးတွင် သားသမီး ၂ ဦးရှိသည်ဟုလည်း သိရသည်။
ယခုမိုင်းပေါက်ခဲ့သည့် တောင်ဖြူတောင်တွင် စစ်ကောင်စီတပ်က
ပြီးခဲ့သည့် ၂၀၁၉ ခုနှစ်ကတည်းက တပ်စွဲစခန်းချကာ
နေထိုင်ခဲ့ပြီး တပ်စွဲစခန်းချခဲ့သည့်
တောင်တန်းတစ်လျှောက်တွင်
မိုင်းထောင်ထားခဲ့ခြင်းဖြစ်သည်
ယမန်နေ့ ဇူလိုင်လ ၂၃ ရက်နေ့၊ မနက်ပိုင်းကလည်း ဂွမြို့နယ်၊ ကျိန္တလီမြို့၊ အမှတ်(၂) ရပ်ကွက်မှ ကလေး ၃ ဦး၏ ဖခင် ကိုမောင်ပေါက်ကျိုင်း (၂၈)နှစ်သည် ဒညင်းသီးသွားခူးရာမှ မိုင်းနင်းမိပြီးသေဆုံးခဲ့သည်။
အလားတူ ယမန်နေ့နံနက် ၉ နာရီခန့်ကလည်း ပုဏ္ဏားကျွန်းမြို့နယ်၊ ပေါက်တောပြင်ကျေးရွာမှ အသက် ၂၀ ကျော်အရွယ် မောင်ဇွဲအောင်အောင်မှာ ကျေးရွာအနောက်ဘက်ရှိ တောင်ပေါ်၌ မျှစ်ရှာသွားရာမှ စစ်ကောင်စီတပ်က ထောင်ထားခဲ့သည့် စစ်ကျန်မိုင်းကို နင်းမိ၍ ခြေနှစ်ဖက်ပြတ်သွားခဲ့သည်။
ရခိုင်တွင်
ဒေသခံအများစုမှာ တောတောင်ကို
မှီခိုကာ လုပ်ကိုင်စားသောက်နေရပြီး ကျေးလက်ဒေသခံများမှာ ရွာနီးစပ်နားရှိ တောတောင်များတွင်
ငါးရှာ ဟင်းခူးသွားရာမှ နေ့စဥ်ရက်ဆက်ဆိုသလို
မကြာခဏ မိုင်းနင်းမိ၍ ထိခိုက်သေဆုံးမှုများရှိနေကြသည်