နောင်မင်းသူ၊နိရဉ္စရာ၊ ဩဂုတ် ၁၁ /၂၀၂၄

ရခိုင်ပြည်၊မောင်တောမြို့ရှိ အာရက္ခတပ်တော်(AA)ပိတ်ဆို့ထားသည့်နယ်ခြားစောင့် တပ်ဖွဲ့ခွဲ(နခခ ၅)အား ယနေ့ ဩဂုတ် ၁၁ ရက် နံနက်တွင် စစ်ကောင်စီမှလေထီးများဖြင့် လက်နက်များနှင့် စားနပ်ရိက္ခာများကို ချပေးခဲ့သည်ဟု သိ၇သည်။

AA က မောင်တောမြို့အား ယမန်နေ့ သြဂုတ်လ ၁၀ရက်တွင် သိမ်းပိုက်လိုက်ပြီး စစ်ကောင်စီ၏တစ်ခုတည်းသာကျန်တော့သည့် နခခ(၅)တပ်ရင်းအား ပိတ်ဆို့ ထားလိုက်ခြင်းကြောင့်နခခ(၅)၌ လိုအပ်သည့်လက်နက်၊ ခဲယမ်းများနှင့်စားနပ်ရိက္ခာများကိုစစ်ကောင်စီက ယနေ့ သြဂုတ်လ ၁၁ ရက်၊ နံနက်မှစတင်ကာY-12 လေယာဥ်ဖြင့်လာရောက်၍လေထီးများဖြင့် ချပေးနေ၇ကြောင်း ဒေသခံများကပြောဆိုသည်။

ဒေသခံတစ်ဦးက "AA ဘက်က မြို့ကိုသိမ်းပြီးတော့နခခ(၅)တပ်ရင်းကို ပိတ်ဆို့ထားတယ်။ နခခ(၅)ကလိုအပ်တဲ့လက်နက်၊ ခဲယမ်းတွေနဲ့ စားနပ်ရိက္ခာတွေကို စစ်ကောင်စီက Y-12 လေယာဥ်ကနေ လေထီးတွေနဲ့ချပေးနေ၇တယ်"ဟု ပြောဆိုသည်။

ယင်းအပြင်မောင်တောမြို့ကို ယနေ့ နံနက်၉ နာရီခွဲ၌ စစ်ကောင်စီက ဂျက်တိုက်လေယာဉ် ၃ စီးဖြင့်အပြင်းအထန်ဗုံးကြဲချလျက်ရှိနေကြောင်း သိရသည်။

ဒေသခံတစ်ဦးက "လူတွေကတော့ မရှိတော့ဘူး။ နေအိမ်အဆောက်အအုံတွေပျက်စီးမှုများ နိုင်တယ်။မနေ့ကလည်း လက်နက်ကြီးကျလို့ကျော်တည်းခိုခန်း ပြိုပျက်သွားတယ်"ဟု ပြောသည်။

အလားတူနခခ(၅)ကလည်း မောင်တောမြို့သို့ လက်နက်ကြီးများ အဆက်မပြတ် ပစ်ခတ်လျက်ရှိသည်ဟုသိ၇သည်။

ဓာတ်ပုံ-စစ်ကောင်စီ၏Y12 လေယာဥ်အား တွေ့၇စဥ်။