(လက်နက်နှင့်ရိက္ခာတင်ပို့နေသည့် မောင်တော POEဆိပ်ကမ်းတိုက်ပွဲတွင် နယ်ခြားစောင့်အရာရှိ တစ်ဦးအပါအဝင်လေးဦးကျဆုံးခဲ့ဟုဆို)

နောင်မင်းသူ၊နိရဉ္စရာ၊ဩဂုတ် ၄/၂၀၂၄

စစ်ကောင်စီက လေကြောင်းမှ တိုက်ခိုက်နေသည့် ကြားက သြဂုတ်လ ၃ ရက် နေ့လယ်ပိုင်းတွင် ရွှေဇားတံတားရှိ စစ်ကောင်စီစခန်းအား AA သိမ်းပိုက်လိုက်ပြီဟု သတင်းများထွက်ပေါ်လျှက်ရှိနေသည်။

ရွှေဇားကျေးရွာအုပ်စု ဂုံးနားရွာ၌ အိမ်စောင့်ကျန်နေတဲ့ ဒေသခံမွတ်ဆလင်တစ်ဦးက "ရွှေဇား တံတားထိပ်ကနယ်ခြားစောင့်စခန်းကိုဩဂုတ်လ ၃ ရက် မနက်ကတည်းကအေအေ ဖက်က ဒရုန်းတွေနဲ့ဆက်တိုက် ဗုံးကြဲချတိုက်နေတာ။ နယ်ခြားစောင့် တွေကလက်နယ်ငယ်တွေနဲ့ ဒရုန်းတွေကို ပစ်ကြတယ်။ မွန်းတည်းပိုင်းမှာရွှေဇားတံတားစခန်းကိုAAကသိမ်းလိုက်ပြီလို့ သတင်းတွေ ထွက်နေတယ်။ တံတားကိုဘယ်သူမှဖြတ်သန်းသွားလာလို့မရတော့ အတိအကျမပြောနိုင်သေးဘူး။ဒါပေမယ့် ညနေပိုင်းမှာပစ်ခတ်သံတွေမကြား၇တောဘူးငြိမ်သက်နေတယ်"ဟု  ပြောကြားသည်။

ရွှေဇားတံတားရှိစစ်ကောင်စီစခန်းအား အာရက္ခတပ်တော်မှ ရက်ဆက် ထိုးစစ်ဆင်တိုက်ခိုက်နေပြီး ဒရုန်းများဖြင့်ပါ ဗုံးချတိုက်ခိုက်နေသဖြင့်နယ်ခြားစောင့်များနှင့် မွတ်ဆလင် စစ်သားများမှာ ညအချိန်၌ စခန်းအတွင်း မနေရဲကြတောဘဲ့ မြို့တွင်းဘက် တံတားအနီးရှိ လူနေထိုင်ခြင်းမရှိတဲ့ နေအိမ်များ၌ တပ်ဆုတ် စခန်းချနေထိုင်နေကြကြောင်းမျက်မြင်ဒေသခံများထံမှသိရသည်

ရွှေဇားတံတားရှိစစ်ကောင်စီစခန်းအားAA သိမ်းပိုက်ဟု သတင်းထွက်ပေါ်နေသော်လည်း နိရဉ္စရာ သတင်းဌာန အနေဖြင့် သီးခြား အတည်ပြုနိုင်ခြင်းတော့ မရှိသေးပါ။

စစ်ကောင်စီက လက်နက်နှင့်ရိက္ခာတင်ပို့နေသည့် မောင်တောမြို့ ဘုတ်ဆိပ် POE ဝင်/ထွက်စခန်းကို  အာရက္ခတပ်တော် (AA)မှ ထိုးစစ်ဆင် တိုက်ခိုက်နေပြီး အဆိုပါတိုက်ပွဲတွင် နယ်ခြားစောင့်အရာရှိ(၁) ဦးအပါအဝင် စစ်ကောင်စီတပ်သား (၄) ဦးနှင့် အာဆာတပ်ဖွဲ့ဝင်အများအပြား ကျဆုံးသွားခဲ့သည်ဟု ဒေသခံများက ပြောသည်။

ပြီးခဲ့သည့်ဇူလိုင် ၃၀ နေ့၌မောင်တောဘုတ်ဆိပ်  POEဝင်/ထွက်စခန်းအား အာရက္ခတပ်တော်မှ ပြင်းထန်သည့် ထိုးစစ်ဆင်ပြီး ဒရုန်းများ၊ စနိုက် ဘာများဖြင့်ပါ တိုက်ခိုက်မူကြောင့်  နယ်ခြားစောင့် အရာရှိ(၁) ဦး နှဖူး၌ စနိုက်ဘာထိမှန် ကျဆုံးခဲ့၇ပြီး နယ်ခြားစောင့်(၄)ဦးနှင့် မွတ်ဆလင် စစ်သားအများအပြား ကျဆုံးခဲ့ရကြောင်း ခိုင်လုံသည့်သတင်းရင်းမြစ်က ပြောဆိုသည်။

"POE က နယ်ခြားစောင့်အရာရှိကနဖူးမှာ စနိုက်  ဘာထိပြီးကျဆုံးတာ။ကျန်နယ်ခြားစောင့်၃ ဦး နဲ့ မွတ်ဆလင်စစ်သားအများအပြားက ဒရုန်းဗုံးထိမှန်ပြီးကျဆုံးသွားခဲ့ကြရတာ။ အရာရှိကိုတော့ ကျကျနန သဂြိုလ်ပေးနိုင်ခဲ့တယ်။ နာမည်နဲ့ရာထူးတော့ မသိဘူး " ဟုပြောဆိုသည်။

စစ်ကောင်စီမှာရေကြောင်းအားအသုံးပြုပြီးဇူလိုင်လ၁၇ ရက်နေ့၌လည်းမောင်တောဘုတ် ဆိပ် POE ဝင်/ထွက်စခန်းမှ လက်နက်၊ ခဲယမ်းရိက္ခာများအား တေဘာကား(၈) စီးဖြင့်တင် ဆောင် နေကြစဉ် AA ဖက်မှဒရုန်းများဖြင့်ဗုံးချတိုက်ခိုက်တာကြောင့် နယ်ခြားစောင့်(၂)ဦးကျဆုံးခဲ့ရပြီးအလုပ်သမား(ရ)ဦးဒဏ်ရာရရှိခဲ့၇သည်။

ထိုသို့AA၏ပြင်းထန်တဲ့ထိုးစစ်များကြောင့် မောင်တောဘုတ်ဆိပ်ဘုတ်ဆိပ်POEဝင်/ထွက်စခန်းမှ နယ်ခြားစောင့်များ နှင့်မွတ်ဆလင်စစ်သားများမှာညအချိန်၌ စခန်းအတွင်း မနေရဲကြတော့ဘဲ နယ်ခြားစောင့်များမှာ ရွှေအိုးတည်းခိုခန်း၌ စခန်းချအိပ်ကြပြီး။ မွတ်ဆလင်စစ်သားများမှာ အကောက်အခွန်ရုံးနှင့်မူလွန်စာသင်ကျောင်းများ၌ စခန်းချနေထိုင်နေကြကြောင်း ထိုအနီးရှိ ဒေသခံများထံမှသိ၇သည်။

ဓါတ်ပုံ- AAသိမ်းပိုက်ထားသည့်မောင်တောရွှေဇားတံတားရှိစစ်ကောင်စီနယ်ခြားစောင့် ကင်းစခန်းအား တွေ့၇စဉ်